Íslenska þjóðfélagið - 01.08.2023, Side 52

Félagsþjónusta sveitarfélaga og viðbrögð við samfélagslegum áföllum
52 ..
við annarsstaðar í kerfinu, höfum við bakvarðasveit og fleira í þeim dúr. Tíma-
línan og skrifborðsæfingin voru mjög gagnlegar. En þetta verður líka að vera
miðað við það sérsvið sem við erum að sinna.
Forstöðumaður búsetukjarna tók undir áherslu á að sérsníða þyrfti æfingar fyrir hverja þjónustu-
tegund:
Ég myndi vilja að það væri meira sérsniðið að ákveðnum hópi heldur en var í
okkar verkefni, það var til dæmis með okkur á námskeiðinu starfsfólk frá leik-
skóla og grunnskóla líka, þó það hafi verið fróðlegt og gaman að vera með þeim
þá fannst mér starfssviðin of ólík, hefði viljað geta farið meira inn í sérhæfðara
fyrir hvert svið, hafa þá bara fleiri hópa og vinna með hverjum og einum.
Teymisstjóri barnaverndar lagði áherslu á að velferðarþjónustan þyrfti að fylgjast vel með þróun
og breytingum í samfélaginu, að vera með fingur á púlsinum til að geta veitt góða þjónustu á öllum
tímum. Til að það væri mögulegt væru fræðsla og undirbúningur til að takast á við áföll nauðsynleg:
Fræðsla og verkferlar, allir starfsmenn séu með sín hlutverk á hreinu, það er
mikilvægt. Hér hefur orðið mikil íbúafjölgun. Hingað flytur fólk víða að og í
ólíkum aðstæðum, til dæmis flóttafólk, við þurfum að fylgjast með hvernig íbúa-
þróunin er, samsetning íbúanna og hvaða þjónustu þau þurfa.
Lærdómur – reynsla
Í viðtölunum var bæði talað um reynslu viðmælenda og lærdóm almennt í störfum sínum á tímum
samfélagslegra áfalla og um reynsluna af almannavarnaverkefninu sem þeir tóku þátt í veturinn
2020–2021.
Forstöðumaður skammtímavistunar sagði um reynslu sína og lærdóm af því að vera forstöðu-
maður á tímum samfélagslegra áfalla:
Ef ég ætti að ráðleggja einhverjum sem er í sama þjónustugeira og ég þá myndi
ég leggja áherslu á forgangsröðun, þú sért búin að hugsa hvað eru aðalatriðin í
þinni þjónustu og hvernig ætla ég að gera þau, og svo að hafa greiðan aðgang
að mikilvægum upplýsingum ef við þurfum að fá utan að komandi aðstoð. Held
við þurfum að skoða það aðeins nánar. Við erum með þjónustu sem notendurnir
geta ekki verið án.
Viðmælendur komu inn á hlutverk fjöldahjálparstöðva Rauða krossins og samstarf þeirra þjónustu-
eininga og fjöldahjálparstöðva. Fram kom að ákveðnir starfsmenn félagsþjónustu færu til starfa í
fjöldahjálparstöð þegar hún væri opnuð en að setja þyrfti skýrara verklag um hlutverk hvers þjón-
ustuaðila þegar starfseminni lyki, oftast innan örfárra daga. Nefnd voru dæmi um að fatlað fólk og
fólk með lítið stuðningsnet í kringum sig hefði átt erfitt með að fóta sig eftir að fjöldahjálparstöðinni
var lokað eftir jarðskjálftann sem varð árið 2008.
Forstöðumaður vinnu- og hæfingarstöðvar rifjaði upp stöðuna frá árinu 2008 og sagði:
Mikilvægt að það sé skýrt hver taki við fólki þegar það kemur úr fjöldahjálpar-
stöð, eins og þegar skjálftarnir voru 2008 og margt fatlað fólk sem bjó eitt þurfti
að fara heim aftur, þá treysti það sér ekki til baka. Það var hrætt og óöruggt. Þarf
að hjálpa fólki aftur inn og þess vegna þurfum við að ræða saman um þetta.
Forstöðumaður búsetukjarna lagði áherslu á mikilvægi þess að halda til haga reynslunni frá Covid-tíma-
bilinu: „Það er ekki sama hvernig þú leggur fram leiðbeiningar eða reglur og boð og bönn með
fötluðu fólki. Segir ekki íbúunum að þeir megi ekki koma út úr íbúðinni sinni, það skapar bara ótta.“
Viðmælendur voru sammála um að fjalla ætti sérstaklega um þessi mál með reglubundnum hætti,