Morgunblaðið - 18.11.1986, Blaðsíða 53

MORGUNBLAÐIÐ, ÞRIÐJUDAGUR 18. NÓVEMBER 1986
53
Afmæliskveðja:
Bryndís Jónsdóttir
f orstöðumaður
í dag, 19. nóvember, er 60 ára
Bryndís Jónsdóttir forstöðumaður
sjúkrahótels Rauða kross íslands,
Skipholti 21. Bryridís er mikilhæf
kona, flölhæf í verkum og sálfræð-
ingur góður, með meðfædda hæfi-
leika á mörgum sviðum. Væri
óskandi að háskólagengið fólk væri
eins fjölhæft til verka og að láta
gott af sér leiða eins og Bryndís
Jónsdóttir hefur gert á sjúkrahóteli
Rauða krossins þau 12 ár sem sú
góða stofnun hefur starfað. Það
má segja með sanni að þar sé rétt
manneskja á réttum stað. Ég hef
oft verið þar smátíma og fólk kem-
ur oft á sjúkrahótelið illa á sig
komið af spítölum í Reykjavík og
víða utan af landsbyggðinni, oft
eftir miklar og stórar aðgerðir og
hjá sumum sjúklingunum er sál-
arlífið bágborið og svartsýnin mikil,
en eftir að sjúklingur er búinn að
vera nokkra daga fer honum dag-
batnandi, bæði á sál og líkama og
flestir sjúklingar fara ánægðir heim
til sín. Það eru góðir andar, sem
svífa yfir sjúkrahótelinu, og þessum
góðu öndum stjómar Bryndís með
sinni miklu fjölhæfni ásamt hinum
góðu starfsstúlkum sínum, sem
vinna þar mikil líknarstörf af skiln-
ingi, og öllum er þeim gefin
nærgætni og glaðværð við sjúkling-
ana. Allt er þetta starfsfólk
Bryndísar ósérmenntað að best ég
veit og margar konumar búnar að
vera síðan hótelið tók til starfa.
Bryndís ræður allt sitt fólk sjálf.
Ég var eina viku í september sl. á
áðurgreindri stofnun. Þá heyrði ég
á starfsfólki að það væri sárt yfir
því að nú væri búið að segja for-
stöðumanninum og þeim öllum upp
vegna þess að hótelið ætti að flytja
í stærra hús um áramótin (Fram-
sóknarhúsið). Ég sagði stúlkunum
það að þær skyldu ekki vera hrygg-
ar því það væri víst venja að segja
öllu fólki upp þegar ætti að skipta
um húsnæði og stækka stofnanir
og ég tryði ekki öðm enn að þær
verði allar ráðnar aftur og forstöðu-
maðurinn einnig, en konumar
svöruðu þá með alvörusvip að óviss-
an væri það versta. Ég bara vona
það og veit að hinir góðu og ráð-
deildarsömu menn Rauða kross
íslands, sem ráða þar og stjóma
þeirri líknarstofnun, ráði aftur
Bryndísi og starfsfólk hennar allt

saman, því að sjúklingamir vita það
best að ekki er hægt að fá betra
starfsfólk. Maturinn er heimilisleg-
ur og góður á sjúkrahótelinu enda
er allt heimatilbúið, allt kaffibrauð
og álegg er búið til af hinum eldri
konum er matbúa hinn fjölbreytta
mat.
Biyndís er fædd og uppalin á
Seyðisfirði. Foreldrar hennar voru
Torfhildur Sigurðardóttir og Jón
B. Sveinsson útgerðarmaður.
Bryndís vann hjá Landssíma íslands
á Seyðisfirði í mörg ár við skrif-
stofustörf og stjómaði hún
umdæmisskrifstofu þar. Einnig
vann hún á aðalskrifstofu LÍ í
Reykjavík við endurskoðun. Hún
starfaði einnig hjá Ferðaskrifstofu
ríkisins og rak Edduhótel í nokkur
sumur.
Bryndís er gift Valgeiri Guð-
mundssyni, miklum mannkosta-
manni sem kemur alls staðar góðu
til leiðar. Þau eiga §órar dætur, 2
giftar og famar að heiman og 2
enn í heimahúsum. Þau hjónin hafa
eignast 3 bamaböm, sem eru í
miklu dálæti hjá afa og ömmu, og
óskandi er að bamabömin og niðjar
þeirra líktust foreldmm sínum að
mannkostum, íjölhæfni og mann-
gæsku.
Ég óska Biyndísi Jónsdóttur allra
heilla i nútíð og framtíð. Lifið þið
heiðurshjónin og niðjar ykkar vel
og lengi.
Regína Thorarensen
eru öðrum fremur þægi-
legir og mjúkir, hafa
mikla aðlögunarhæfni og
hæfileika til að draga til
sín raka. Þessa jákvæðu
1

J ,

eiginleika sameina Mola
dömubindin sérlega vel.
Pau eru örugg en samt
fínnurðu varla fýrir þeim.
Pau sitja vel en sjást ekki.
Mola dömubindi
sem aðeins skýin
geta keppt við í
mýkt og þægindum.
Kristjánsson M.
Sími 12800
Oi
nJ
Tækifæristékkareikningur
...með allt í einu hefti!
Stighækkandi
dagvextir
Mun betri ávöxtun á veltufé.
Á TT-reikningi Verzlunarbankans Af innstæðu að kr. 10.000.- reiknast
eru vextir reiknaðir af daglegri stöðu 3% dagvextir.
reikningsins í stað lægstu stöðu hvers Af innstæðu umfram kr. 10.000.-
tíu daga tímabils. reiknast 8,5% dagvextir.
Þú færð einnig stighækkandi vexti Af umsaminni lágmarksinnstæðu
með hækkandi innstæðu og auk þess reiknast 10,0% dagvextir.
geturðu ákveðið að hafa mánaðarlega
lágmarksinnstæðu á reikningi þínum
og fengið þannig enn hærri vexti.
VŒZLUNflRBANKINN
-vótHtcimtóftéx!