Morgunblaðið - 19.06.1987, Blaðsíða 60

fg ?aef "UPAÍWTgíýíT
60 MORGUNBLAÐIÐ, FÖSTUDAGUR 19. JÚNÍ 1987
• Jóhann Ingi Gunnarsson
verður leiðbeinandi á nám-
skeiðinu um helgina.
Handbolti:
Þjálfara-
námskeið
um helgina
HSÍ efnir til tveggja nám-
skeiða fyrir handknattleiks-
þjálfara um helgina. Fyrra
námskeiðið verður á Akureyri
á morgun, 20. júnf, og það
seinna í Reykjavfk daginn eft-
ir. Leiðbeinendur verða
Jóhann Ingi Gunnarsson og
Dietrich Spathe.
Markmið námskeiðanna er
að kynna nýjungar í taekniþjálf-
un og nútímasóknarleik og er
þá tekið mið af leikaðferðum frá
síðustu heimsmeistarakeppni í
Sviss.
Jóhann Ingi Gunnarsson er
þjálfari Þýskalandsmeistara
Tusem Essen, sem kunnugt er,
og hann var valinn besti hand-
knattleiksþjálfari Vestur-Þýska-
lands 1987.
Dietrich Spathe er ritstjóri
tímaritsins Handballtraining,
menntar þjálfara fyrir þýska
handknattleikssambandið og
starfar fyrir IHF í sambandi við
þjálfaraefni og þjálfaramál.
Þeir sem áhuga hafa á að
taka þátt í námskeiðinu eru
beðnir að hafa samband við
skrifstofu HS( í dag og fyrir
hádegi á morgun.
í kvöld
ÞRÍR leikir verða í 1. deild
karla f knattspyrnu í kvöld og
tveir í 2. deild.
Víðir og ÍBK leika á Garðs-
velli, KA og Völsungur á
Akureyri og FH og Fram á
Kaplakrikavelli. í 2. deild leika
KS og Selfoss á Siglufirði og
Þróttur og Víkingur í Laugar-
dalnum.
í 1. deild kvenna verða tveir
leikir. KR og ÍA leika á KR-velli
og UBK og Stjarnan á Kópa-
vogsvelli. Allir leikirnir hefjast
kl. 20.00.
Sundmót í
Bolungarvík
BOLVÍKINGAR halda sundmót
helgína 20. og 21. júnf n.k. og
er það opið öllum og gefur
stig til bikarkeppni einstakl-
inga.
Keppt verður um 10 veglega
bikara sem byggingarfyrirtækið
J.E.F. í Bolungarvík gefur til
keppninnar. Keppt verður í 34
greinum.
Nánari upplýsingar gefur
Hugi Harðarson í síma
94-7381.
Sérstakir Ólympíuleikar þroskaheftra:
íslendingar hlutu
tíu gullverðlaun
í sundi á mótinu
Já, lesandi góður. Það er von
að þú veltir þessu fyrir þór þegar
þú lest þessar Ifnur. „Hvað eru
sórstakir Ólympfuleikar þroska-
heftra"?
Leikarnir voru fyrst haldnir í
Bandaríkjunum, þar sem nokkrir
milljónamæringar tóku sig saman
um að halda íþróttaleika fyrir
þroskahefta af sömu stærðar-
gráðu og venjulega Ólympíuleika.
Þróunin hefur orðið sú, að nú eru
haldnir samskonar leikar um allan
heim. í Bandaríkjunum hafa verið
stofnuð samtök fjársterkra aðila
sem áhuga hafa á þessu málefni
og er markmið samtakanna að fjár-
magna „sérstaka Ólympíuleika" í
sem flestum þjóðlöndum.
í ár var íslendingum í fyrsta
skiptið boðin þátttaka á leikum
sem þessum. Leikana átti að halda
í sumarparadís Breta á eyjunni
Wight við suðurströnd Bretlands.
