Úrval - 01.02.1956, Page 114

112
ÚRVAL
eða Madison eða hliðargötur þeirra.
Hún staðnæmist við búðarglugga eða
horfir á fólkið. Einu sinni í viku að
jafnaði fer hún í Park-Bernet sýn-
ingarsalina og skoðar þar húsgögn,
silfurmuni og listmuni, sem þar eru
seldir á uppboði á hverjum laugar-
degi. Á þessum ferðum er Rotschild
barón oft með henni. Ekki er fátitt
að sjá hana í samkvæmum í New
York.
Greta Garbo getur haldið uppi
samræðum við einn mann, einkum
um einföld málefni eins og t. d. ferða-
lög, án þess að vart verði þeirrar
sáru vanlíðunar sem áður kvaldi
hana i návist fólks, en hún tekur
mjög lítinn þátt i almennum sam-
ræðum þar sem margt fólk er sam-
ankomið.
Og þannig líða dagarnir og Greta
Garbo flakkar um og vinir hennar
harma tilgangslausa sóun hennar á
dýrmætum hæfileikum. „Einskis
manns ævi er svo löng, að honum
auðnist að ná tilgangi lifs síns,“
sagði merk leikkona. „En Greta
Garbo gerir ekkert. Hún lætur dag-
ana renna um greipar sér eins og
sand.“
Handritið að ævisögu Gretu Garbo
hefði fengið annan, en þó ef til vill
ekki farsælli, endi ef hún hefði látið
mótast í mynd hinnar hefðbundnu
Hollywoodleikkonu, veitt forvitnum
almenningi hlutdeild í lifi sínu, mælt
með sápum og sígarettum, sýnt sig
á almannafæri til að örva sölu á
myndum sínum og veitt viðtöl eyr-
um, sem einungis þráðu að heyra
ástarjátningar á færibandi. En Greta
Garbo gerði ekkert af þessu. Öll
yfirborðsmennska var fjarri henni.
Öll framganga hennar hefur ein-
kennzt af virðuleik og göfugmennsku.
Og snilligáfan var henni í brjóst
lögð. Vera kann, að hún hafi ekki
hlotið miklar gáfur í vöggugjöf,
frekar en margar aðrar mikilhæfar
leikkonur, en frammi fyrir kvik-
myndavélinni brást hún aldrei; það
var eins og einhver upphafin eðlis-
hvöt stjórnaði gerðum hennar, og
svo óskeikul var þessi eðlishvöt, að
leikur hennar virtist borinn uppi af
næmum gáfum og skarpri greind.
Hún var sannur listamaður, og hún
rækti list sína, að svo miklu leyti
sem henni var leyft það, eins og hún
hefur alltaf lifað lífi sínu: án tillits
til skoðana fjöldans. „Veslings Greta
Garbo,“ sagði einn af elztu vinum
hennar í Evrópu, „hún er hugprúð.
Hún hefur hugrekki til þess að vera
sjálfri sér trú.“
' _ __ . _ Ritstjóri og útgefandi: Gísli Ólafsson. Afgreiðsla
(U li, f 1j og ritstjórn: Leifsgötu 16, Reykjavík. Sími 4954.
Kemur út sex sinnum á ári. Verð kr. 12,50 hvert hefti í lausasölu.
Áskriftarverð 70 kr. á ári. Gjalddagi áskrifta er 1. júlí. Utanáskrift
tímaritsins er: ÚRVAL, tímarit, Leifsgötu 16, Reykjavík.