Ársrit um starfsendurhæfingu - 2024, Qupperneq 78

ÚTGÁFA VIRK
VIRK gefur út margvíslegt kynningar- og
fræðsluefni fyrir starfsmenn, þjónustuþega
VIRK, almenning og stjórnendur í atvinnulífinu.
Hægt er að nálgast efnið á vefsíðum VIRK
(virk.is og velvirk.is) en einnig er hægt að
hafa samband við skrifstofu VIRK og fá senda
bæklinga og fræðsluefni eftir þörfum.
Dagbók 2024
VIRK gefur út sérstaka dagbók fyrir einstaklinga
sem eru í starfsendurhæfingu á vegum VIRK.
Henni er ætlað að aðstoða þjónustuþega við að
efla starfsgetu sína og lífsgæði með skipulegri
markmiðasetningu og skráningu.
Dagbókin er með vikuyfirliti á hverri opnu
ásamt fjölbreyttum möguleikum til skráningar á
markmiðum, líðan, virkni og árangri bæði fyrir
árið í heild sinni, hvern mánuð og hverja viku
ársins.
Nýjar Mínar síður VIRK
Nýjar Mínar síður VIRK fóru í loftið í árs-
byrjun 2024 eftir mikla endurskoðun byggða
á athugasemdum og ábendingum frá þjón-
ustuþegum. Nýtt útlit og skýrari uppbygging
auðvelda mjög notkun auk þess sem Mínar
síður VIRK eru nú snjalltækjavænar og
þjónustuþegar geta gert allar aðgerðir í
símanum vandræðalaust.
Á Mínar síður hafa þjónustuþegar yfirsýn
yfir starfsendurhæfingarferil sinn hjá VIRK
og geta séð öll gögn og tilkynningar. Þar sjá
einnig þjónustuþegar markmiðin sem þau
eru að vinna með í starfsendurhæfingunni og
úrræðin sem þau nýta sér til að snúa aftur inn
á vinnumarkaðinn.
Reynslusögur á vef VIRK
Á virk.is má finna viðtöl við þjónustuþegar sem
greina frá reynslu sinni og árangri sem þau
náðu í starfsendurhæfingu sinni. Þar má einnig
finna viðtöl við stjórnendur og þjónustuaðila
VIRK.
78 virk.is