Litli Bergþór - 01.06.2022, Blaðsíða 40

Í apríl byrjun voru þemadagar í Reykholtsskóla. Þemað að þessu sinni var „Fjölmenning og friður.“ Í skólanum eru um 100
nemendur frá 15 þjóðum og lögðum við áherslu á að fræðast um þessar þjóðir. Þjóðirnar eru Bretland, Danmörk, Finnland,
Indónesía, Ísland, Kanada, Palestína, Pólland, Rúmenía, Sviss, Svíþjóð, Taíland, Tékkland, Ungverjaland og Þýskaland.
Við erum stolt af fjölmenningu okkar og leggjum ríka áherslu á virðingu í skólanum. Við lærum svo mikið af hvort öðru
því við erum svo fjölbreyttur hópur. Helstu verkefni þemavinnunnar voru landakort, fánar, tungumál, friðartákn, matur
og menning. Í lokin vorum við með opið hús þar sem fjölskyldur og sveitungar upplifðu afraksturinn. Veggir skólans voru
prýddir með fjölbreyttum upplýsingum um þjóðirnar og nokkur myndbönd voru í gangi sem sýndu afrakstur þemastarfsins.
Foreldrar tóku þátt með því að mæta með mat til að smakka á frá sínu landi. Unglingarnir sáu einnig um að útbúa mat fyrir
smakkið. Nokkrir klæddu sig upp í þjóðbúninga í tilefni dagsins. Þemadagarnir heppnuðust mjög vel og það var sérstaklega
ánægjulegt að fá svo marga úr samfélaginu í heimsókn til okkar.
Lára Bergljót Jónsdóttir,
skólastjóri Reykholtsskóla.
„Fjölmenning og friður“
-Þemadagar í Reykholtsskóla
Nemendur á unglingastigi unnu með orð á ýmsum tungumálum.
Nemendur á yngsta stigi unnu að gerð friðartákna.
Systur ættaðar frá Palestínu.
Kennarar í þjóðbúningum. Aðalheiður Helgadóttir í íslenskum þjóðbúningi
og Arite Fricke í þýskum þjóðbúningi.