Goðasteinn - 01.06.1985, Blaðsíða 18

Náði hann í hana aptur með önglinum og bisaði við hana nokkuð
utan borðs. Slapp svo hjá honum aptur en varð innbyrt af öðrum
manni. Jón heitinn leit niður fyrir sig svo sem væri hann að gæta
að árinni sinni og hné niður með það sama örendur. Urðu menn
þess þá varir að blóð rann af munni hans. Maðurinn var annars
brjóstveikur og má vera þetta hafi flýtt fyrir dauða hans. í þeirri
von að þér segið nafna yðar, Jóni Guðmundssyni, frá þessu, því ég
veit að hann vill miklu fremur heyra þessleiðis fréttir, þá skal þess
getið að maðurinn var vel efnaður og barnlaus. Samt vænti ég að
sveitungur hans teldi hann ekki með merkilegustu mönnum eða
minnist hans með söknuði, því hann var svoleiðis maður að hann
lifði fyrir engan nema sjálfan sig, annars samt vænn maður og
ráðvandur.
Ekki gat það heppnast með „næluna,” því hún var glötuð þegar
ég kom austur, en bótin af altarisklæðinu er enn til og mun ég senda
yður hana seinna. Hún er annars eitt af því, þó í smáu sé, sem til
fornleifa getur talist. Það er skinnpjatla með ísaumi. Mér var sagt
um daginn að fleira mundi hafa fundist í forna Miðbæli en það er
með svo miklum dul að ég örvænti að fá nokkurn tíma að sjá það,
en gjöra skal ég það sem ég megna.
Fáein blöð sendi ég yður með föður mínum og setti ég innihald
þeirra framan við. Þægilegt flutningskaup væri honum að fá einn
kaffibolla ef svo stæði á eða eitt staup.
Mikið þráði ég eftir að finna yður aptur áður en ég fór á stað en
Páll Guðjónsson samferðamaður minn herti svo á mér að ég mátti
ekki viðstanda, en þeirri fundarþrá minni til yðar var svo varið: Ég
sé það í hendi mér að vegna heilsuveiki minnar get ég hvorki orðið
sjálfum mér til nytsemdar né öðrum, því þó mér skáni nú betur en
enn er orðið, sem ég vona að verði, þá er ég hræddur um að ég fái
aldrei heilsu svo sterka að ég geti mætt striti þvi sem sveitavinna
útheimtar. Þessi sannfæring upptendrar eptirlöngun mína til að
læra en því verður ómegulega við komið fátæktar vegna. Því eru
það vinsamleg tilmæli mín til yðar að þér komist eptir því við
skólastjórnina hvort að drengir sem komnir eru yfir tvítugt (23 ára)
geti fengið inngöngu í skólann og væri svo þá að fara á fjörurnar
fyrir mig við bæjarmenn að styrkja mig til að geta lært í heima-
16
Goðasteinn