Fréttablaðið - 03.12.2022, Síða 120

frettabladid.is
550 5000
RITSTJÓRN ritstjorn@frettabladid.is
AUGLÝSINGADEILD auglysingar@frettabladid.is
PRENTUN Torg ehf.
DREIFING Póstdreifing ehf.
dreifing@postdreifing.is 2022 - 2025
Óttars
Guðmundssonar
n Bakþankar
Íslenskir námsmenn voru fjöl-
mennir í Kaupmannahöfn á 19. öld.
Þessir piltar blönduðu lítið geði við
Dani. Þeir héldu hópinn og töluðu
við aðra Íslendinga um íslensk mál-
efni og heimsku Dana.
Á dögunum var ég einn í íslenskri
sendinefnd á stórri geðráðstefnu
í Gautaborg. Í öllum kaffi- og
matartímum neyddist ég til að tala
við útlendinga á útlensku. Enginn
hafði minnsta áhuga á íslenskum
vandamálum eins og Íslandsbanka-
sölunni. Ég reyndi að tala við ein-
hverja Dani um Útlendingastofnun
og brottvísun Írakanna um miðja
nótt en þeim var slétt sama. Þetta
var daglegt brauð fyrir þeim og
enginn æsti sig upp út af mann-
inum í hjólastólnum. Ég sat því uppi
aleinn með íslensk vandamál og
þjóðlega sektarkennd.
Á sama tíma var haldin lofts-
lagsráðstefna í Egyptalandi að
viðstöddu fjölmenni. Þar voru
meðal gesta fjörutíu og fjórir
Íslendingar á öllum aldri með þver-
pólitíska lífssýn. Þetta fólk þurfti
ekki að glíma við einmanaleika
og einangrun heldur gat spjallað
hvert við annað þótt úti geisaði
hamfarahlýnun. Þau svömluðu og
sigldu saman í plastmenguðum sjó
og riðu á kameldýrum í sandinum.
Mestu skipti að þátttakendur höfðu
mjög gaman af þessu bekkjarferða-
lagi til útlanda með öllum hinum
krökkunum.
Gagnsemin er kannski umdeil-
anleg en aðalatriðið er að senda
aldrei fámennari sendinefnd en svo
að engum leiðist eða finni fyrir ein-
manaleika. Þannig má koma í veg
fyrir þunglyndi og tilvistarkvíða.
Þetta vissu íslensku námsmenn-
irnir í Kaupmannahöfn forðum
sem töluðu bara hver við annan.
Það er ekkert eins spennandi og að
tala við annan Íslending í útlöndum
um séríslensk vandamál. n
Fjörutíu og fjórir
icewear.is
ÞÍN ÚTIVIST
ÞÍN ÁNÆGJA
Íslensk ullareinangrun
kr. 48.990,-
20% AFSLÁTTUR
af öllum púslum