Ársrit um starfsendurhæfingu - 2024, Qupperneq 40

DÝRMÆTUR
MANNAUÐUR FRÁ VIRK
JAKOBÍNA HÓLMFRÍÐUR ÁRNADÓTTIR
FREYJA RÚNARSDÓTTIR
SIGRÚN BJÖRG GUÐMUNDSDÓTTIR
Í AÐALINNGANGI HRAFNISTU Í LAUGARÁSI,
ÞVÍ GLÆSILEGA HÚSI, BÍÐUR FREYJA
RÚNARSDÓTTIR MANNAUÐSRÁÐGJAFI
ÞESSA UMSVIFAMIKLA FYRIRTÆKIS FYRIR
ELDRI BORGARA.
Við göngum niður á fyrstu hæð og hittum þar fyrir
Sigrúnu Björgu Guðmundsdóttur verkefnastjóra á
mannauðssviði. Þegar við erum sestar niður til að
spjalla geta þær þess sérstaklega að þær sjálfar og
Jakobína Hólmfríður Árnadóttir mannauðsstjóri séu mjög
ánægðar með samstarfið við VIRK.
„Við erum stolt af því hér að Hrafnista fékk í ár viðurkenningu
sem VIRKT fyrirtæki. Við fengum tilnefningu í fyrra og ætlum að
gera okkar besta til að vera einnig á listanum á næsta ári,“ segja
þær Freyja og Sigrún. Þær segjast ráðleggja fyrirtækjum sem
ekki hafa prófað samstarf við VIRK að „láta vaða“. Vega og meta
þegar starfskraft vantar hvort starfið gæti mögulega hentað
40 virk.is