Morgunblaðið - 01.10.2006, Blaðsíða 40

40 SUNNUDAGUR 1. OKTÓBER 2006 MORGUNBLAÐIÐ
UMRÆÐAN
Glæsilegt einbýli ásamt bílskúr í
grónu og vinsælu hverfi í vestur-
bæ Kóp. Húsið er að innan mikið
endurnýjað á smekklegan hátt,
bæði gólfefni og innréttingar.
Húsið hefur fengið gott viðhald og
er að utan nýmálað. Fallegur og
skjólsæll garður, hiti er í stétt og
bílaplani. Stutt er skóla og versl-
un. Mjög áhugaverð eign sem
vert er að skoða. Verð 47,9 millj.Uppl. í síma 690-4045, Sigurður.
Opið hús í dag frá kl. 14:00-15:00
Holtagerði 38, 200 Kópavogi
Glæsilegt einbýli ásamt bílskúr í
grónu og vinsælu hverfi í vestur-
bæ Kóp. Húsið er að innan mikið
endurnýjað á smekklegan hátt,
bæði gólfefni og innréttingar.
Húsið hefur fengið gott viðhald og
er að utan nýmálað. Fallegur og
skjólsæll garður, hiti er í stétt og
bílaplani. Stutt er skóla og versl-
un. Mjög áhugaverð eign sem
vert er að skoða. Verð 47,9 millj.Uppl. í síma 690-4045, Sigurður.
Opið hús í dag frá kl. 14:00-15:00
Holtagerði 38, 200 Kópavogi
FASTEIGNASALA
STÓRHÖFÐA 27
Sími 594 5000
Halla Unnur Helgadóttir
löggiltur fasteignasali.
Mjög falleg og góð 108,3 fm, 4ra herb. íbúð í
álklæddu húsi. Yfirbyggðar og flísalagðar svalir.
Massíft olíuborið parket úr hlyni.
Vel skipulögð íbúð neðst í götu í rólegu hverfi.
VERÐ 17,9 millj.
Upplýsingar gefur Ingvar Ragnarsson
sölufulltrúi Akkurat í s. 822 7300.
NÝTT
RJÚPUFELL - 111 RVK
BANASLYS í umferðinni eru
ekki ný af nálinni en á síðustu mán-
uðum hefur fjöldi þeirra stóraukist.
Margir velta fyrir sér leiðum til
þess að sporna við þessum vágesti
og ekki eru allir á sama máli. Ef lit-
ið er á þau umferð-
arslys sem átt hafa
sér stað á vegum úti
má ávallt finna ein-
hverjar ástæður fyrir
þeim en með því er
alltaf verið að mála yf-
ir staðreyndir eða
fegra þær. Það ætti
hinsvegar að vera
hverjum manni ljóst
að meginástæða um-
ferðarslysa er ábyrgð-
arleysi einstaklinga og
það breytist ekki endi-
lega einungis með
hækkun ökuleyfisald-
urs, bættu vegakerfi
eða tímabundnu átaki.
Kafa þarf ofan í kjöl-
inn á umferðarslysum
og samhliða skoða
hvernig erlend stjórn-
völd taka á þessum
málaflokki.
Skoðum til dæmis
viðurlög við umferð-
arlagabrotum. Hversu
háar eru upphæðirnar
sem menn þurfa að
borga fyrir mismun-
andi brot? Stað-
reyndin er sú að verk-
færi löggæslumanna
og dómsvaldsins eru
engan veginn í takt
við alvarleika umferðarlagabrota.
Það er ekki óalgengt að heyra í fólki
sem telur sig hafa verið svo óheppið
að hafa verið tekið fyrir að fara yfir
á rauðu ljósi en því þykir það svo
sem ekkert tiltökumál að þurfa að
greiða tuttugu þúsund vegna þessa.
Athugum nú önnur afbrot: Hvað er
gert við einstakling sem fer út á
meðal almennings með byssu? Er
manninum ekki stungið inn og byss-
an tekin af honum? Berum saman
hversu margir hafa fallið fyrir öku-
tækjum við fjölda þeirra sem hafa
fallið fyrir byssum. Á ekki sama að
eiga við um tilræðismenn sem
stofna lífi okkar í hættu með því að
beita fyrir sig ökutækjum? Hvað er
gert við menn sem aka 40 km yfir
leyfilegum ökuhraða? Þeir greiða
smásekt og halda síðan uppteknum
hætti. Réttast væri að taka ökutæk-
ið af þeim ásamt því að ógilda öku-
skírteinið og gera þeim að leysa út
ökutækið gegn greiðslu tilfinn-
anlegrar upphæðar ellegar fari
hann á uppboð. Fara sumir þeirra
ekki aftur af stað án
ökuleyfis eins og við
höfum því miður séð
svo oft undanfarið?
