Litli Bergþór - 01.06.2022, Blaðsíða 13

Litli-Bergþór 13
þjóðernum sem eiga börn í grunnskólanum. Þessi
kynning var virkilega skemmtileg og fræðandi.
Knútur og Helena í Friðheimum tóku svo á móti
okkur af miklum rausnarskap, kynntu starfsemi
staðarins og buðu okkur upp á mat og drykk. Öllu
þessu fólki erum við innilega þakklát.
Í haust stóð félagið fyrir ferð til Hveragerðis
þar sem borðað var í Skyrgerðinni og síðan
farið á leikritið „Nei, ráðherra“ sem Leikfélag
Hveragerðis sýndi. Þetta var hin besta skemmtun.
Að vanda bauð Kvenfélag Biskupstungna
okkur eldri borgurum í dagsferð, í þetta sinn í
Rangárvallasýslu þar sem við skoðuðum hellana
við Hellu, sögusetrið á Hvolsvelli og að lokum
var snæddur kvöldverður á hótelinu Læk. Þetta
var frábær ferð í yndislegu veðri.
Í sumar er svo fyrirhugað er að fara í ferðalag
inn á hálendið og hvetjum við alla 60 ára og eldri,
sem ekki eru þegar í félaginu, að skrá sig nú í
félagið og drífa sig með.
Þann 5. maí undirrituðu fulltrúar stjórnar
FEBB samning við Bláskógabyggð um
að sveitarfélagið greiðir árlega styrk
vegna félagsstarfs eldri borgara, kr.
500.000. Einnig greiðir sveitarfélagið laun
starfsmanns, sem sér um kaffiveitingar á
vikulegum fundum félagsins í Bergholti,
sem og viðhald og þrif á húsnæðinu.
Samskonar samningar hafa einnig verið
gerðir við félag eldri borgara á Laugarvatni.
F.h. FEBB – Félags eldri borgara
í Biskupstungum
Elín Siggeirsdóttir.
Eldri borgarar njóta súpunnar á Friðheimum. Á fremsta borði má sjá Sigurbjörgu
Snorradóttur, Njörð O. Geirdal og Guðna Lýðsson, fremst á myndinni sést í
Hólmfríði Óskarsdóttur. Á borðunum fyrir aftan sést m.a. framan í Ólaf Jónasson,
Sigríði J.Sigurfinnsdóttur, Gunnar Sverrisson, Guðrúnu Mikaelsdóttur og Ernu
Kjartans.
Ketilbjörn ehf.
Vinnuvélaverktaki, Syðri-Reykjum
Grétar Már · Sími 868 7219
Sævar Örn · Sími 693 4177
Helgi Kjartansson oddviti og Geirþrúður og Elín frá FEBB eftir undirritun
samnings.