Morgunblaðið - 01.10.2006, Blaðsíða 63
Þ
eir sem muna fyrri tíma í
plötusölu hér á landi
muna og hve mikið mál
var að ná í nýjustu plötur
– ýmist komu þær ekki
fyrr en eftir dúk og disk, eða þá það
komu nokkur eintök og síðan ekki
söguna meir. Ástandið batnaði gríð-
arlega á undanförnum árum og þegar
best lét og menn kepptu sín á milli
um innflutning voru íslenskar plötu-
búðir með bestu plötubúðum Evrópu.
Nú hefur heldur hallað á ógæfuhlið-
ina með sameiningu og minnkaðri
samkeppni, og fyrir vikið fara marg-
ar mestu plötur framhjá landanum
eða skila sér seint og um síðir.
Síðasta plata dönsku hljómsveit-
arinnar Mew er ágætt dæmi um það,
platan sem fékk frábæra dóma víðast
hvar (utan Danmerkur í það
minnsta) þegar hún kom út um alla
Evrópu í september 2005. Hún barst
þó ekki hingað fyrr en fyrir stuttu,
um líkt leyti og hún kom út í Banda-
ríkjunum og þá vaknar spurningin;
er hér komin ein af bestu erlendu
plötum ársins 2006 á Íslandi eða var
þetta kannski ein af bestu erlendu
plötum ársins 2006 á Íslandi – þó
enginn hafi heyrt hana?
Púaðir niður
Mew félagar kynntust í barnaskóla
í Hellerup, úthverfi Kaupmannahafn-
ar, þegar þeim var falið að gera stutt-
mynd um heimsendi sem skólaverk-
efni. Þeir voru ekki lengi að setja
myndina saman, kvikmynduðu hver
annan að fara með titil myndarinnar
og sýndu það síðan hægt aftur og aft-
ur þar til tilskilinni lengd var náð. Í
kjölfarið stofnuðu þeir hljómsveit án
þess þó að eiga hljóðfæri eða kunna
að spila yfirleitt, en hugmyndafærðin
var altént á hreinu.
Þó þeir félagar hafi snemma verið
búnir að gera sér grein fyrir hvernig
músík þeir vildu setja saman gekk
það ekki þrautalaust og fyrsta birt-
ingarmynd Mew, hljómsveitin Or-
ange Dog, var ekki betri en svo að
hún var púuð af sviðinu á sínum
fyrstu tónleikum. Eftir það fóru þeir
félagar hver í sína áttina um tíma, en
endurreistu svo hljómsveitina nokkr-
um árum síðar og þá undir nýju
nafni, Mew, nú öllu betri hljóðfæra-
leikarar og lagasmiðir. Svo mikið
hafði þeim fleygt fram reyndar að
þegar eftir fyrstu tónleikana undir
nýju nafni var þeim boðinn útgáfu-
samningur.
Fyrsta platan, A Triumph For
Man, kom út í apríl 1997 í takmörk-
uðu upplagi, en aðeins voru fram-
leidd af henni 2.000 eintök. Platan
fékk fína dóma og seldist upp á
skömmum tíma, en fyrir einhverjar
sakir urðu þeir Mew-menn ósáttir við
útgáfu sína og næstu skífu, Half The
World Is Watching Me, tóku þeir því
upp á eigin spýtur og gáfu út sjálfir í
5.000 eintökum, en af plötunni voru
reyndar gefnar út þrjár útgáfur með
mismunandi lagalista.
Lagst í ferðalög
Þeir Mew liðar stofnuðu eigin fyr-
irtæki til að gefa plötuna út, Evil Of-
fice, en þegar Sony vildi endilega
gera við sveitina samning um útgáfu
um heim allan og gefa plötuna út á
sínu merki ákváðu þeir að fara frekar
í hljóðver að taka aftur upp bestu lög-
in af A Triumph For Man og Half
The World Is Watching Me og bæta
við nýrra efni. Afrakstur þess var
platan Frengers sem kom svo út á
vegum Sony vorið 2003, en þess má
geta að lögin sem þeir félagar endur-
hljóðrituðu eru ekki svo frábrugðin
fyrri gerð þó hljómur sé talsvert
betri.
Eftir að Frengers kom út lögðust
þeir félagar í ferðalög og fluttust
meðal annars til Lundúna og stund-
uðu útgerð á sendibíl úr lítilli tveggja
herbergja íbúð. Á milli þess sem þeir
þvældust um Bretland að spila
sömdu þeir lögin á næstu plötu, And
the Glass Handed Kites, sem kom út
fyrir ári víðast í Evrópu, en platan
var gefin út vestan hafs í júlí sl. og er
að berast hingað um þessar mundir.
And the Glass Handed Kites er tal-
vert frábrugðin Frengers, meira lagt
í útsetningar og hljóm, gítarlínur
grafnar í hljómborðum og strengjum
og platan fráleitt eins grípandi við
fyrstu hlustun. Fyrir vikið tóku
margir plötunni fálega, en eftir því
sem menn hlusta meira hrífast þeir
og meira og mál manna vestan hafs
að hér sé komin ein af bestu plötum
ársins. Austan hafs voru menn svo
með hana á listum yfir bestu plötur
ársins 2005, en það er annað mál.
Mew loksins
Landflótta Danska hljómsveitin Mew sem býr nú í Lundúnum.
