Litli Bergþór - 01.06.2022, Side 42

42 Litli-Bergþór
Á haustmánuðum 2021 hittust félagskonur í
Kvenfélagi Biskupstungna í þeim tilgangi
að vinna hver og ein sitt ÓSKASPJALD eða
DRAUMASPJALD en það byggir á hugmynda-
fræðinni „Allt sem þú veitir athygli vex og dafnar“.
Athygli er öflugt fyrirbæri og segja má að þangað sem
þú beinir athygli þinni þangað leitar orkan þín og því
er mjög mikilvægt að beina athygli sinni að því sem
við viljum hafa og leggja áherslu á í lífi okkar.
ÓSKASPJALD er samsafn af myndum og setningum
sem fest eru á spjald og sett þar sem þú getur séð það á
hverjum degi til að minna þig á þínan dýpstu langanir
og er því myndræn framsetning af öllu því sem þig
langar að verða, gera og hafa í lífi þínu.
Óskaspjöldin geta líka hjálpað okkur að losna úr
viðjum vana sem eru ekki að gera okkur gott.
Annars má rekja óskaspjaldagerð allt aftur til
hellisbúa, en einhverjir fornleifafræðingar hafa sett
fram þá kenningu að hellamyndir hafi verið gerðar í
þeim tilgangi að sjá fyrir sér væntanlegar veiðiferðir
hellisbúans, ekki bara til að skreyta veggi hellisins!
Til að gera óskaspjald þá þarf fullt af skemmtilegum
og mismunandi tímaritum, skæri, lím, karton, penna
og liti.... og líflegt ímyndunarafl!
Einnig bjóða ýmis forrit/öpp upp á
gerð ÓSKASPJALDA, sem síðan
væri hægt að prenta út og hengja
upp, auk þess sem hægt er að setja
ÓSKASPJALDIÐ upp sem skjáhvílu
á símann eða í tölvuna.
Auk óskaspjaldagerðarinnar náðu
konur í Kvenfélagi Biskupstungna
að gera ýmislegt gagnlegt og
skemmtilegt á árinu 2021 þrátt
fyrir covid aðstæður. Í ljósi þess
að erfidrykkjur eru okkar aðal
fjárjöflunarleið og þær lögðust meira
og minna niður á árinu, þá ákváðum við að fara í
stefnumótunarvinnu í mars 2021. Ýmsar hugmyndir
komu upp í þeirri vinnu sem verið er að skoða. Í
þessari vinnu völdum við gildi félagsins en þau eru
GLEÐI – SAMFÉLAGSÁBYRGÐ – SAMVINNA.
Þar sem Covid lýkur væntanlega bráðlega munum
við dusta rykið af stefnumótunarskjölunum og halda
ótrauðar áfram í takt við tilgang okkar sem er að
• stuðla að því að konur í sveitinni kynnist.
• efla samvinnu um hvers konar menningar-
og mannúðarmál.
• veita fjárstyrki til ýmissa málefna.
Í maímánuði fengum við Margréti Erlu Maack til að
vera með dansnámskeið í Aratungu sem opið var öllum
í sveitinni og tókst þessi viðburður alveg einstaklega
vel.
Vorfundurinn okkar var haldinn í Friðheimum að
þessu sinni og fengum við leiðsögn Knúts Ármanns
um nýju gróðurhúsin sem auka framleiðslugetu þeirra
í tómötum verulega. Mjög athyglisvert er að sjá
hvernig fjölskyldan í Friðheimum náði að nýta covid
tímann í að byggja fyrirtækið enn frekar upp og snúa
neikvæðu ástandi í jákvætt.
Allt sem þú veitir athygli
vex og dafnar
Fréttir af Kvenfélaginu
Óskaspjaldagerð í Borgarholti.