Víðförli - 01.12.1952, Page 30

92
VÍÐFÖRLI
mann, var mikill vinur og aðdáandi Hildu Andersson. Hann segir
að væri hún spurð þess hvers vegna hún hefði búsett sig í Pale-
stinu, hafi hún jafnan svarað: „Ég vildi verða sjónarvottur þess
að Drottinn efnir heit sín. Feðrum Gyðinga hét hann þessu landi
til ævarandi eignar. Sökum kærleika míns til lands Biblíunnar bú-
setti ég mig hér.“
Hjúkrunarkona með hugarfari Hildu Andersson, hafði nógum
störfum að sinna í Palestinu, einkum eftir að straumur hrjáðra
flóttamanna tók að fylla landið.
Fyrstu mánuði ársins 1948 hurfu flestir erlendir borgarar, er
búsettir voru í Palestinu, úr landi. Sænski sendiherrann krafðist
þess að Hilda Andersson færi einnig. Henni var það þvert um
geð en sætti sig þó við það. En hún missti af flugvélinni og varð
það henni ný vísbending um að henni var ætlað að vera í Palestinu,
Hún sneri aftur til Jerúsalem. „Hér verð ég hvort sem ég lifi
eða dey,“ skrifaði hún til Svíþjóðar, „og vinn þessu landi það
gagn sem ég má. Lífi mínu fórna ég fúsum vilja verði þess kraf-
ist í barátunni fyrir frelsi landsins.“
•1 þeirri baráttu lét hún líf sitt mánuði eftir að þetta síðasta bréf
hennar var skrifað. En hún lifði það að sjá efndir fornra fyrir-
heita og vitnaði títt til spádóms Sakarja: „Svo segir Drottinn her-
sveitanna: Sjá, ég mun frelsa lýð minn úr landi sólarupprásar-
innar og úr landi sólsetursins, og ég mun flytja þá heim og þeir
skulu búa í Jerúsalem miðri.“
2.
Þeir, sem höfðu aldur til þess að geta fylgzt með fréttum af
fyrri heimsstyrjöld, munu lengst af minnast þess, er Bretar náðu
yfirráðum í Palestinu og ráku Tyrki úr landi, en Allenby her-
foringi tók Jerúsalem 9. des. 1917, án þess að hleypt væri af
skoti. Þeir atburðir vöktu alheimsathygli. Einkum meðal kristinna
manna.
Ýmsir kristnir leiðtogar á Englandi, (aðallega fríkirkjumenn),
stofnuðu til landsfunda í Queens Hall í London og víðar í þeim