Sem dæmi má taka
Finnland sem hefur
ákveðinn hátt á við-
urlögum við umferð-
arlagabrotum: Yfirvöld
þar í landi láta brota-
menn greiða sektir í
ákveðnu hlutfalli við
tekjur þeirra. Sektir
eiga að snúast um sárs-
auka og ljóst er að
sársaukinn við að
greiða tuttugu þúsund
fyrir að aka gegn rauðu
ljósi er ekki sá sami
fyrir einstakling sem
hefur tvær milljónir í
árslaun og þann sem
hefur tuttugu milljónir.
Skoða ætti sérstaklega
kostnað ríkisins vegna
umferðarslysa sem or-
sakast vegna umferð-
arlagabrota. Hver er
kostnaður þolenda,
bæði beinn og óbeinn,
hver er sársauki þeirra
sem þurfa að líða fyrir
athæfi ökuníðinga?
Mörg erlend ríki
beita fyrir sig í auknum
mæli duldum fær-
anlegum myndavélum. Þær eru sem
dæmi settar í ruslatunnur í íbúða-
götum. Af hverju má ekki lögreglan
fá þau verkfæri í hendurnar sem
duga gegn tilræðismönnunum sem
koma úr launsátri fyrir næstu
beygju og klessa bíl með saklausum
farþegum? Tökum á þessum morð-
ingjum með þeim verkfærum sem
duga og forðum því að börnin okkar
þurfi að alast upp án foreldra sinna,
einstaklingar þurfi að eyða stórum
hluta lífs síns í hjólastól, foreldrar
þurfi að horfa upp á börn sín deyja
eða örkumlast.
Lögum samkvæmt skal aka mið-
að við aðstæður og á það að vera ein
af grundvallarreglum okkar. Upp-
gefinn hámarkshraði jafngildir ekki
því að aka eigi á þeim hraða við all-
ar aðstæður. Slys á einbreiðum
brúm eru ekki brúnum að kenna
heldur þeim ökumönnum sem aka
ekki miðað við aðstæður. Einnig eru
slys á vegum með tvær aksturs-
stefnur þeim að kenna sem hafa
enga ábyrgðartilfinningu og aka
ekki miðað við aðstæður. Svona má
lengi telja. Hættum að kenna öllu
öðru um og tökum á okkur ábyrgð-
ina. Við getum lengi bætt sam-
göngukerfið en það bjargar okkur
ekki frá ábyrgðarlausum tilræð-
ismönnum sem enga virðingu bera
fyrir okkur hinum.
Tökum hart á lögbrjótum því þeir
taka hart á saklausum vegfar-
endum. Átök duga ekki til nema í
skamman tíma og því skora ég á
stjórnvöld að leysa vandann til
frambúðar. Hækkum sektir og auk-
um önnur viðurlög, bætum aðstöðu
lögreglunnar og látum hana og
dómsvaldið hafa þau verkfæri sem
duga til að forða frekari mannslífum
og örkumlum. Ég fullyrði að hægt
er að reikna út hagkvæmni þess að
leggja meira fé í löggæslu þar sem
kostnaður við heilbrigðiskerfið mun
lækka á móti vegna færri við-
skiptavina. Landsmenn allir eiga
það skilið að eiga áhyggjulaust og
hamingjusamt ævikvöld.
Tökum á okkur
ábyrgð og leitum
framtíðarlausnar
Helgi Jónsson fjallar
um umferðarmenningu
Helgi Jónsson
»Ég fullyrðiað hægt er
að reikna út
hagkvæmni
þess að leggja
meira fé í lög-
gæslu þar sem
kostnaður við
heilbrigð-
iskerfið mun
lækka á móti
vegna færri við-
skiptavina.
Höfundur er verkfræðingur.
FYRIR nokkru varð bilun í ljósleið-
ara á Norðurlandi með þeim afleið-
ingum að öryggiskerfi sjófarenda fyr-
ir öllum Vestfjörðum og Norðurlandi,
frá Látrabjargi að Langanesi, féll út,
svo og útsendingar útvarps og sjón-
varps á mörgum stöð-
um, en útvarp og sjón-
varp er einnig hluti
öryggiskerfis lands-
manna. Samkvæmt
fréttum stóð bilunin í 15
klukkustundir. Aftur
var það gamla NMT-
kerfið sem kom til
bjargar, en til stendur
að leggja það af! Al-
menningi reyndist erfitt
að fá upplýsingar um
hvað var að. Það var lán
í óláni að bilunina sem
varð í grunnneti Símans
bar upp á einn mesta góðviðrisdag
ársins og ekkert óvænt gerðist.
Hvernig hefði farið ef öðruvísi hefði
verið ástatt?
Í fréttum útvarps kl. 8 að morgni,
rúmum hálfum sólarhring eftir að bil-
unin varð sagði: „Starfsmaður Símans
hafði í morgun engar upplýsingar
fengið um málið síðan seinnipartinn
gær og engin svör fengust við því hvað
væri að eða hvenær viðgerð lyki.“
Framkvæmdastjóri Neyðarlínunnar
sjálfrar segist fyrst hafa heyrt af bil-
uninni í fréttum útvarps á laugardag.
