Fréttablaðið - 03.12.2022, Page 74

Þetta
eru
bara jólin
og þá er
tími til að
gefa af sér
og gleðja.
Þetta snýst
ekki síður
um að
skemmta
okkur.
Örvar Már
Guðmundur
Hilmarsson
gummih
@frettabladid.is
Hjónin Örvar Már Krist-
insson og Þóra Björnsdóttir
ásamt hjónunum Bjarti Loga
Guðnasyni og Jóhönnu Ósk
Valsdóttur, efna til jólatón-
leika eins og þau hafa gert
árlega í meira en áratug í
Hafnarfjarðarkirkju laugar-
daginn 10. desember.
Yfirskrift tónleikanna er: Jólahjón
– Hátíð í bæ en dagskráin saman-
stendur af hátíðlegum jólalögum
í bland við minna hátíðleg jólalög
og sem endranær verður boðið
upp á eitthvað sprell og jafnvel
leynigesti.
„Við byrjuðum með þessa tón-
leika árið 2011. Kveikjan að því var
sú að við heyrðum að það væri svo
dýrt að fara á jólatónleika og þar
sem við erum starfandi söngv-
arar, organistar og söngkennarar
ákváðum við að gefa allaveganna
einn klukkutíma frítt með jóla-
tónleikum í samstarfi við Hafnar-
fjarðarkirkju,“ segir Örvar Már.
Það er óhætt að segja að jólatón-
leikarnir hafi fallið fólki vel í geð
því þeir verða þeir tólftu á jafn-
mörgum árum.
„Við höfum fengið góð viðbrögð
og fólk er að spyrja okkur hvort við
ætlum ekki örugglega að vera með
tónleikana. Þá erum við minnt
reglulega á þá af mörgum sem hafa
komið og það er gaman að vita til
þess að fólk man eftir þeim. Þetta
er partur af þeirri jólastemningu
sem hefur verið að skapast í
Hafnarfirði á undanförnum
árum eins og með Jólaþorpinu og
skreytingunum í miðbænum og í
Hellisgerði.
„Við náðum meira að segja að
halda þessum tónleikum úti á
Covid-tímanum en við fengum
styrk frá Hafnarfjarðarbæ til að
senda tónleikana út í streymi.
Við höfum líka verið að fara með
léttara efni af þeim inn á elli- og
hjúkrunarheimilin í Hafnarfirði
en við gerum það að vísu ekki
þetta árið,“ segir Örvar.
Góður stígandi í þessu
Örvar segir að jólatónleikarnir
hafi í gegnum árin verið vel sóttir.
„Eigum við ekki að segja að
það hafi verið góður stígandi í
þessu. Við leggjum ekki mikið í
auglýsingakostnað og við getum
orðað þetta þannig að þetta er
ekki hagnaðardrifið hjá okkur
sem stöndum að tónleikahaldinu.
Þetta eru bara jólin og þá er
tími til að gefa af sér og gleðja.
Við verðum með þessi klassísku
jólalög og svo erum við alltaf að
brjóta þetta upp með óvæntum
atriðum. Þetta snýst ekki síður
um að skemmta okkur og ef við
gerum það getum við örugglega
skemmt öðrum.“
Hjónin eru öll í tónlistageir-
anum. Örvar er óperusöngvari og
hefur verið í tónlist frá því hann
man eftir sér, að eigin sögn. Þóra
kona hans er söngkona og söng-
kennari, Jóhanna Ósk er söng-
kona og víóluleikari og Bjartur er
organisti og söngvari.
Skapa góða jólastemningu
„Jólahjónin“ eru byrjuð að stilla
saman strengi sína og undirbúa
tónleikana sem Örvar segir að þau
séu alltaf jafn spennt fyrir.
„Það þarf að setja niður pró-
gramm, velja þau lög sem á að
syngja og passa upp á að hafa ekki
alltaf sömu lögin. Við erum með
lista með hvenær hvaða lag var
sungið og af hverjum þannig að við
reynum að skipta lögunum á milli
okkar. Tónleikarnir hefjast seinni
partinn og það passar því vel að
kíkja fyrst í Jólaþorpið, mæta á
tónleikana og svo er fullt af veit-
ingastöðum sem fólk getur farið á
til að næra sig eftir þá.
