Tímarit lögfræðinga - 01.04.1986, Page 8

2. Umboðsmenn aðila flytja venjulega ekki lengri munnlegar ræður en í
um það bil 30 mínútur. Ræðutlmi er oftast ákveðinn fyrirfram með samráði
lögmanna aðila og réttarins.
3. Rétturinn leitast við að sætta mál eða einfalda. Mörg einkamál koma
aðeins fyrir einn dómara til eins konar forkönnunar. Þarna er reynt að sætta
málin en takist það ekki er leitast við að einangra þau atriði sem umdeild eru
svo og að ákveða lengd ræðutlma með hliðsjón af þvl. Þess skal getið að
sættir takast I um það bil þriðjungi þeirra mála sem eru þannig tekin sérstak-
lega til forkönnunar. Það hlýtur að teljast mjög góður árangur.
4. Dómar eru oft mjög stuttir einkum I smærri málum og stundum aðeins
fáar línur.
Á undanförnum árum hafa margar tillögur komið fram um úrbætur I réttar-
fari hér á landi. Sumar þeirra hafa verið lögteknar og stuðlað að réttarbót-
um. Ef unnt væri með nýjum aðgerðum að ná árangri sem aðeins nálgaðist
þann árangur sem hæstiréttur ísraels hefur náð gæti það orðið ein mesta
réttarbót sem sögur fara af.
Stefán M. Stefánsson
2