Litli Bergþór - 01.06.2022, Síða 37

Litli-Bergþór 37
Þann 11. september 1977 birtist grein í Tímanum
sem ber nafnið „Að hefta uppblástur og stuðla að
landgræðslu“. Þar segir frá því að blaðamenn Tímans
hafi heimsótt flokk manna frá Landgræðslunni sem var
að reisa girðingu, sem náði alla leið frá Sandkluftavatni
á Uxahryggjarleið og austur undir Hagavatn, suður af
Langjökli. Verkstjóri flokksins var Greipur Sigurðsson
frá Haukadal og Kristín Sigurðardóttir, kona hans, var
matráðskona. Þau höfðu áralanga reynslu af vinnu með
flokkum sem þessum. Þarna voru þessir harðduglegu
ungu menn staddir við vinnu sína í Lambahrauni.
Lengi vel hafði mikill uppblástur vegna foks á
jarðvegi borist til byggða af hálendinu og þá helst frá
fyrrnefndu svæði. Landgræðslan ákvað því að ráðast
í mikið átak til að sporna við þessu sandfoki með því
að friða uppblásturssvæðið og sá í allverstu svæðin
og þannig reyna að stöðva uppblásturinn. Sumarið
1977 var melfræi sáð við Sandkluftavatn og áburða
flugvélin Páll Sveinsson dreifði áburði og fræi á þau
svæði sem eru á mörkum gróins og ógróins lands.
Eins og áður kom hér fram fylltu menn úr
Biskupstungum hópinn sem um er fjallað í grein
Tímans. Þetta voru þeir Ómar Sævarsson og Reynir
Sævarsson frá Heiðmörk, Jón Ingi Gíslason frá
Kjarnholtum, Margeir Ingólfsson núverandi bóndi á
Brú, Guðmundur Hárlaugsson frá Hlíðartúni,
Guðmundur Sigurðsson og Þorsteinn
Sigurðsson frá Heiði, Karl
Bjarnason frá Haukadal, Sveinn
Þorgeirsson frá Hrafnkelsstöðum,
Þórhallur Heimisson frá Skálholti,
Kristinn Ingvarsson frá Austurhlíð og
Sigurður Greipsson frá Haukadal.
Tildrög þess að hellirinn fannst var á
þá leið að þegar Ómar, Jón Ingi Gíslason
og Guðmundur Sigurðsson voru á ferð
sinni milli vinnubúðanna og girðingar
sá Ómar eitthvað hvítt í gjótu og hélt
það væri dauð kind. Vildi hann athuga
þetta nánar og sáu þeir félagar þá að
þetta var snjór. Pikkuðu þeir í hann
og þá hrundi snjórinn niður og þröngt
opið á hellinum kom í ljós. Ekki sáu
piltarnir til botns hellisins. Ákváðu
þeir að kanna hellinn betur og eftir
helgarfrí komu þeir með kaðal og ljós og seig Ómar
niður í hellinn.
Létu strákarnir Greip vita af fundinum og hann hafði
sambandi við viðkomandi yfirvöld. Jarðfræðingur
var sendur á vettvang, skoðaði hellinn og mældi
Vinnuflokkur Landgræðslunnar í Lambahrauni.
Frá vinstri: Kristinn Ingvarsson Austurhlíð, Jón Ingi Gíslason frá Kjarnholtum, Ómar Sævarsson frá Heiðmörk, Guðmundur Hárlaugsson frá
Hlíðartúni, Þorsteinn Sigurðsson frá Heiði, Reynir Sævarsson frá Heiðmörk, Þórhallur Heimisson frá Skálholti, Kristín Sigurðardóttir matráðskona
frá Haukadal, Karl Bjarnason frá Haukadal, Sveinn Þorgeirsson frá Hrafnkelsstöðum, feðgarnir Sigurður Greipsson og Greipur Sigurðsson verkstjóri
flokksins frá Haukadal. Á myndina vantar Margeir Ingólfsson Brú og Guðmund Þorsteinsson frá Heiði.
Iss, ég vissi alltaf af
þessum helli.
►