Við gerum okkur alveg grein
fyrir því að það eru margir frá-
bærir jólatónleikar sem boðið er
upp á úti um allt. En ef þú ætlar
að fara með alla stórfjölskylduna
þá kostar það skildinginn. Við
ætlum að reyna að skapa góða
jólastemningu og hafa gaman en
við gætum ekki boðið upp á þessa
fríu tónleika nema með hjálp frá
Hafnarfjarðarkirkju. Við kjósum
að kalla tónleikana Hátíð í bæ, sem
þýðir að lagið hátíð í bæ er alltaf
sungið,“ segir Örvar.
Ókeypis aðgangur er að tón-
leikunum sem hefjast klukkan 17
í Hafnarfjarðarkirkju eftir viku
og eru allir velkomnir á meðan
húsrúm leyfir. n
Tími til að gefa og gleðja
Jólahjónin í góðum gír en þau halda sína árlegu tónleika í Hafnarfjarðarkirkju um næstu helgi. MYND/AÐSEND
sjofn@frettabladid.is
Einn ómissandi þáttur í undir-
búningi jólanna hjá mörgum er
jólabaksturinn. Tertur og smá-
kökur eru bakaðar og á hver
fjölskylda sína uppáhaldstegund
og sína hefð tengda bakstrinum.
Margir baka ávallt lagtertur, bæði
hvítar og brúnar og hver gerir þær
með sínu nefi.
Ýmis heiti þekkjast á þessum
tertum, eins og vínarterta og
randalín og það má segja að sam-
setningin hafi kannski eitthvað
um það að segja. Uppskriftir af
þeim eru bæði til þar sem þær eru
hnoðaðar eða hrærðar og flestir
segja að áferðin sé ólík eftir því
hvor aðferðin er notuð.
Hér er ein gömul og góð upp-
skrift af randalín, eins og hún
er kölluð, sem er hrærð og án
sultu. Brúnkaka með hvítu kremi
er ótrúlega barnvæn. Það eru
nefnilega ekki allir sem vilja hafa
sultuna á milli. Þessi er mjög
góð og gleður bragðlaukana þar
sem kryddbragðið kemur á móti
kreminu. Vel er hægt að gefa þessa
köku á aðventunni, færa sínum
nánustu fyrir jólin og koma þeim
á bragðið. Þá er þeim pakkað inn
í bökunarpappír og skreyttar á
umhverfisvænan og stílhreinan
hátt. Það er svo dásamlegt að gefa
heimabakaða gjöf sem gerð er af
ást og natni.
Randalín að hætti ömmu
Botnar
300 g smjörlíki, hrært
400 g sykur
3 egg
600 g hveiti
4 tsk. lyftiduft
2 tsk. brúnköku­
krydd
2 tsk. negull, malaður
2 bollar mjólk
Hitið ofninn í 175°C á blæstri.
Byrjið á því að hræra saman
smjörlíki og sykur í hrærivél. Bætið
síðan við eggjunum, einu í einu og
hrærið vel á milli. Sigtið hveitið og
blandið saman við ásamt öllum
hinum þurrefnunum, lyftidufti,
brúnkökukryddi og möluðum
negul. Hrærið varlega.
Í lokin er mjólkinni bætt í og
hrærð saman við.
Skiptið deiginu í 3 hluta sem
passa á ofnplötu, þið þurfið 3 ofn-
plötur. Smyrjið deigið á bökunar-
pappírinn og sléttið vel úr. Bakið í
10 til 13 mínútur, munið að ofnar
geta verið misjafnir svo gott er að
fylgjast með.
Kælið hlutana áður en þið setjið
kremið á.
Smjörkrem
200 g smjörlíki
2 egg
750 g flórsykur
2 tsk. vanilludropar
Byrjið á því að hræra smjörlíkið
og flórsykurinn vel saman. Bætið
síðan við einu og einu eggi og
hrærið vel á milli. Loks er vanillu-
dropunum bætt við. Hrærið þar til
kremið verður slétt og fislétt.
Þegar hlutarnir eru orðnir kaldir
smyrjið þá smjörkreminu ofan á
sléttu hliðina og raðið saman. Að
lokum er randalínin, lagkakan,
skorin í kubba í þeirri stærð sem
þið veljið, þið náið sex kubbum úr
þessari uppskrift.
Best er að pakka hverjum kubbi
inn í bökunarpappír og setja síðan
í plastpoka og geyma í kæli fyrir
notkun. n
Randalín eins og amma
gerði hana
Randalín er mjög
vinsæl á aðventunni og
margir halda í hefðina og
baka þessa með sínu nefi.
6 kynningarblað A L LT 3. desember 2022 LAUGARDAGUR