Íslenska þjóðfélagið - 01.08.2023, Page 96

„Beint flug er næs“: Svæðisbundin áhrif millilandaflugs frá Akureyri
96 ..
ýmist kynntar eða slegið á frest. Þótt flugfélagið Wow tæki við þrotabúi Iceland Express varð ekki
framhald á þessu millilandaflugi um Akureyrarflugvöll. Millilandaflug um Akureyrarflugvöll náði
níu þúsund farþegum árið sem Air Greenland flaug til Kaupmannahafnar og allt að 15 þúsund far-
þegum á hápunkti Iceland Express.
Á árunum 2017–2019 skipulagði ferðaskrifstofan Superbreak vetrarferðir til Akureyrar tvisvar
í viku frá ýmsum borgum í Bretlandi. Superbreak varð gjaldþrota 2019 en sama ár hóf ferðaskrif-
stofan Voight Travel reglubundið millilandaflug á sumrin milli Akureyrar og Rotterdam í samstarfi
við Transavia. Umferð um Akureyrarflugvöll jókst að nýju með tilkomu Superbreak og Voigt Travel
og árið 2019 var hún ívið meiri en áratug fyrr þegar Iceland Express flaug reglubundið milli Akur-
eyrar og Kaupmannahafnar.
Millilandaflug um Akureyrarflugvöll lá að mestu niðri í Covid faraldrinum 2020–2021 en jókst
að nýju að honum loknum. Sumarið 2022 hóf norðlenska flugfélagið Niceair beint flug til Kaup-
mannahafnar og Tenerife allan ársins hring og flug Transavia á vegum Voigt Travel hófst að nýju.
Umferð um Akureyrarflugvöll náði því nýjum hæðum árið 2022 þegar 32 þúsund farþegar fóru um
Akureyrarflugvöll, eða ríflega tvöfalt fleiri en nokkurt annað ár í sögu flugvallarins.
Í ársbyrjun 2023 stefndi því í mjög mikið framboð af reglubundnu millilandaflugi um Akureyrar-
flugvöll. Niceair stefndi að auknu flugframboði með beinu flugi til Alicante, Düsseldorf, Kaup-
mannahafnar og London, Transavia hugðist áfram að fljúga fyrir Voigt Travel frá Rotterdam, þýska
flugfélagið Condor stefndi að flugi frá Frankfurt og svissneska flugfélagið Edelweiss ætlaði að fljúga
frá Zürich. Vorið 2023 varð Niceair hins vegar gjaldþrota og Condor frestaði áætlunum sínum um
flug til Akureyrar og Egilsstaða, og því varð aðeins úr flugi Edelweiss um Zürich og Transavia um
Rotterdam sumarið 2023. Sumarið 2023 tilkynnti Easyjet hins vegar um fyrirhugað beint flug milli
Akureyrar og London veturinn 2023–2024 og á sama tímabili boðaði Icelandair enn á ný tengiflug
frá Akureyri í tengslum við millilandaflug félagsins um Keflavíkurflugvöll. Þær vendingar eru þó
utan tímaramma þessarar rannsóknar.
Mynd 1. Fjöldi komu- og brottfarafarþega í millilandaflugi um Akureyrarflugvöll 1993 – 2022