Úrval - 01.03.1982, Side 41

GENIN KLOFIN OG TENGD
39
University of Southern California /
Los Angeles County Comprehensive
Cancer Center. „En það er aðeins
tilgáta vegna þess að við skiljum ekki
eðli hinnar eðlilegu genatjáningar.
Með DNA getum við farið að leita að
skýringum á því hvernig hinar ýmsu
krabbameinstegundir lýsa sér. Og
síðan getur verið að hægt sé að finna
leiðir til þess að koma í veg fyrir að
þær breytingar sem valda krabba-
meininu eigi sér stað.
Nýjungar á sviði vísinda hafa ekki
flutt með sér aðra eins möguleika og
DNA-tæknin gerir frá því atómið var
klofið. En um leið fylgir henni
áhætta.
Enginn samþykkir skoðanir annarra; maður samþykkir aðeins eigin
skoðanir sem aðrir hafa látið í ljósi.
— Sydney Tremayne
Sá maður sem aldrei treður öðrum um tær stendur kannski kyrr.
— World Features
Ungur maður hafði í veikleikakasti lánað kunningja sínum 3000
krónur en var svo óforsjáll að hafa ekki fengið neina skuldaviður-
kenningu. Nú var þessi kunningi fluttur út á land. Þar sem hann nú
þarfnaðist peninganna spurði hann föður sinn ráða. Eftir smá-
umhugsun sagði faðir hans:
„Skrifaðu honum og segðu að þig bráðvanti þessar 6.000 krónur
sem þú lánaðir honum. ’ ’
„Þú meinar 3.000,” sagði sonurinn.
„Nei, það geri ég ekki. Ef þú skrifar 6.000 þá skrifar hann þér
áreiðanlega til baka og segir að það hafi ekki verið nema 3.000 og þar
með ertu búinn að fá skuldaviðurkenningu.” — F.W.
Nefnd er hópur manna sem fjalla um málefni án þess að vera í
snertingu við það. —Buckeye
Þróun nýrrar framleiðsluvöru hefur þrjú þrep. Fyrsta: Amerískt fyrir-
tæki tilkynnir uppgötvun. Annað: Rússar tilkynna að þeir hafi
fundið þetta sama upp fyrir tuttugu árum. Þriðja: Japanir hefja á því
útflutningsframleiðslu. — W. P.