Goðasteinn - 01.06.1985, Blaðsíða 107

Runólfur Halldórsson á Rauðalæk og kona hans Guðný Bjarnadóttir.
Margrét Bárðardóttir, ekkja Halldórs, að Sandhólaferju ásamt
börnum sínum. Sigurður Jósefsson frá Ásmundarstöðum gerðist
ráðsmaður á búi hennar þar. Þau gengu síðar í hjónaband. Frá
árinu 1890 hefur verið einbýli á Syðri-Rauðalæk.
Runólfur Halldórsson bjó eins og áður segir 63 ár á Rauðalæk.
Hann var kvæntur Guðnýju Bjarnadóttur frá Efri-Rauðalæk.
Búskapur þeirra var fyrst smár í sniðum en þau efnuðust brátt,
eignuðust jarðir allmargar, en á þeim tímum var það einn vísasti
vegur til að komast í álnir.
Þau hjón voru sérstök snyrtimenni í öllum búrekstri og athafna-
ntenn í jarðabótum. Þau eignuðust sjö börn. Fimm þeirra dóu mjög
ung, en barnaveiki herjaði afar mikið hérlendis á þeim tíma. Tvö
börn þeirra, Valgerður, f. 5. mars 1876 og Gunnar, f. 19. júlí 1883,
tóku við búi á Syðri-Rauðalæk og bjuggu þar alla ævi. Valgerður
féll frá 7. október 1957 og Gunnar 26. apríl 1967. Það vor tók þar
við búi Runólfur Haraldsson (f. 1941) sonarsonur Valgerðar
Runólfsdóttur. Hann er kvæntur Elsie Júníusdóttur (f. 1945) og
hafa þau búið þar síðan.
Eins og áður sagði, flutti Valgerður Jónsdóttir að Syðri-Rauða-
Goðasteinn
105