Litli Bergþór - 01.06.2022, Blaðsíða 35

Það var gott og gaman að byrja árið kröftulega með
ballinu á Selfossi og við vorum öll til í að taka þennan
vetur tvöfaldan eftir vægast sagt erfitt félagslegt
ár. En svo fór sem fór og líkt og áður sagði þá dró
vissulega úr stemningunni þegar á leið og ljóst var
að lítið yrði um viðburði. Við gerðum samt mjög
gott úr því sem við höfðum og skemmtum okkur
vel á okkar opnu kvöldum. Okkar stærsta kvöld var
söngvakeppniskvöldið okkar. Það var í sjálfu sér ekki
mikil keppni í ár þar sem aðeins eitt atriði tók þátt og
var því nokkuð öruggt að það lag kæmist áfram. Þrátt
fyrir að atriðið væri aðeins eitt átti það svo sannarlega
skilið að fá sama umfang líkt og ef um mörg atriði
væri að ræða. Zetor bauð öllum nemendum í 7. bekk
í Reykholtsskóla, Bláskógaskóla á Laugarvatni og
Kerhólsskóla á söngvakeppnina. Við vorum svo
heppin að fá til okkar systurnar Freyju og Oddnýju
Benónýsdætur sem komu og sungu fyrir gestina, en
þær hafa unnið í ýmsum söngvakeppnum og m.a. tekið
þátt á USSS og komust áfram þar á SamFestinginn. Þær
hafa einnig sungið á Blítt & létt í Menntaskólanum að
Laugarvatni og unnið þá keppni oftar en einu sinni.
Þær sögðu frá sinni reynslu og svöruðu spurningum
úr salnum. Hallbjörn Valgeir Rúnarsson (Halli Valli)
var okkar hægri hönd í söngvakeppnisferlinu öllu
og sá m.a. um tæknimál, sviðsmál og aðstoðaði
söngvarana. Hann hefur áður komið okkur til aðstoðar
og það er frábært að vera með einstakling sem hefur
mikinn áhuga og reynslu á viðburði sem þessum og
er reiðubúinn að aðstoða okkur. Halli Valli hefur víða
komið við, hann starfar sem verkefnastjóri í málefnum
fatlaðra hjá Árnesþingi í dag en hann var verkefna-
stjóri frístundastarfs fatlaðra ungmenna í Hinu Húsinu
í Reykjavík og fór þá til Írlands með Töri Þöll sem tók
þátt í Eurosong (sem er nokkurskonar Eurovision fyrir
fólk með fötlun). Einnig var hann í hljómsveitinni
Ælu sem var virk á árunum 2003-2015. Espiflöt, Efsti-
Dalur og Fontana gáfu keppendum blóm og gjafabréf.
Það hefði þó engin keppni né viðburður sem þessi
verið í ár ef ekki væri fyrir okkar flottu drengi, þá
Ragnar Hjaltason, Ágúst Örn Jónsson, Jakob Mána
Ásgeirsson og Kjartan Helgason í Reykholt Goons sem
mættu óhræddir á sviðið með frumsamið lag og texta.
Ragnar og Kjartan sömdu textann, Ágúst samdi lagið
og Jakob samdi danssporin. Þeirra framlag fór svo
áfram í USSS (sem er eins og áður sagði Undankeppni
Söngkeppni Suðurlands) sem var sýnt í beinu streymi
frá Youtube rás í ár. Því miður komust þeir ekki áfram
í þeirri keppni en þeir segja að við megum gera ráð
fyrir að heyra meira frá þeim í framtíðinni.
Það styttist í sumarið, sólin fer hækkandi, daginn
er farið að lengja, vorilmurinn leynir sér ekki.
Félagsmiðstöðvarstarfið er enn í fullum gangi og
við erum tilbúin að fara að færa okkur út úr húsi. Í
mars fórum við loksins öll saman með rútu á ball á
Selfossi, þar sem Stuðlabandið og Séra Bjössi héldu
uppi skemmtuninni. Núna í apríl snýst flest allt um
SamFestinginn og páskafrí. SamFestingurinn er á
vegum Samfés og verður haldinn í Hafnarfirði í ár. Þar
koma fram Stuðlabandið, Páll Óskar, Steindi og Auddi
og fleiri frábærir listamenn á föstudagskvöldinu. Á
laugardeginum er söngvakeppnin þar sem öll þau
lög sem komust áfram í sínum félagsmiðstöðum eða
sínum undankeppnum, taka þátt.
Það er því óhætt að segja að þrátt fyrir sögulega
tíma og lokanir að þá hefur Zetor haft það gott og
gaman í vetur. Við höldum áfram með okkar opnu
kvöld í heimabyggð og hver veit hvað maímánuður
býður uppá.
Með kærri kveðju og þakklæti fyrir góðan vetur,
Ragnheiður Hilmars.
Litli-Bergþór 35
Höddi, Ingvar og Gása láta fara vel um sig í sófanum.
Strákarnir í Reykholt Goons: Ragnar, Jakob, Kjartan, Ágúst og Daníel.