Morgunblaðið - 01.10.2006, Blaðsíða 57

MORGUNBLAÐIÐ SUNNUDAGUR 1. OKTÓBER 2006 57
✝ Ásta Björk Mar-teinsdóttir fædd-
ist í Reykjavík 3.
mars 1948. Hún varð
bráðkvödd á heimili
sínu 5. ágúst síðast-
liðinn. Foreldrar
hennar eru Inga
Margrét Sæmunds-
dóttir húsmóðir, f. 3.
ágúst 1923, og Mar-
teinn Davíðsson list-
múrari, f. 26. októ-
ber 1914, d. 2.
nóvember 1995.
Fósturfaðir Ástu er
Jón Ingibergur Herjólfsson, f. 10.
ágúst 1925. Systkini Ástu Bjarkar
sammæðra eru Herjólfur Hafþór
Jónsson, f. 30. janúar 1955 og Þóra
Rut Jónsdóttir, f. 31. mars 1961.
Systur Ástu samfeðra eru Helga,
Ragnheiður, Ingibjörg, María Al-
dís og Marta Bryndís.
Fyrri eiginmaður Ástu Bjarkar
var Ægir Axelsson, f. 8. júní 1941,
þau eiga þrjú börn: a) Jón Ingi, f. 1.
júlí 1967, í sambúð með Hafdísi
Ölmu Karlsdóttur, f. 17. september
1970, þau eiga tvö
börn, Bryndísi Björk
og Róbert Smára; b)
Þuríður Berglind, f.
19. ágúst 1969, í
sambúð með Njáli
Pálssyni, f. 16. októ-
ber 1976, sonur
þeirra Ægir Páll; c)
Marteinn, f. 20. mars
1979, í sambúð með
Evu Sólveigu Þórs-
dóttur, f. 13. sept-
ember 1984. Seinni
eiginmaður Ástu
Bjarkar er Jónas
Baldursson, f. 6. júlí 1958. Hann á
fjögur börn, Helenu, Margréti
Láru, Gylfa Þór og Birnu Dögg.
Ásta Björk ólst upp í Minni-
Vogum í Vogum á Vatnsleysu-
strönd. Hún stundaði nám við Hús-
mæðraskólann á Staðarfelli vet-
urinn 1964 til 1965. Lengst af
starfaði Ásta Björk við verslun og
verslunarrekstur.
Ásta Björk var jarðsungin frá
Kálfatjarnarkirkju á Vatnsleysu-
strönd í kyrrþey 11. ágúst.
Hinn 5. ágúst sl. lést móðir mín,
Ásta Björk Marteinsdóttir, langt
fyrir aldur fram. Lát hennar bar
mjög brátt að og var mikið áfall öll-
um þeim sem að henni stóðu. Mig
langar hér að minnast hennar með
nokkrum orðum.
Það er við hæfi að byrja þessi
minningarorð á einu af kvæðum El-
ísabetar Vormsdóttur heitinnar sem
hún orti um mömmu fyrir nokkrum
árum.
Þú elskulega Ásta, ert öðrum gleðigjafi
þitt gullna stóra hjarta það fær ei dulist
mér.
Mér finnst sem góður andi og styrkur frá
þér stafi,
þú stendur öðrum framar, það margur veit
og sér.
Þetta erindi segir svo mikið um það
hvernig mamma var. Allir sem hana
þekktu vita að hún bjó yfir mikilli
manngæsku og var einstaklega
greiðvikin, gjafmild og óspör á tíma
sinn þegar kom að því að leggja til
hjálparhönd.
Mamma ólst upp í Minni-Vogum í
Vogum á Vatnsleysuströnd. Í Vog-
unum bjó hún alla tíð fyrir utan eitt
ár sem hún var við nám í Hús-
mæðraskólanum á Staðarfelli 1964
til 1965. Það duldist engum að
mamma hafði ánægju af dvöl sinni á
Staðarfelli og rifjaði hún oft upp það
sem hún og skólasystur hennar
voru að bralla þar. Mér er minn-
isstætt eitt atvik sem hún sagði mér
frá, en það var þegar hún tók þátt í
því að stífa pils sem héngu uppi til
þerris í þvottahúsi skólans, þannig
að þau stóðu sjálf. Mamma var hlát-
urmild kona og stutt var í grínið og
glensið hjá henni, hún hafði gaman
af því að vera innan um fólk og var
heimilið stundum eins og rútustöð.
