Morgunblaðið - 19.06.1987, Blaðsíða 62
62
MORGUNBLAÐIÐ, FÖSTUDAGUR 19. JÚNÍ 1987
Flugleiðamót FRÍ:
Sterkasta mót sumars-
ins í frjálsíþróttum
FLUGLEIÐAMÓT FRÍ í frjáls-
iþróttum verður haldið á frjáls-
íþróttavellinum í Laugardal laug-
ardaginn 20. júní. Keppni hefst
klukkan 16.30 er hlauparar f
Ólympfuhlaupi FRÍ og Ólympíu-
nefndar íslands verða ræstir af
stað, en fyrstu greinar á mótinu
sjálfu hefjast kl. 16.40.
Flugleiðamótið verður líklega
eitt allra sterkasta frjálsíþróttamót
sumarsins á ísiandi. Þar munu
keppa allir helztu frjálsíþrótta-
menn landsins, m.a. spjótkastar-
arnir Einar Vilhjálmsson og
Sigurður Einarsson, sem munu
heyja einvígi um landsliðssæti og
kringlukastararnir Vésteinn Haf-
steinsson og Eggert Bogason,
sem sömuleiðis heyja einvígi um
Síðasti mögu-
leiki á lands-
liðssæti
FLUGLEIÐAMÓTIÐ er síðasti
möguleikinn til að komast f frjáls-
íþróttalandsliðið, sem tekur þátt
f Evrópubikarkeppninni f frjáls-
fþróttum f Portúgal 27.-28. júnf
næstkomandi.
Ljóst er hverjir keppa þar í
mörgum greinum, en Flugleiðamó-
tið er úrtökumót fyrir landsliðið í
eftirtöldum greinum: Karlar: 100
metrar, 800 metrar, 3.000 m hindr-
unarhlaup, spjótkast, kringlukast,
langstökk. Konur: 100 metrar,
kringlukast. Að móti loknu verða
landslið karla og kvenna, sem
keppa í Evrópubikarkeppninni í
Portúgal, endanlega valin.
landsliðssæti.
Þá keppir Ragnheiður Ólafs-
dóttir, sem sett hefur hvert ís-
landsmetið í millilengda- og
langhlaupum í vor, á mótinu.
Sömuleiðis Helga Halldórsdóttir,
sem setti fslandsmet í 400 metra
hlaupi á dögunum, en hún mun
keppa við Oddnýju Árnadóttur,
fyrrverandi methafa.
Ennfremur er Oddur Sigurðs-
son, Norðurlandamethafi í 400
metra hlaupi, kominn heim frá
Bandaríkjunum. Keppir hann í 100
og 400 metra hlaupum á Flugleiða-
mótinu, m.a. við Jóhann Jóhanns-
son og Aðalstein Bernharðsson.
Jafnframt mun Pétur Guð-
mundsson reyna að ná lágmarki á
heimsmeistaramótið í kúluvarpi,
en hann hefur nálgast það að und-
anförnu og þykir til alls líkegur.
Pétur hefur varpað 18,63 m í sum-
ar og er lágmarkið 19,00 metrar.
Auk þessara mætti nefna fjölda
annarra ágætra afreksmanna, s.s.
hástökkvarana Þórdísi Gísladóttur,
Unnar Vihjálmsson, írisi Grönfeldt
sem keppir í spjótkasti, og stang-
arstökkvarana Sigurð T. Sigurðs-
son og Kristján Gissurarson. Þá
má búast við rimmu í kúluvarpi
kvenna, milli Guðbjargar Gylfa-
dóttur og Soffíu Gestsdóttur, sem
háð hafa hvert sentimetrastríðið
af öðru í vetur og vor.
Á mótinu verður keppt í 20
greinum og verða íslandsmet-
hafarnir í þeim flestum í hópi
keppenda. Af upptalningunni hér
að framan má ráða að Flugleiða-
mótið verður líklega annað sterk-
asta frjálsíþróttamót á íslandi
þetta árið. Ætti það að geta orðið
jafnsterkt og Afmælismót FRI 8.
og 9. ágúst, en þá keppa frjáls-
íþróttalandsliðin, tveir í grein, við
landslið Vestur-Noregs og Lúxem-
borgar.
