Fróðskaparrit - 01.01.1959, Blaðsíða 7
Nýggir tilburðir við tuberklasjúkum í Eiðis læknadømi 13
fiski o. s. fr. Tey koma tá saman við nógv meiri fólki enn
í smáu heimbygdunum, og tí er ikki løgið, at ikki so
rættiliga fá av teimum, meginparturin heilt ung, verða
smittað. Eisini er at minnast til, sum Lynge3 tekur fram,
at av ungfólkinum í mongum smærri bygdum í Føroyum,
eru bert heilt fá av hvørjum hundrað positiv. í hesum
bólki 12. Smittukeldan er minni enn so altíð kend.
Ikki færri enn 8 fingu smittuhitan til skips. 5 av teimum
vóru á 15—19 ára aldri, og 3 vóru í tjúgunum. Ein teirra
vitsti einki at siga um smittukelduna. Tilsamans eru úr
fyrra aldursbólki 15 unglingar við smittuhita (1. talva),
t. e. triðingur teirra fekk hann til skips. Lítið mætari er
standurin hjá teim 13 mannfólkunum á 20—29 ára aldri,
3 teirra vórðu smittaðir umborð.
Joensen2 bendir á smittuvandan umborð á sluppunum
og setur stóru økingina í tuberklaandlátum og tuberkla»
tilburðum seinastu árini undan aldamótinum í samband við
hin mikla vøkstur í skipatali. Hetta er óivað beint, og
vandin hevur lúrt heilt til seinastu árini undan 1952.
6 unglingar fingu smittuna á stuttum vitjanum og ferð«
ingum burtur í bygd, við tað at teir vóru so óhepnir at
koma saman við tuberklasjúkum fólkum (spælt kort o. t.).
Einstakir teirra 6 vita tó einki, hvørjum teir eru smittaðir av.
5 gentur fingu tuberklar, tá ið tær vóru sjúkrasystra*
næmingar ella gongsgentur á sjúkrahúsum. So eru 2 ungar
gentur, ið, tað vit kunnu ætla, vórðu smittaðar, meðan tær
vóru sjúklingar á sjúkrahúsi.
Vanligt er at taka tað sum givið, at tuberklasmittan kemur
gjøgnum lunguni, tá ið vit anda inn. Onkra einstaka ferð
finnur hon tó inn ígjøgnum sár í húðini, ella ígjøgnum
mandlurnar, so sum hesar báðar komandi søgurnar vísa.
Meðan hesir tilburðir eru so óvanligir, verður sagt greini*
liga frá:
3. đ D- I., b. í h. 18/2 1920. 21 ára gamal. í miðjum august 1941
(mánaðardagin mintist hann ikki við 1. sjúkuvitjan) á útróðri stakk
hann seg av ongli í vinstra fremstafingur lógvamegin, miðskeiðis í