Yfirleitt sat einhver hjá henni í eld-
húsinu, allir voru velkomnir og
stundum var maður ekki alveg viss
hver var í heimsókn, enda voru þeir
sem áttu erindi við hana út af sjopp-
unni hiklaust sendir heim á Kirkju-
gerðið.
Matseld var eitt af því sem vafðist
ekki fyrir mömmu og ólumst við
krakkarnir upp við það að oftar en
ekki var tví- og þríréttað á sunnu-
dögum, enda var mamma stórhuga
kona, hvort sem um var að ræða
matseld eða annað. Sjálfsagt eru
margir sem kíma þegar ég segi að
allt sem mamma gerði var stórt og
mikið. Hún fór ekki auðveldustu
leiðirnar í að koma hlutunum í gegn,
hún var óhrædd að reyna hlutina og
gafst ekki upp svo auðveldlega. Hún
kallaði ekki til iðnaðarmenn nema í
allra stærstu verkin og hikaði ekki
við að taka upp hamar, borvél,
brjóta niður veggi, smíða innrétt-
ingar eða draga í rafmagn.
Það kom þó fyrir að ekki gekk allt
upp og eitt skiptið þegar mamma
var „rafvirki“ þá neistaði húsið enda
á milli þegar hún var að vesenast í
rafmagninu þannig að ekki var þor-
andi annað en að kalla til einn
menntaðan áður en illa færi.
Í einni lítilli grein er engan veginn
hægt að koma því til skila hvað
mamma var stórbrotin og yndislega
kona. Ég er þakklát fyrir þann tíma
sem við fengum með henni og
hversu góð hún og Jónas voru við
litla drenginn okkar. Alltaf voru þau
tilbúin að passa hann og rétta okkur
hjálparhönd. Við söknum hennar
óendanlega mikið og biðjum góðan
Guð að geyma hana.
Ég vil ljúka þessum orðum á
kvæði eftir Davíð Stefánsson,
Ég bý að brosum hennar
og blessa hennar spor,
því hún var mild og máttug
og minnti á – jarðneskt vor.
(Davíð Stefánsson)
Um leið og ég og fjölskylda mín
biðjum góðan Guð um að styrkja
ömmu mína og afa og aðra aðstand-
endur, þá vil ég fyrir hönd okkur
systkinanna þakka fyrir ómetanleg-
an stuðning og hlýjar kveðjur sem
okkur hafa borist undanfarnar vik-
ur. Megi minningin um einstaka
konu lifa.
Þuríður B. Ægisdóttir.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því
þú laus ert úr veikinda viðjum,
þín veröld er björt á ný.
Ég þakka þau ár sem ég átti
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfinn úr heimi,
ég hitti þig ekki um hríð.
Þín minning er ljós sem lifir
og lýsir um ókomna tíð.
(Þórunn Sigurðardóttir.)
Hrönn.
Ásta Björk
Marteinsdóttir
„Elsku góði Guð,
viltu láta Önnu ömmu
batna,“ heyrðist á
hverju kvöldi í ömmu-
barni þínu sem hafði fulla trú á að
Anna Hafsteinsdóttir
✝ Anna Hafsteins-dóttir fæddist í
Reykjavík 24. mars
1958. Hún lést á
líknardeild Land-
spítalans 9. sept-
ember síðastliðinn
og var útför hennar
gerð frá Vídal-
ínskirkju í Garðabæ
18. september.
þér myndi batna.
Þín er svo sárt
saknað, við öll eigum
erfitt með að trúa því
að þú sért farin, kona
á besta aldri.
Það eru ótal minn-
ingar sem koma upp í
hvert sinn sem við
hugsum um þig.
Þær verða geymd-
ar í hjarta okkar um
ókomna tíð.
Elsku Anna, þú
varst okkar klettur,
okkar hetja. Alltaf
var hægt að leita til þín, gafst þér
ávallt tíma fyrir okkur og hvað við
vorum heppin að eiga heima í sömu
götu.
Það var ósjaldan að Arnar Kári
og Sólveig Anna fóru til þín eftir
skóla rétt til þess að fá sér mjólk
og kex hjá ömmu. Og oftar en ekki
var stoppað í Brekkuskógum 1 eftir
annasaman dag til þess að fá sér
einn kaffi og ánægjulegt spjall.
Þú tókst endalaust vel á móti
okkur.
Okkur langar að þakka fyrir
þann tíma sem þú hefur gefið okk-
ur og allar þær yndislegu stundir
sem við höfum átt saman.
