Morgunblaðið - 10.03.1988, Page 31

MORGUNBLAÐIÐ, FIMMTUDAGUR 10. MARZ 1988
31
Azerbajdzhan;
t
Reuter
Fjórir farast í fellibyl
Fjórir hafa látið lífið og yfir tvö þúsund manns hafa þurft
að yfirgefa heimili sín vegna fellibylsins Bola, sem gekk yfir
Norðurey í Nýja Sjálandi þriðja daginn í röð í gær. Að sögn
lögregluyfirvalda er fimm saknað til viðbótar, þar á meðal
konu og tveggja barna, og litlar líkur eru taldar á að þau finn-
ist á lífi. Bóndi drukknaði fyrir norðan Auckland og þrír
menn létust á austurströnd eyjarinnar þegar flóð hreif bifreið
þeirra með sér. Lýst hefur verið yfir neyðarástandi á nokkrum
svæðum. Samgöngur um Norðureyju stöðvuðust og á nokkrum
stöðum fuku þök af húsum og rafmagnslínur fuku niður.
Eldflaugaárásir Iraka og Irana:
Sovétmenn viður-
kenna að hafa sent
*
Irökum flaugar
Moskvu, Baghdad, Nikósíu, Reuter.
ÍRAKAR og íranir tilkynntu að frekara mannfall hefði orðið í
Baghdad og Teheran í gær, þegar eldflaugaárásir þeirra héldu
áfram. Háttsettir embættismenn sovésku stjórnarinnar viður-
kenndu í gær að Sovétmenn hefðu útvegað Irökum eldflaugar,
en þeir sögðu hins vegar að þær hefðu ekki getað dregið til Teher-
an eins og þær hefðu verið, þegar þær voru sendar.
Sovésku embættismennirnir
sögðu á blaðamannafundi að ef
gerðar hefðu verið endurbætur á
eldflaugunum, til að gera þær
langdrægari, væri það brot á
samningi íraskra og sovéskra
stjómvalda. „Við sendum írökum
skammdrægar eldflaugar, en þær
drógu ekki nógu langt til að kom-
ast til Teheran,“ sagði Vsevolod
Oleandrov, deildarstjóri við so-
véska utanríkisráðuneytið.
Gennadí Gerasímov, talsmaður
sovéska utanríkisráðuneytisins,
sagði að Sovétmenn hefðu útvegað
írökum flaugamar með skilyrðum,
sem meðal annars fælu í sér að
endurbætur væru ekki heimilar.
„Við gáfum aldrei leyfi til þess að
þær yrðu gerðar langdrægari,“
sagði Gerasímov.
Embættismennirnir vildu ekki
upplýsa hvenær eldflaugarnar
hefðu verið sendar eða hvort Sov-
ERLENT
étmenn héldu áfram að útvega
írökum flaugar. Oleandrov sagði
að flaugamar hefðu verið sendar
vegna samnings íraskra og so-
véskra stjórnvalda um hernaðars-
amvinnu. „Við stöndum við skuld-
bindingar okkar.“_ Hann fordæmdi
árásir írana og íraka á óbreytta
borgara, og bætti við að engar
ráðstafanir væri hægt að gera til
að tryggja að eldflaugum væri
beitt gegn hemaðarmannvirkjum.
Þúsundir Irana tóku þátt í mót-
mælaaðgerðum við sovéska sendi-
ráðið í Teheran á sunnudag eftir
að íranskir embættismenn höfðu
haldið því fram að Sovétmenn
hefðu útvegað írökum eldflaugar
sem notaðar væru til árása á
íbúðahverfi í Teheran. Sovésk
stjómvöld neituðu þessum ásökun-
um harðlega og mótmælti aðgerð-
unum við sendiráðið, sem þau
sögðu hafa stofnað sendiráðs-
mönnum í hættu.
írakar skutu tveimur eldflaug-
um á Teheran á miðvikudag og
gerðu loftárásir á sjö aðrar borgir
í íran, sem ollu miklu tjóni. íranir
skutu einni eldflaug á Baghdad,
sem lenti í íbúðahverfi, og írönsk
orrustuþota gerði sprengjuárás á
arabasvæðið í norðurhluta íraks.
írakar hafa skotið meira en 50
eldflaugum á íranskar borgir, að-
allega Teheran, og íranir um 30
flaugum á íraskar borgir.
Irakar gerðu einnig árás á olíu-
skip frá Kýpur í Persaflóa í gær,
en skipið skemmdist ekki mikið.
Atökin í Sumgajt kost-
uðu 32 menn lífið
Moskvu. Reuter.
ÞRJÁTÍU og tveir menn að
minnsta kosti létu lífið í óeirðun-
um í borginni Sumgajt í Az-
erbajdzhan og er haft eftir vitn-
um, að fólk af armensku bergi
brotið hafi fyrst og fremst orðið
fórnarlömb ofbeldisins.
Gennadíj Gerasímov, talsmaður
sovéska utanríkisráðuneytisins,
skýrði frá þessu á blaðamannafundi
í gær og upplýsti ennfremur, að
útgöngubanni, sem var sett á 29.
febrúar, væri enn framfylgt.
Armenar í Sumgajt og þeir, sem
komið hafa þaðan til Moskvu, segja,
að hópar Azerbajdzhana hafi farið
um borgina og elt uppi og drepið
Armena. Fyrir utan Armensku
kirkjuna í Moskvu söfnuðust saman
um 300 manns og þar sögðu nokkr-
ir gamlir menn frá því grátandi,
að Armenar í Sumgajt hefðu verið
fluttir í opinberar byggingar .til að
þeir yrðu ekki drepnir.
„í okkar þorpi drap lýðurinn fjóra
menn. Ég veit ekki hvernig við
komumst burt,“ sagði einn mann-
anna og annar sagði frá morðum,
ránum og nauðgunum. „Þeir myrtu
tvo unglinga."
EINSTAKT
TÆKIFÆRI!
í^egar Bangsi Bestaskinn syngur og talar, lifnar
hann við, því bæði munnurinn og augun hreyfast.
Honum fylgir snælda með skemmtilegu ævintýri
og falleg myndabók, til að skoða. Vegna mjög
hagstæðra samninga, getum við nú boðið nokkur
eintök af Bangsa Bestaskinni á sérlega góðu verði.
2.940,
Sendum í póstkröfu um allt land
V/SA
SKIPHOLT119
SÍMI29800