Ársrit um starfsendurhæfingu - 2024, Side 38

STARFSFÓLK FRÁ VIRK
STENDUR SIG VEL
HÁKON SKÚLASON
VIÐ MALARHÖFÐA Í REYKJAVÍK UPP Á
ANNARRI HÆÐ SITUR NOKKUR HÓPUR
FÓLKS MEÐ HEYRNARTÓL Á HÖFÐI. ÞAÐ
SINNIR ÚTHRINGINGUM FYRIR SÍMSTÖÐINA.
SUMIR Í HÓPNUM HAFA NOTIÐ ÞJÓNUSTU
HJÁ VIRK OG BYRJAÐ SVO AÐ VINNA
HLUTAVINNU HJÁ SÍMSTÖÐINNI TIL AÐ
KOMAST AFTUR ÚT Í ATVINNULÍFIÐ.
SÍMSTÖÐIN ER EITT TVEGGJA FYRIRTÆKJA
SEM HLÝTUR VIÐURKENNINGUNA VIRKT
FYRIRTÆKI 2024.
Umhverfið er hlýlegt og fljótlega kemur Hákon Skúlason
framkvæmdastjóri með kaffibolla og við setjumst inn
á skrifstofu hans til að ræða hið ágæta samstarf sem
skapast hefur undanfarin ár milli Símstöðvarinnar og
VIRK og hvernig það hófst.
„Við tókum eftir að sumir sem leituð hér eftir vinnu á eigin
forsendum í gegnum vinnumiðlunina Alfreð komu frá VIRK.
Þessir aðilar stóðu sig vel í starfi svo ég hafði samband við
atvinnulífstengil hjá VIRK og spurðist fyrir um hvort ekki væri
heppilegt að gera samstarfssamning á milli Símstöðvarinnar og
VIRK. Í framhaldinu var slíkur samningur gerður.
VIRK vísar gjarnan sínum þjónustuþegum á að sækja um hjá
Símstöðinni og hefur einnig verið með námskeið í atvinnuleit
þar sem fólk hefur meðal annars verið hvatt til að sækja um
hér. Hjá Símstöðinni eru allir í hlutastarfi og við svörum öllum
umsóknum.
38 virk.is