Íslenska leiðin - 01.11.2003, Qupperneq 61

þessar nefndir, ráð og stjórnir skipast vegna þess í
mjög mörgum tilfellum er um tilnefningar annarra
aðila að ræða; þó svo þetta sé á ábyrgð
ráðuneytanna. Eg held að flestir hafi þann háttinn
á því þegar óskað er eftir tilnefningum þá er minnt
á þetta ákvæði. Það er minnt á að okkur beri að
stuðla að sem jöfnustum hlut kynja í stjórnum,
nefndum og ráðum. Ég held að í einhverjum
tilvikum eigi það við rök að styðjast að það sé
erfiðara að fá konur til starfa. Engu að síður held
ég að þetta sé blanda af ansi mörgum skýringum.
Ég held að það starf sem hefur verið unnið á
vegum Rannsóknarstofu í Kynjafræðum varðandi
vefinn kvennaslodir.is geti komið stjórnsýslunni að
miklu gagni. Oft er þetta þannig að menn eru að
leita að fulltrúum í nefndir og hugurinn takmarkast
af því fólki sem þú ert í einhverju sambandi við,
hvað varðar tilnefningar ráðuneytanna sjálfra.
Bara það að geta sótt í svona grunn eins og
Kvennaslóðir held ég að geti haft mikil áhrif.
Konur í stjórnunastöðu fyrirtækja á íslandi
eru mjög fátíðar - Margreta Winberg fv.
varaforsætisráðherra Svíþjóðar hótaði að
setja fyrirtæki á opnum markaði kynjakvóta
yrði staða kynjanna ekki jöfnuð. Kæmi það til
greina að setja kynjakvóta á fyrirtæki á
Islandi?
Nei, ég sé það ekki fyrir mér. Ég held við verðum
að reyna að vinna að þessu með öðrum hætti og
enn og aftur vitna ég í lögin um fæðingar- og
foreldraorlof. Ég held að þau geti haft mikil áhrif á
þetta vegna þess, svo ég minnist á það aftur, að nú
skiptir ekki lengur máli hvort það sé karl eða kona
sem þú ræður eða rekur, ef þú ert að ráða fólk á
barnseignaraldri. Að vísu getum við karlarnir verið
lengur á þeim aldri en konurnar. Ég sé ekki
kynjakvóta fyrir mér. Þar konur sem ég þekki og
umgengst mest, ég held að þær myndu ekki kæra
sig um slíkan kvóta. Mér finnst að fólk á mínum
aldri og yngra sé ekki ginnkeypt fyrir slíkum
boðum og bönnum, en það eru kannski bara
fordómar í mér. Mér finnst að fólk vilji frekar fá
tækifæri til þess að ná þessum árangri sjálft. Hins
vegar þarftu að vera vakandi yfir því hvort við
stefnum fram á við eða til baka.
Jafnréttisumræðan er miklu lengra á veg kominn
hér en víða annars staðar. Einungis það eru liðin
28 ár síðan að íslenskar konur lögðu niður störf og
hittust á Lækjartorgi og mikil þróun hefur átt sér
stað síðan. Mér finnst að við séum þar stödd í
þróuninni að við þurfum að setja sérstök lög um
það að það þurfi að vera ákveðið hlutfall karla og
ákveðið hlutfall kvenna í stjórnunarstöðum. Enda
veit ég ekki hvernig við ættum að fara að því að
framkvæma þau lög og ég held að lög sem ekki er
hægt að framkvæma séu ólög.
Ertu sáttur við nafngiftina jafnréttisráðherra?
Já, já.
Hliðarspurning að lokum: Sid Vicious eða
Johnny Rotten?
(Hlátur)...Sid Vicious.
Samfylkingin
bls.61