Við munum biðja Guð á hverju
kvöldi um að hugsa vel um þig.
Guð geymi þig.
Gunnar, Sigurlaug Arnar
Kári og Sólveig Anna.

 
 


Hjartans þakkir færum við öllum þeim, sem
sýndu okkur samúð og hlýhug við fráfall elsku-
legrar móður okkar, tengdamóður, ömmu, lang-
ömmu og langalangömmu,
SIGURBJARGAR BJARNADÓTTUR,
Nesgötu 33,
Neskaupstað.
Starfsfólki Fjórðungssjúkrahússins í Neskaupstað
þökkum við sérstaka umönnun og góðvild.
Megi Guð blessa ykkur öll.
Sigríður Sveina Guðjónsdóttir, Geir Guðnason,
Guðmundur Albert Guðjónsson, Ásrún Sigurbjartsdóttir,
Guðlaug Guðjónsdóttir, Helgi Magnússon,
Inga Rósa Guðjónsdóttir, Gísli Eiríksson,
barnabörn, barnabarnabörn
og langalangömmubörn.
Við þökkum öllum þeim er sýndu okkur vináttu
og hlýhug við andlát og útför elskulegu eiginkonu
minnar, móður okkar, tengdamóður, ömmu og
langömmu,
GYÐU EINARSDÓTTUR,
Miðvangi 41,
Hafnarfirði.
Ólafur Guðbjörnsson,
Guðbjörn Steinþór Ólafsson, Ásta María Janthanam,
Anna Elísabet Ólafsdóttir, Kristján Sigurmundsson,
Ólafur Rúnar Ólafsson, Oddný Kristinsdóttir,
Helgi Þór Ólafsson, Ingibjörg Jóhannesdóttir,
Einar Örn Kristinsson, Áslaug Stefánsdóttir,
barnabörn og barnabarnabörn.
Innilegar þakkir til allra sem sýndu okkur samúð
og hlýhug við andlát og útför móður okkar,
tengdamóður, ömmu og langömmu,
LENU BERG,
Hlíðargötu 62,
áður til heimilis í Stafholti,
Fáskrúðsfirði.
Eiríkur Stefánsson,
Rúnar Stefánsson,
Gestur Stefánsson,
Sigurður Stefánsson,
Eileen Berg,
tengdabörn, barnabörn
og barnabarnabörn.
Hjartans þakkir til allra þeirra fjölmörgu sem
auðsýndu okkur samúð og hlýhug við andlát og
útför elskulegs sambýlismanns, föður, fóstur-
föður, afa og langafa,
HALLGRÍMS EINARS AÐALSTEINSSONAR
frá Húsavík,
Efri Tungu,
Örlygshöfn.
Sérstakar þakkir viljum við færa starfsfólki á deild A6 á Landspítala há-
skólasjúkrahúsi í Fossvogi, fyrir einstaklega góða umönnun.
Guð blessi ykkur öll.
Emma Kristjánsdóttir,
Anna K. Hallgrímsdóttir,
Elva A. Hallgrímsdóttir,
Auður Hallgrímsdóttir,
Marinó Thorlacius,
Guðrún M. Guðmundsdóttir,
afabörn og langafabörn.
Þökkum hlýhug og stuðning vegna andláts og út-
farar mömmu okkur, dóttur og systur,
SIGURFLJÓÐAR JÓNU HILMARSDÓTTUR.
Mega guð og góðir vættir vera með ykkur öllum.
Salóme Ás Halldórsdóttir,
Rebekka Ás Halldórsdóttir,
Guðmundur Halldórsson,
Ingveldur Jenný Jónsdóttir,
Hilmar Jakobsson,
Sæunn K. Hilmarsdóttir
og aðrir aðstandendur.
Við þökkum hjartanlega auðsýnda samúð við
andlát og útför elskulegrar móður minnar,
tengdamóður og ömmu,
VILHELMÍNU INGIBJARGAR
ÁGÚSTSDÓTTUR,
Knarrarstíg 1,
Sauðárkróki.
Sérstakar þakkir til starfsfólks deildar 2 á Heil-
brigðisstofnun Sauðárkróks fyrir einstaka umönnun.
Erna Guðbjörg Ingólfsdóttir, Guðmundur Helgason,
Ingólfur Örn Guðmundsson,
Ágúst Guðmundsson,
Alfreð Guðmundsson
og þeirra fjölskyldur.