Víðförli - 01.12.1952, Qupperneq 17

HEILÖG SKÍRN
79
því aðeins staðreynd, að hinn krossfesti er Guðs sonur og uppris-
inn frá dauðum. Á skírnarstund Jesú opinberast hinn þríeini Guð.
Guð opinberar sig sem föður um leið og hann opinberar soninn
og sendir anda sinn yfir hann. í anda föðurins gengur Jesús síð-
an til lífsstarfs síns. Á skírnarstundinni er gefið til vitundar, að
fylling guðdómsins býr í honum (Kol. 2,9). Slíkur er sá, sem
gengst undir fórnardauðann. I ummynduninni bjarmar fyrir dýrð
hins upprisna Guðs sonar. Sú dýrð, andi heilagleikans, auglýsist
með mætti Guðs (en dynamei) á páskadagsmorgun (Róm. 1,4).
Þá er hann orðinn höfundur eilífs hjálpræðis (Hebr. 5,9) og
undirstaðan þar með sköpuð undir tilveru og hlutverk kirkju hans
í þessum heimi. Og þá flytur hann upprisinn postulum sínum þau
fyrirmæli, að þeir skuli fara út á meðal þjóðanna, gjöra þær að
lærisveinum með því að skjra og með því að kenna (Mt. 28,18).
Og þá skírir hann með heilögum anda og eldi, eins og Jóhannes
skírari hafði sagt, veitir kirkju sinni hlutdeild í þeim Anda, sem
yfir hann kom á skírnarstundu hans og hann einn hafði átt fram
að þessu. (Post. 2,3n). Þá fæðist kirkjan, þá hefst kristin skírn.
(Post. 2,41).
Það er þá, sem konungurinn Kristur kemur til ríkis. Það er á
bakgrunni krossdauðans og upprisunnar, sem hann hefur sitt ó-
tvíræða tilkall til allra manna og þjóða. Hann hefur þá hlotið
nafnið, sem hverju nafni er æðra (Fil. 2,11), hann er Drottinn,
Kyrios. Sem sigurvegarinn krossfesti og upprisni gerir hann það
valdatilkall, sem í skírnarboðinu felst. Og það er hann sjálfur, sem
í upprisumætti sínum fylgir kirkjunni, er í henni, gengur í henni
í veg fyrir alla þá, sem hennar vitnisburður nær, til þess að
gefa þeim ríkið (Lk. 12,32). Ég er með yður alla daga, allt til
enda veraldarinnar (Mt. 28,20). Og það er fyrst með hvítasunn-
unni, sem þessar staðreyndir blasa við kirkjunni í fullri dýpt og
vídd og hún verður tygjuð til þess að flytja þennan boðskap með
mætti Guðs. Þér munuð öðlast kraft (dynamin, sbr. Róm. 1,4),
er heilagur andi kemur yfir yður og þér munuð verða vottar mín-
ir ... til yztu endimarka jarðarinnar. (Post. 1,8).
Þar með er hafin hin nýja öld (ajón mellón), heimsöld Jesú