Einkavæðing Símans hittir nú
landsmenn fyrir enn á ný. Nú er það
öryggiskerfið. Eins og við þingmenn
Vinstri grænna bentum á þá er
grunnfjarskiptakerfið hluti öryggis-
mála og átti alls ekki að einkavæða.
Vinstrihreyfingin – grænt framboð
ein flokka á þingi barðist hart gegn
einkavæðingu og sölu Símans.
Í kjölfar sölu Símans fylgdu upp-
sagnir á starfsfólki og lokun starfs-
stöðva víða um land, hækkað verð og
skert þjónusta. Þetta
gerðist á Ísafirði,
Blönduósi, Sauðárkróki
Siglufirði, já, hringinn í
kringum landið hefur
þjónustustöðvum verið
lokað og íbúarnir bera
skarðan hlut frá borði.
Svör fulltrúa bæði
Landhelgisgæslu og
Neyðarlínu við bil-
uninni á föstudag voru
þau að eftir einkavæð-
ingu Símans væru öll
viðskipti við Símann á
markaðsgrunni. Við-
skiptavinir tækju ákveðnar línur á
leigu. Vilji viðskiptavinir auka örygg-
ið verða þeir að kaupa sér sérstaka
tryggingu og leigja aðgang að vara-
leiðum. Fram kom að slíkir auka-
möguleikar kostuðu stórfé. Það er al-
veg hárrétt sem kom fram í fréttum
hjá forstöðumanni Neyðarlínu að
ekki er við Símann sem fyrirtæki að
sakast. Síminn er nú fyrirtæki á
markaði og ber engar samfélags-
skyldur. Honum sem og öðrum fjar-
skiptafyrirtækjum ber fyrst og
fremst að skila eigendum sínum sem
mestum hagnaði. Meðan Síminn með
grunnetinu var í opinberri eigu var
þjónustan sem var veitt í forgrunni
og Landssíminn nýtti alla sína sam-
eiginlegu tækni til að veita þá bestu
þjónustu og öryggi sjálfkrafa, líka í
bilanatilfellum.
Öryggismál og grunnfjarskipti á
ekki að einkavæða
Allt þetta bentum við þingmenn
VG á og vöruðum við í einkavæðingu
Símans. Skoðanakannanir sýndu
ávallt mikla andstöðu við sölu Sím-
ans. Þingflokkur VG krafðist síðast
þjóðaratkvæðagreiðslu um söluna en
því höfnuðu einkavæðingarflokkarnir
auðvitað. Þeir þorðu ekki að heyra
dóm landsmanna í þeim efnum.
Nú láta menn eins og uppákomur
af þessu tagi komi þeim á óvart.
Stjórnvöld reyna að þvo hendur sín-
ar, en það eru þau sem bera ábyrgð á
fjarskiptum og öryggisþjónustu
gagnvart íbúunum og sjófarendum
við strendur landsins. Samkvæmt
fjárlögum eru greiddar um 200 millj-
ónir króna á ári fyrir vaktþjónustu
siglinga. Ekki veit ég hve stór hluti af
því eru leigugreiðslur til Símans en
veit það þó að þær greiðslur hafa far-
ið snarhækkandi. Samkeppni og
gróðahyggja er góð þar sem hún á við
en það á ekki við í öryggismálum
þjóðarinnar.
Að selja öryggismál landsmanna,
hvort sem er á sjó landa eða lofti,
undir lögmál arðsemiskrafna og
græðgi fjármagnsins ætti að vera
óheimilt og slíkt bundið í stjórn-
arskrá. Nú þarf að fara strax ofan í
skipan þessara mála og leita allra
leiða til að ná grunnfjarskiptabúnaði
landsins aftur í þjóðareign. Sam-
kvæmt fréttum síðustu vikna er
grunnfjarskiptakerfi Símans til sölu.
Áður var ekki hægt að skilja það frá!
Nú er tilvalið að þjóðin leysi grunn-
netið aftur til sín.
Ég finn það svo rækilega í sam-
tölum við fólk úti um allt land að það
hefur þegar fengið sig fullsatt á
einkavæðingunni og græðginni sem
ríkisstjórn Framsóknar- og Sjálf-
stæðisflokks hefur sleppt lausri í al-
mannaþjónustu landsmanna.
Færum grunnnet fjarskipta
aftur í eigu þjóðarinnar
Jón Bjarnason skrifar um
grunnnet fjarskipta » Að selja öryggismállandsmanna, hvort
sem er á sjó landa eða
lofti, undir lögmál arð-
semiskrafna og græðgi
fjármagnsins ætti að
vera óheimilt …
Jón Bjarnason
Höfundur er þingmaður Vinstrihreyf-
ingarinnar – græns framboðs.