Víðförli - 01.12.1952, Qupperneq 67

LÖGMÁL OG EVANGELIUM
129
2. Öll Guðs boð eru persónuleg fyrirmæli. Því verða merin að
heyra þau persónulega. Og það gerist æ að nýju á hverju andar-
taki. Og hið persónulega boðorð er því ekki fyrst og fremst óper-
sónuleg regla, sem halda skal, heldur lýtur ævinlega að afstöðu
manns til manns, persónu til persónu. Þegar Guð gefur fyrirmæli
er hann að fara fram á persónulega hollustu við sjálfan sig í þeim
tiltekna fulltrúa, sem hann sendir í veginn, þ.e. í náunganum. Á
vissan hátt má því segja, að boðorðin séu mörg, því að lífið er
margþætt og náungi vor þarfnast margra verka, sem Guð ætlast
til, að vér innum af hendi. En þó er ekki nema eitt einasta boð-
orð til, kærleiksboðorðið, boðorðið um allshugar hollustu við Guð
og við náunga vorn í hverri og einni þeirra athafna, sem að hönd-
um ber. Þetta boðorð er aldrei uppfyllt með því einu, að maður geri
eitt eða annað í samræmi við ákveðna reglu. Það er þá fyrst upp-
fyllt, þegar hjartað er með í verki, algerlega Guði vígt og mann-
inum, sem verkið er gert. Sé kærleikurinn ekki með ei‘ framkvæmd
hinnar tilteknu reglu ekkert annað en tamning þeirrar tegundar,
sem einnig má koma fram við vitrar skepnur. Og krafa kærleik-
ans fer ævinlega fram úr hverri upphugsanlegri reglu. Það er allt-
af eitthvað, sem náunginn væntir og þarfnast af oss, sem vér get-
um ekki lesið í neinni bók, ekki einu sinni neins staðar í Biblíunni.
Af kærleikanum er vænzt, að hann sé fundvís og hugkvæmur, langt-
um framar en svo, að nokkur reglugerð rúmi. Bresti hann þá
tundvísi og hugkvæmni er hann ekki sannur, ekki sá kærleikur,
sem boðorðið krefst.
Fyrirmæli Guðs er einnig samkvæmt þessari skoðun að finna í
Biblíunni, en í allt annarri merkingu en út frá hinni gvðinglegu
lögmálsskoðun. Hér er átt við það, að Biblían með öllum hennar
einstöku boðum krefjist í reynd aðeins eins: Kærleiks til Guðs
og manna, kærleiks, sem gerir ætíð miklu meira, ef hann er raun-
verulegur á annað borð, sökum fundvísi sinnar og hugulsemi, en
fólgizt getur í nokkru boðorði. Boðorðið um þennan kærleik er í
Biblíunni að sjálfsögðu, en viðhorfið er talsvert annað, þegar öll
onnur boðorð eru skoðuð í ljósi þess í stað þess að líta á kærleiks-
boðorðið sem 2 reglur við hliðina á 611 öðrum.