Strandapósturinn - 01.06.2012, Qupperneq 105

105
sigið úr henni. Sex til átta síga þar í einu og hafa stundum fengið
tólf þúsund í einni ferð, fuglinum kastað niður og eru bátar til að
taka móti. Margir hlutir bæði til þeirra í bátunum og við festina.299
– Í Smiðjuvíkurbjargi mest af fýlungi (eða skrofu) og í
Drífandisbjargi.
Hælavíkurbjarg nær frá Hælavík300 að Hvannadal. Heljarurð
undir bjarginu Hafnar megin við Hælinn, klettur fyrir utan
bjargið heitir Hæll,301 svo Stapabót og Stapi302 þar fram undan.
Niður undan Hvannadal hátt brýni (gangur) fram í sjó, Kambur,303
svo Skrínur,304 básar þar niður undan, og beygist svo inn í Rekavík.
Þar fara Aðalvíkingar, menn úr Hælavík, Kjaransvík og Hlöðuvík
og hinum víkunum.
Að flytja lík í fyrravetur úr Bjarnarnesi kostaði 142 krónur.
Farið fyrst vestur á sveit að fá tvo líkmenn – annað dauðsfall í
Smiðjuvík – þá kom bylur, varð að fæða líkmenn í viku, ætluðu að
draga það á sleða niður í Lónafjörð,305 gerði öskrandi byl og svo
varð að skilja það eftir sökum ófærðar. Þar varð það í þrjár vikur.
Fór þá Jón Guðmundsson suður aftur. Eftir fyrirhöfn fékk hann
þrjá menn fyrir fjórtán krónur hvern. Fóru sex með bæði líkin frá
Smiðjuvík. Kom ust niður í Lónafjörð, svo eftir ís út eftir firði,
þraut ís þar, skilin eftir, gengið út að Kvíum og sótt skip og svo
sjóveg yfir Hrafnfjörð306 að Stað. – Annað lík frá Bjarnarnesi, af
sveitarómaga um sumarbjargræðistímann, 60 krónur. Á skipi fyrir
Hornbjarg að Höfn. Þaðan yfir Hafnarfjall í Veiðileysu og út að
Steig, þaðan á skipi að Stað.
299 Svæði þetta í Hælavíkurbjargi er nú nefnt Gránef og er orðið haft í fleirtölu.
Lýsingin kemur heim og saman við það sem tíðkaðist langt fram á 20. öld.
300 Af einhverri ástæðu ritar Þorvaldur hér „Hælarvík“ og „Hælarvíkurbjarg“ en þær
orðmyndir er ekki að finna annars staðar í lýsingunni. Hælavík og Hælavíkur-
bjarg eru réttar orðmyndir.
301 Standarnir eru tveir, Hæll og Göltur. Hællinn er mjór og upphár en Gölturinn er
bogamynd aður.
302 Heitir fullu nafni Súlnastapi.
303 Bríkurnar eru tvær. Hin stærri og ytri heitir Langikambur (hér er greinilega átt
við hann) en hin innri nefnist Fjöl. Milli þeirra er bás sem nefnist Kirfi.
304 Skrínur eru Rekavíkur megin við Fjölina.
305 Þeir hafa að líkindum farið Snókaskarð og ofan í Miðkjós innst í Lónafirði. Þar
var alfara leið frá Bjarnarnesi og Smiðjuvík. Úr Barðsvík var farið um Þrengsli og
ofan í Sópanda.
306 Hér fer Þorvaldur rétt með örnefnið, Hrafnfjörður, eins og heimamenn vilja hafa
það, s-laust.