Tímarit lögfræðinga - 01.08.1986, Blaðsíða 67

anlegt úrskurðarvald um fjárhæð þóknunar gagnvart þeim sem vinnur verk-
ið. Þeim sem æskir þjónustu við lausn verkefnis skulu veittar upplýsingar um
áætlaðan kostnað eftir því sem næst verður komist.
Sá sem tekur að sér þjónustuverkefni á vegum Verkefnanefndar getur ekki
stofnað til útgjalda vegna framkvæmdar verkefnisins án leyfis Verkefnanefndar
nema hann teljist smávægilegur.
3. gr. Verkefnanefnd setur fresti til að Ijúka þjónustuverkefnum. Framhalds-
fresti má veita eftir því sem sanngjarnt þykir. Verkefnanefnd getur svipt þá,
sem tekið hafa að sér þjónustuverkefni, umboði sínu ef tímafrestir eru ekki
haldnir. Verkefnanefnd gerir þá ráðstafanir til að Ijúka verkefninu.
NÝ ÚTGÁFA AF LÖGUM OG RÉTTI
Komin er út 4. útgáfa af ritinu Lög og réttur eftir Ólaf Jóhannesson, fyrrum
prófessor og ráðherra. Sigurður Líndal bjó til prentunar, en endurskoðun ein-
stakra þátta hafa annast auk hans: Arnljótur Björnsson, Guðrún Erlendsdóttir,
Jónatan Þórmundsson, Lúðvík Ingvarsson, Páll Sigurðsson, Pétur Hafstein og
Stefán Már Stefánsson.
Ritið hefur verið endurskoðað til samræmis við löggjöfina eins og hún var
haustið 1985, en mjög er þó misjafnt, hversu miklum breytingum einstakir
kaflar hafa tekið. Sumir hafa algerlega verið endursamdir, aðrir standa óbreytt-
ir.
Bókin skiptist í þessa þætti:
I. Stjórnskipun og stjórnsýsla; II. Réttaraðild og lögræði; III. Sifjaréttindi; IV.
Erfðaréttindi og óskipt bú; V. Fjármunaréttindi; VI. Refsivarzla; VII. Dómgæzla
og réttarfar.
Bókin er rúmar 400 bls. að stærð og hentar vel sem uppsláttarrit. Hún er
einkum ætluð almenningi, en bæði laganemar og lögfræðingar geta haft henn-
ar mikil og margvísleg not.
145