Tímarit lögfræðinga - 01.08.1986, Blaðsíða 65

5. gr. Verkefnanefnd skipar gerðardóm og velur einnig menn til að leysa
önnur þjónustuverkefni í samræmi við samþykktir þessar og gildandi reglur.
6. gr. Verkefnanefnd ákveður þóknun vegna starfa sinna við gerðarmál og
önnur þjónustuverkefni. Þóknun skal að jafnaði greiða þegar verki er lokið.
7. gr. Verkefnanefnd hefur endanlegt ákvörðunarvald um það hvaða verkefni
Lagastofnun tekur að sér og hvernig með þau verði farið.
8. gr. Verkefnanefnd fer með fjárreiður vegna starfsemi sinnar. Um fjármál
og reikningshald fer þó nánar skv. 4. mgr. 6. gr. rgl. nr. 190/1974.
GERÐARDÓMSREGLUR LAGASTOFNUNAR
HÁSKÓLA ÍSLANDS.
1. gr. Verkefnanefnd skipar gerðarmenn í einstökum málum.
2. gr. Enginn getur dæmt í máli á vegum gerðardómsins nema hann full-
nægi skilyrðum laga til að vera skipaður hæstaréttardómari. Þetta gildir þó
ekki um sérfróða gerðarmenn eða aðstoðarmenn, sbr. 4. gr. þessara reglna.
3. gr. Einn gerðarmaður dæmir gerðarmál hverju sinni. Verkefnanefnd get-
ur þó ákveðið að gerðarmenn geti verið fleiri en einn ef sameiginleg ósk
kemur fram um það frá aðilum gerðarmáls eða ef sérstakar ástæður mæla
með því.
Verkefnanefnd skal að jafnaði skipa þann eða þá í gerðardóm sem aðilar
hafa orðið ásáttir um, enda fullnægi sá gerðarmaður skilyrðum þessara
reglna.
4. gr. Verkefnanefnd getur skipað sérfróða menn í gerðardóm eftir ósk aðila
eða formanns gerðardóms. Sé ákveðið að skipa sérfróða gerðarmenn skal
að jafnaði skipa þá sem formaður gerðardóms mælir með. Sérfróðir gerð-
armenn starfa með þeim hætti sem segir um sérfróða meðdómsmenn í lög-
um nr. 85/1936, um meðferð einkamála í héraði.
í stað sérfróðra gerðarmanna getur Verkefnanefnd á sama hátt skipað
einn eða tvo sérfróða aðstoðarmenn við meðferð gerðarmáls. Þeir eru til að-
stoðar gerðarmönnum við sérfræðileg álitaefni en greiða ekki atkvæði við
úrlausn gerðarmáls.
5. gr. Verkefnanefnd semur um laun til gerðarmanna áður en þeir eru skip-
aðir. Þá ákvörðun má endurskoða að verkefni loknu. Sama gildir um sér-
fróða gerðarmenn eða aðstoðarmenn og matsmenn. Verkefnanefnd skal þó á-
vallt eiga endanlegt úrskurðarvald um fjárhæð þóknunar gagnvart gerðar-
mönnum og eins gagnvart aðstoðarmönnum og matsmönnum sem vinna
í þágu gerðardóms skv. reglum þessum. Aðilum gerðarmáls skulu veittar upp-
143