TÓNLIST Á SUNNUDEGI
Árni Matthíasson
MORGUNBLAÐIÐ SUNNUDAGUR 1. OKTÓBER 2006 63
menning
Kvikmyndir sem Max Factor hefur séð um förðun í eru m.a.: Memoirs of a Geisha, Casanova,The Aviator,The Edge of Reason
(Bridget Jones’s Diary II),Wimbledon, Mona Lisa Smile, Love Actually, CHICAGO, Die Another Day (James Bond 007),About a Boy,
Vanilla Sky, Bridget Jones’s Diary, Charlotte Grey, Charlie’s Angels I & II,Anna and the King, Notting Hill,Titanic, Evita....
Úsölustaðir með Blush Beauty:
Hagkaup - Smáralind, Lyf & Heilsa - Kringlunni, Lyf & Heilsa - Austurveri,
Lyf & Heilsa - Gjánni Kóp., Lyf & Heilsa - Glæsibæ, Rima Apótek,
Lyfjaval - Hæðarsmára, Nana - Hólagarði og Árbæjar Apótek.
Landið: Lyf & Heilsa - Hrísalundi/Akureyri, KS - Sauðárkróki,Töff - Húsavík.
Mjúkir hlýjir
tónar
Blushed
Beauty
www.medico.is
Haust- og
vetrarlínan 2006-2007
Hin leynda perla
Ljubljana
27. október
frá kr. 39.990
Skógarhlíð 18 • sími 595 1000 • www.heimsferdir.is
Ótrúlegt helgartilboð - síðustu sætin
Heimsferðir bjóða ótrúlegt tilboð á síðustu sætunum í aukaferðinni til
Ljubljana 27. október. Gríptu þetta frábæra tækifæri á helgarferð til
þessarar einstöku borgar á frábær-
um kjörum. Góð fjögurra stjörnu
gisting í miðborginni. Verð kr.39.990 - Helgarferð
Netverð á mann. Flug, skattar og gisting í
tvíbýli með morgunverði í 3 nætur á Hotel
Best Western Slon Munið Mastercard
ferðaávísunina
DAGSKRÁ: Sunnudag 1. okt.
HÁSKÓLABÍÓ Salur 1
Kl. 16.00 Lights in the Dusk
Kl. 18.00 The Secret Life of Words
Kl. 20.30 Zidane, un portrait
Kl. 22.30 Clean Shaven
HÁSKÓLABÍÓ Salur 2
Kl. 16.00 I Am
Kl. 18.00 Paradise Now
Kl. 20.00 Balordi
Kl. 22.30 Daft Punk’s Electroma
HÁSKÓLABÍÓ Salur 3
Kl. 18.00 Princess
Kl. 20.00 The Optimists
Kl. 22.00 Falling
HÁSKÓLABÍÓ Salur 4
Kl. 20.00 Free Radicals
TJARNARBÍÓ
Kl. 14.00 Red Road
Kl. 16.00 Sherrybaby
Kl. 18.00 Euphoria
Kl. 20.00 Winter Journey
Kl. 22.00 Before Flying Back to the
Earth
IÐNÓ
Kl. 14.00 Out of Bounds
Kl. 16.00 Rolling like a Stone / Fa-
mily
Kl. 18.15 The Cats of Mirikitani
Kl. 20.00 Unfolding Florence
Kl. 22.00 Short Film Program 1
Kvikmyndahátíð
í Reykjavík
TENGLAR
..............................................
www.filmfest.is
mbl.issmáauglýsingar
Á sýningu Höllu Gunnarsdóttur í
galleríi Turpentine má sjá furðu-
legar fígúrur fagmannlega mót-
aðar í gifs, enda listakonan sér-
hæfð í klassískri mótun og
skúlptúrgerð. Halla sækið þema
sýningarinnar til wunderkammer
sautjándu aldarinnar þar sem
náttúruundrum og listaverkum
og furðulegum smíðisgripum
ægði saman í sérstökum her-
bergjum í híbýlum forvitinna
safnara. Á sýningunni næst þó
ekki sú stemning fjölbreytni né
ofhlæðis sem maður ímyndar sér
að hafi verið í þessum undra-
herbergjum þrátt fyrir viðleitni
listakonunnar í þá veru. Mótaðar
furðuverur sem hafa verið
steyptar í gifs eru margar stað-
settar upp í hillum en hefðu ef-
laust notið sín betur á stöplum
þar sem hægt væri að nálgast
þær frá mörgum sjónarhornum. Í
innra herbergi safnsins má sjá
stærsta og eftirtektarverðasta
verkið á sýningunni, „Degrees of
separation“, sem er aðdáunarlega
vel gert og með sannfærandi grá-
leita áferð á gifsinu. Hvítu gifs-
skúlptúrarnir hafa verið málaðir
og tapa við það hluta af klass-
ískri yfirborðsfágun sem hefði
vissulega verið áhrifaríkari í
þessu samhengi.
Málverkin eru síðan eins og úr
allt annarri deild, eru mun við-
vaningslegri en skúlptúrarnir og
minna á skopstælingar. Sýningin
kemur ekki eins vel út í heildina
og efni standa til. Listakonan á
augljóslega eftir að finna hæfi-
leikum sínum á sviði mótunar
markvissari farveg, enda slíkir
hæfileikar áhugaverð nýjung í
samtímalistinni og verðugir sem
aldrei fyrr.
Mótað
og málað
MYNDLIST
Turpentine gallery
Sýningin stendur til 3. október.
Opið mánudaga–föstudaga kl. 12–18 og
laugardaga kl. 12–16.
Halla Gunnarsdóttir. Hibridi.
Þóra Þórisdóttir