Morgunblaðið - 23.08.1988, Blaðsíða 7
MORGUNBLAÐIÐ, ÞRIÐJUDAGUR 23. ÁGÚST 1988
7 i
Morgunblaðið/Amór
Kristín Hreiðarsdóttir ásamt nokkrum af yngri gestunum i veizlunni.
Margt um manninn í
aldarafmæli í Garði
Garði.
FJÖLMENN afmælisveizla var
haldin í Samkomuhúsinu sl.
föstudag. Frú Kristin Hreiðars-
dóttir hélt þar upp á aldaraf-
mæli sitt með pomp og pragt og
kom vel á annað hundrað manns
í veizluna. Kristín býr nú á
Hrafnistu i Hafnarfirði og þótt
hún hafi búið í Garðinum i yfir
60 ár þá hóf hún einmitt sinn
búskaparferil í Hafnarfirði 1914.
Kristínu barst mikið af blómum
og gjöfum og þrátt fyrir að minni
hennar sé farið að dofna gekk hún
um salinn og heilsaði upp á fólkið.
Þegar líða tók á kvöldið var farið
að draga af afmælisbarninu enda
var þetta önnur afmælisveizlan sem
hún sat sama daginn sér til heið-
urs. Annasömum degi var lokið eins
og svo mörgum á hennar lífsferli.
Niðjar Kristínar Hreiðarsdóttur og
Odds Jónssonar eiginmanns hennar
sem lézt 1977 eru orðnir 79.
Arnór
Mikil veiði
í Leirvogsá
Veiðin í Leirvogsá hefur verið
hreint stórkostleg í allt sumar,
hún hófst með góðri veiði 25. júní
og hefur varla slotað síðan. Óhætt
er að tala um risagöngur í júlí
og fram í ágúst. Nú eru komnjr
um 800 laxar á land úr ánni sem
er metveiði og enn verður bætt
við, því veitt er fram eftir septem-
ber og nokkuð mun vera af laxi
í ánni þrátt fyrir moksturinn. Eitt-
hvað lítið hefur komið af nýjum
físki síðustu daga. Um skeið var
meðalveiði á stöng í Leirvogsá-
ánni 7,5 fiskar á dag sem var
sambærilegt við Laxá á Ásum eða
mjög nærri því. Það segir alla
söguna. Meðalveiðin er nú dottin
aðeins niður fyrir 7 laxa. Laxinn
hefur yfírleitt verið smár, 4 til 6
pund og einhver brögð ku hafa
verið af því að eldislaxar hafi
slæðst með í aflann.
Rólegheit í Langá
Heldur róleg veiði hefur verið
í Langá upp á síðkastið og áin
farin að þverra þrátt fyrir rómaða
vatnsmiðlun. Þó eru komnir milli
1100 og 1200 laxar á land úr
ánni, þökk sé góðri júlíveiði, og
ef hagstætt veiðiveður ríkir þenn-
an lokasprett veiðitímans, þá
gæti veiðin náð e.t.v. 1600 til
1700 löxum, því það er mál manna
að mikill lax sé í ánni, alls staðar
og meira t.d. á Fjallinu heldur en
sést hefur þar í áraraðir. Það
hefur vantað þessa stöku risalaxa
í ána í sumar, en fáeinir 16 til
18 punda fískar haldið uppi flaggi
stórlaxanna.
Hægist um í Selá
„Menn láta vel af þessu í Sel-
ánni, það er talsvert af laxi, en
hefur hægst aðeins um veiðina.
Þó eru komnir á níunda hundrað
laxar á land,“ sagði Hörður
Óskarsson Strengsmaður í sam-
tali við Morgunblaðið í gærdag.
Niðursveiflan er byijuð í Selá,
reyndir telja að hún muni fara
eitthvað jrfír 1000 laxa í sumar,
en öll merkin séu til staðar, mun
minni fískur sé nú en í fyrra.
Menn hafa séð þetta gerast áður.
Hörður sagði aflanum nokkuð
misskipt í ánni upp á síðkastið,
reyndir og kunnugir menn veiddu
gjarnan obbann af veiðinni en
þeir lítt reyndari fengju jafn vel
lítið eða ekkert.
Dauf Laxá í Aðaldal
Heldur róleg veiði hefur verið
í Laxá í Aðaldal lengst af í sum-
ar, en fáeinar hrotur hafa bjargað
andliti þessarar miklu laxveiðiá
sem hefur verið gruggug af leir-
losi bróðurpart veiðitímans.
Komnir munu milli 1800 og 1900
laxar á land og eru menn að vona
að veiðin leki í 2000, en það er
aðeins veitt fram í fyrstu daga
september. Tveir 26 punda laxar
hafa veiðst og nokkrir um og yfír
20 pund, annars hefur verið lítið
af þeim stóru í ánni í sumar eins
og reyndar víðar.
Bandaríkin:
Geisladiskur með ís-
lenskum kontrabassa
Arni Egilsson
ÁRNI Egilsson leikur verk eft-
ir Þorkel Sigurbjörnsson,
Charles Whittenberg og sjálfan
sig á geisladiski sem út kom í
Bandaríkjunum í upphafi mán-
aðarins.
. Verk Þorkels Sigurbjömssonar
„Niðu_r“ er flutt af Sinfóníuhljóm-
sveit íslands undir stjórn Vladim-
irs Ashkenazís. Ami Egilsson leik-
ur einleik á kontrabassa í verkinu.
Á geisladiskinum leikur Árni verk
af tuttugu ára' tímabili af ferli
sínum, frá 1968 til þessa árs, en
sjálfur samdi hann tvö verkanna
í janúarmánuði síðastliðnum.
„Öðrum þræði gefur alþjóðlegt
þing kontrabassaleikara sem hald-
ið verður hér í Los Angeles í haust
ágætt tilefni til útgáfu disksins,"
segir Ámi. „Verk Þorkels er fyrsti
og eini íslenski kontrabassakon-
sertinn og mér vitanlega eitt af
fáum íslenskum verkum sém Ash-
kenazí hefur stjómað flutningi á.
Annað verkið eftir mig er samið
fyrir píanó og kontrabassa, hitt
fyrir hljóðgervil og'kontrabassa.
Verk Whittenbergs er eitt af þeim
fyrstu sem samin vora fyrir segul-
band.“
Honda CBR 1000, kostar nú kr. 545.000- (kostaði áður kr. 585.000-)
Honda XR 600R, kostar nú kr. 318.000- (kostaði áður kr. 345.000-)
Örfá hjól
til afgreiðslu strax.
HONDA Á ÍSLANDI, VATNAGÖRÐUM 24, RVÍK., SÍMI 689900
CBR 1000
HJOUNM
AT1LBOÐS.. VERÐi