Tímarit lögfræðinga - 01.08.1986, Blaðsíða 47
Finnur Torfi Hjörleifsson lögfræðingur:
HVAR ERU MERKI SJÁVARJARÐA TIL HAFSINS?
Einhverjum kann að þykja ófróðlega spurt. En þetta er þó álitamál.
Fræðimenn og kennarar við Háskóla Islands hafa hallast að þeirri
kenningu, að merkin væru við ytri mörk netlaga, þ.e. 60 faðma eða
115 m fram af stórstraumsfjörumáli.
Ólafur Lárusson gerir grein fyrir því í Eignarétti sínum,1) að „þar
sem fasteign liggur að sjó nær eignarréttur að henni einnig til fjörunn-
ar fram af henni, þ.e. til svæðisins milli stórstraumsflóðmáls og stór-
straumsfjörumáls, sbr. Lyrd. IX., bls. 551. Hrd. XVII., bls. 345. I hin-
um síðarnefnda dómi er landeigandinn einnig talinn hafa eignazt land-
auka, sem myndast hafði við fjöru hans. Auk þess eru landeiganda ein-
um heimilaðar ýmsar nytjar af þeim hluta sjávarins, sem næstur er landi
hans og nefndur er netlög. Eru þær nytjar svo yfirgripsmiklai', að rétt
mun vera að telja netlögin til eignar landeiganda.“ (Leturbr. F.T.H.)
Athygli skal hér vakin á því að sagnasamband í framtíð felur jafn-
an í sér nokkurn vafa. Fullyrðingin í auðkenndu málsgreininni er ekki
án tvímæla.
Gaukur Jörundsson drepur í Eignarétti sínum2) á nytjar landeiganda
af netlögum í sjó. Eftir að hann hefur tilgreint lagaákvæði um net-
lög, þ.e. 3. gr. veiðitilskipunarinnar 1849, 2. gr. 1. um beitutekju nr.
39/1914 og 4. gr. 1. um fuglaveiðar og fuglafriðun nr. 33/1966, segir
hann:
„Er í nefndum lagaákvæðum mælt fyrir um tilteknar einkaheimildir
landeiganda til nytja af þessum svæðum sjávar og sjávarbotns. Getur
það falið í sér vísbending'U um víðtæka heimild landeiganda til einka-
nota af þessum svæðum. Hefur og verið litið svo á, að netlög falli undir
eignarrétt landeiganda (sjá Ólaf Lárusson: Eignarétt, bls. 45).“ (Let-
urbr. F.T.H.)
125