Leikarnir eru opnir öllum og þar
sem engar lágmarkskröfur eru
gerðar um getu þátttakenda
ákváðu íþróttafélagið Gnýr á Sól-
heimum Grímsnesi og Iþróttafé-
lagið Ösp í Reykjavík að slá til og
taka þátt í þessum leikum.
Undirbúningur
hófst i mars
Undirbúningur hófst í byrjun
mars og var æft reglulega þrisvar
til fjórum sinnum í viku. Við æfðum
stíft bæði í sundi og frjálsum, og
einnig æfði íþróttafélagið Ösp tvö
lið í innanhússhokkí.
Jæja, nú var dagurinn stóri runn-
inn upp. Allir voru saman komnir
í nýju flugstöðvarbyggingunni að
morgni 8. maí og nú skyldi haldið
í hann. Ferðin gekk eftir áætlun
og við vorum komin á eyjuna kl.
17.00, þreytt en spennt og full
eftirvæntingar. Mótsstjórinn tók á
móti okkur, hlýlegur maður að
nafni Bob Foxall, sem sýndi okkur
staðinn sem við áttum eftir að
eyða þessari viku á. Þessi staður
er paradís á jörð, þar sem allt var
til alls. Hver þátttakandi hafði t.d.
sérherbergi með baði og í öllum
herbergjum var sjónvarp. Þar var
stór og mikill samkomusalur og
risastór matsalur þar sem jafnvel
morgunmaturinn var fjórréttaður
og þjónar á hverju strái. Við vorum
vægast sagt orðlaus. Öll dagskrá
var ævintýri líkust, skemmtanir
hvert kvöld og það engar smáveg-
is skemmtanir. Eitt kvöldið var
haldið „karnivar á strandlengju
þarna í grenndinni, með hljóm-
sveitum, alls kyns uppákomum og
klukkustundar langri flugeldasýn-
ingu í lokin. Annað kvöld kom Elvis
Presley nokkur frá London og
skemmti. Hið þriðja var ekkert
minna en sirkus og svona mætti
áfram telja.
Dagarnir voru heldur ekki síðri.
Ef ekki var verið að keppa var
boðið upp á dagskrá eins og t.d.
siglingar, kanó-róður, keilu, reið-
mennsku, klettaklifur og margt
fleira. Þeir sem svo ekki nenntu
því gátu einfaldlega lagst í sólbað
við sundlaugina eða niðri á strönd-
inni. Af öllu þessu má sjá að ekki
var mínúta aflögu til að láta sér
leiðast eða fá heimþrá.
• íslenska liðíð f sundi vann 10 gullverðlaun, 6 silfurverðlaun og 7
bronsverðlaunn á mótinu.
• Hópurinn frá íþróttafélaginu Ösp sem fór til Englands og tók þátt í Ólympíuleikum þroskaheftra í maí
í vor.
Góður árangur
í sundi
[ fyrstu vorum við ekki vongóð
um mikinn árangur, miðað við að
við þreyttum keppni við 2200 aðra
þátttakendur. En gæfuhjólið fór að
snúast og peningunum rigndi inn.
Árangur okkar í sundi vakti at-
hygli, enda fengum við í þeirri grein
10 gull, 7 silfur og 6 brons, og í
frjálsum íþróttum fengum við 4
gull, 6 silfur og 7 brons, sem þótti
mjög gott. Rúsínan í pylsuendan-
um var þó að A-lið Asparinnar
varð ólympíumeistari í innanhúss-
hokkí — sannarlega glæstur
árangur, sérstaklega vegna þess
hve ung íþróttagreinin er hér
heima.
Á þessu má sjá að íslendingar
eiga stórgott keppnisfólk í röðum
þroskaheftra sem á fullt erindi á
leika sem þessa.
Nú er að sjálfsögðu mikill hugur
í mönnum og þegar stefnt á að
sækja aðra Olympíuleika sem
fyrst. Draumurinn er þó sá að geta
staðið að samskonar leikum hér
heima.
Að lokum viljum við þakka öllum
þeim sem gerðu þessa ferð okkar
að veruleika.
Guðjón Sigmundsson og
RagnhMdur Jónsdóttir.
1