Ókeypis fyrir
14ára og yngri
Frjálsíþróttasambandið hefur
ákveðið að gefa ungmennum kost
á því að kynnast skemmtilegri og
spennandi frjálsíþróttakeppni á
einu sterkasta frjálsíþróttamóti
ársins með því að bjóða öllum 14
ára og yngri ókeypis aðgang að
Flugleiöamótinu. Aðgangur fyrir
15 ára og eldri verður 300 krónur.
Eins og að framan segir hefst
keppni á Flugleiðamótinu klukkan
16.40 og lýkur um 18.10. Er því
boðið upp á sterkt hálfrar annarrar
stunda mót í Laugardal á laugar-
dag. Ætti að vera ástæða til að
hvetja sem flesta íþróttaunnendur
til að leggja leiö sína á völlinn.
Tímaseðill
16.30 Ólympfuhlaup FRl og ólymptu-
nefndar l'slands.
16.40 100mkarlaB-hlaup, langstökk
karla, hðstökk karla, stangar-
stökk, spjótkast kvenna.
16.45 100mkarlaA-hlaup.
16.50 100 m kvenna B-hlaup, kúluvarp
karla, krlnglukast kvenna
16.55 100 m kvenna A-hlaup.
17.05 ðOOmhlaupkarla.
17.10 1500mhlaup karla, spjótkast
karla.
17.20 1500 m hlaup kvenna, langstökk
kvenna.
17.25 Há8tökk kvenna, kúluvarp
kvenna.
17.30 400 m hlaup kvenna.
17.40 400 m hlaup karla, krlngla karla.
17.45 3000 m hindrunarhlaup.
18.05 HOmgrindahlaup.
Einar Vilhjálmsson.
Flugleiðamótið:
Einvígi Einars
og Sigurðar um
landsliðssæti
EINAR Vilhjáimsson og Sigurður
Einarsson munu gera það upp
sín á milli á Flugleiðamóti FRl á
laugardag, 20. júní, hvor þeirra
kemst f landsliðið í frjálsíþróttum,
en það keppir í Evrópubikar-
keppninni í Portúgal 27.-28. júní
næstkomandi.
Einar og Sigurður hafa kastað
spjótinu svipaö á þessu ári. Einar
kastaði 79,24 á móti í Laugardal
á dögunum og Sigurður hefur kast-
að 78,70, en báðir eiga aðeins
betri árangur frá í fyrra. Báðir hafa
æft af mikilli kostgæfni í vetur með
heimsmeistaramótið í Róm í
ágústlok í huga.
Einvígi Einars og Sigurðar ætti
að geta orðið einn af hápunktum
Flugleiðamóts FRÍ, en þeir eru
báðir í hópi 30 beztu spjótkastara
heims. Báðir myndu sóma sér
mjög vel í Evrópubikarkeppninni í
Portúgal um aðra helgi og hvor
sem verður fyrir valinu er mjög
sigurstranglegur þar. Sýnir það
styrkleika íslendinga í spjótkasti
að þessir miklu afreksmenn skuli
þurfa að heyja einvígi um hvor
þeirra kemst í landsliðið.
Abdul-Jabbar leikur áfram með Lakers:
Færjafnvirði
195 milljóna
fyrir tveggja
ára samning
KAREEM Abdul-Jabbar, hinn frá-
bæri miðherji Los Angeles
Lakers-liðsins f körfuknattleik,
hefur gert nýjan samning við liðið
og leikur með þvf f tvö ár til við-
bótar. Jabbar, sem er fertugur
að aldrei, stóð sig mjög vel í úr-
ÞRÍR leikir verða f 1. deild karla
í knattspyrnu f kvöld, þar af tveir
„derby“-leikir. Á Akureyri leika
KA og Völsungur, f Garðinum
Víðir og ÍBK og í Hafnarfirði FH
og Fram. Ailir hefjast leikirnir kl.
20.00.
Tveir leikir eru á dagskrá í 1.
deild kvenna. Á KR-velli mætast
KR og ÍA og á Kópavogsvelli eig-
ast við Breiðablik og Stjarnan úr
Garðabæ. Þessir leikir hefjast á
sama tíma og karlaleikirnir, kl.
20.00.
Tveir leikir eru á dagskrá í 2.
deild karla. Á Siglufirði leika lið KS
og Selfoss og á Laugardalsvelli
eigast við Reykjavíkurfélögin Þrótt-
ur og Víkingur. Þessir leikir hefjast
einnig kl. 20.00.
slitakeppninni á dögunum er
Lakers tryggði sér sigur í NBA-
deildinni; vann þar með „heims-
meistaratitilinn" eins og
Bandarikjamenn kalla það.
Jabbar fær fimm milljónir
Bandaríkjadala fyrir þennan
tveggja ára samning. Það jafngild-
ir tæpum 195 milljónum íslenskra
króna. Fyrir hvort ár fær kappinn
því um 97 og hálfa milljón króna;
og fyrir þá sem vilja hafa þetta
nákvæmara er það ríflega 8,1 millj-
ón á mánuði eða um 270 þúsund
krónur á dag, sem þýðir að fyrir
hverja klukkustund, allan sólar-
hringinn, hefur hann 11.250
krónur. Það gerir 1.875 krónur á
mínútuna eða rúma 31 krónu í laun
á sekúndu!
Ein ástæða þess að Jabbar held-
ur áfram að spila er að hann hefur
glatað gífurlegum fjárhæðum, sem
hann hafði lagt í fjárfestingar af
ýmsu tagi. Fyrrum umboðsmaður
hans fjárfesti á það óviturlegan
hátt að peningarnir töpuðust og
hefur Jabbar nú lögsótt þennan
fyrrum umboðsmann sinn og
krefst 56 milljóna dala i skaðabæt-
ur. Jabbar á þó enn djass-hljóm-
plötufyrirtæki, sem hann rekur.
„Ætla að reyna við
nýtt heimsmet“
- segir Robert Walters sem hefur haldið
knetti á lofti f 13,2 klukkustundir
ENGLENDINGURINN Robert
Walters hefur haldið fótbolta á
lofti í 13 klukkustundir og 2
mínútur, án snertingar við
jörðu, og átti heimsmetið í
þessari sérstæðu íþróttagrein
þar til fyrir rösku ári.
Þessi 23 ára Englendingur er
nú kominn til íslands og sýndi
listir sínar í miðborg Reykjavíkur
í gær. Hann átti reyndar að sýna
á stórleiknum í Laugardal á 17.
júní, en náði ekki til landsins í
tæka tíð.
Robert Walters lék með enska
liðinu Birmingham þegar hann
var strákur. Hann hefur nú alfar-
ið snúið sér að þessari íþrótta-
grein og hefur stundað hana í
fjögur ár.
„Ég æfi mig tvo til þrjá tíma á
dag og mun reyna við nýtt heims-
met í ágúst. Núverandi heims-
methafi er sænskur og heitir
Marko Panquist. Hann hélt bolt-
anum á lofti í 14 klukkustundir
og 10 mínútur. Ég veit um marga
sem eru að reyna við metið. Það
stendur til að halda mót í Banda-
n'kjunum þar sem mönnum
verður smalað saman og látnir
reyna sig í keppni og þá fæst úr
því skorið hver sé bestur."
Walters sýndi blaðamanni list-
ir sínar í Austurstræi í gær. Það
var greinilegt á öllu að þar fór
maöur sem kunni að fara með
bolta. Hann lét boltann sitja á
höfðinu, öxlunum og jafnvel aft-
urendanum, tók hann á hælinn
og vippaði honum framfyrir sig
eins og ekkert væri.
Walters mun sýna listir sínar
fyrir framan Sportval á Laugavegi
í dag.