Morgunblaðið - 30.08.1988, Síða 51

MORGUNBLflÐIÐ, ÞRIÐJUDAGUR 30. ÁGÚST 1988
Morgunblaðið/Jónas Sigurðsson
Bakararnir í nýja bakaríinu á Patreksfirði, frá vinstri: Óskar Haf-
steinsson, Friðrik Magnússon og Kristján Skarphéðinsson eigandi
bakarísins.
Bakarí opnar á Patreksfirði
Patreksfirði.
BAKARÍ hefur nýlega verið opn-
að á Patreksfirði og er það til
húsa við Þórsgötu hér i bæ.
Kristján Skarphéðinsson bakari
er eigandi bakarísins og kvaðst
hann í samtali við Morgunblaðið
vonast til að geta sinnt sunnan-
verðum Vestfjörðum í framtíðinni
með kökur og brauð.
Rafn Hafliðason bakari, sem áð-
ur sá um bakstur hér á Patreks-
firði, hyggst snúa sér eingöngu að
verslunarrekstri og stefnir að því
að opna matvöruverslun í húsnæði
því sem áður var bakað í. Mun það
væntanlega auka vöruúrval og
þjónustu við íbúa staðarins þar sem
nú er einungis ein matvöruverslun
á staðnum, Kjöt og fískur, eftir að
KVB varð gjaldþrota á síðasta ári.
- Fréttaritari
Ölvaður ók á ljósastaur
HÁLFSEXTUGUR maður, sem
grunaður er um ölvun, stór-
skemmdi BMW-bifreið sína þeg-
ar hann ók á ljósastaur í TÚn-
brekku i Kópavogi, um klukkan
1 aðfararnótt föstudagsins.
Manninn sakaði ekki.
Lögreglumenn urðu mannsins
varir þar sem hann ók yfir gang-
stétt á Smiðjuvegi og hugðust þeir
kanna ástand hans. Þegar maður-
inn varð lögreglunnar var ók hann
á brott á mikilli ferð og missti lög-
reglan af honum á Nýbýlavegi.
Fáum mínútum síðar var lögreglu
tilkynnt að ekið hefði verið á ljósa-
staur og var þ'ar um sama bíl að
ræða. Að sögn lögreglu var maður-
inn áberandi ölvaður. Bíllinn er tal-
inn ónýtur. Þetta er 103. ölvaði
ökumaðurinnn sem Kópavogslög-
regla hefur afskipti af á árinu.
51
Mosfellsbær:
Undirgöng og hringtorg
á Yesturlandsvegi
Páll Guðjonsson bæjarstjon í Mosfellsbæ. I bakskýn má sjá fram-
kvæmdimar við undirgöngin.
FRAMKVÆMDIR við gerð und-
irganga og tveggja hringtorga
á Vesturlandsvegi, þeim hluta
er liggur i gegnum Mosfellsbæ,
eru nú i fullum gangi. Vega-
gerð ríkisins sér um fram-
kvæmdirnar, en þær eru gerðar
að ósk bæjaryfirvalda i Mos-
fellsbæ. Tilgangurinn með
hringtorgunum er að draga úr
ökuhraða þeirra er keyra í
gegnum bæinn og undirgöngin
eru fyrir gangandi vegafarend-
ur sem þurfa að komast yfir
Vesturlandsveg við Brúarland.
Á undanfömum árum hafa orð-
ið þrjú banaslys og nokkur meiri-
háttar slys á þeim hluta Vestur-
landsvegar er liggur gegnum
Mosfellsbæ. Vegurinn er í þjóð-
braut, umferð oft mikil og sömu-
leiðis ökuhraði, að sögn Páls Guð-
jónssonar bæjarstjóra í Mosfells-
bæ. Það hefur verið bæjarbúum
og -yfírvöldum kappsmál að eitt-
hvað yrði gert til að draga úr
slysahættunni og auka öryggi
bæjarbúa. Böm og unglingar sem
búa í Teiga- og Helgafellshverfi
þurfa oft að fara yfír veginn,
þangað sem þau sækja skóla,
íþróttaæfíngar og í félagsmiðstöð-
ina. Með tilkomu undirganga við
Brúarland þurfa þau ekki lengur
að fara yfír þjóðveginn. Undir-
göngin eru ætluð bæði gangandi
og hjólandi vegfarendum, sagði
Jón Ásbjömsson byggingatækni-
færðingur hjá Mosfellsbæ, og
ríðandi hestamönnum.
Hnngtorgin sem um ræðir em
tvö. Á gatnamótum Vesturlands-
vegar og Langatanga vestast í
bænum og um 200 m austan við
undirgöngin á gatnamótum Vest-
urlandsvegar og Álafossvegar.
Páll Guðjónsson bæjarstjóri sagði
að með tilkomu hringtorganna
ætti að draga úh hraða þeirra
ökutækja sem leið eiga í gegnum
bæinn, en hann væri nú of mik-
ill. Umferð myndi samt haldast
stöðug öfugt við það sem gerist
þegar ljós em sett upp á gatna-
mótum. Umferðljós verða þó sett
upp síðar á gatnamótum Vestur-
landsvegar, Reykjavegar og Þver-
holts þar sem oft er erfítt að kom-
ast inn á Vesturlandsveginn þegar
umferð er mikil. Vegagerð ríkisins
sér alveg um framkvæmdimar þar
sem Vesturlandsvegur er þjóðveg-
ur. Búist er við að hægt verði að
taka hringtorgin og undirgöngin
í notkun í byijun október.
Bærinn sjálfur stendur í mikl-
um framkvæmdum ekki langt frá
undirgöngunum. Þar er nú í full-
um gangi undirbúningur fyrir
Landsmót ungmennafélaganna
sem haldið verður i í Mosfellsbæ
árið 1990. Ætlunin er að koma
upp fullkominni aðstöðu fyrir
frjálsíþróttafólk við íþróttavöllinn
í bænum fynr þann tíma, sagði
bæjarstjóri. Áætlaður kostnaður
við allar þær framkvæmdir er, að
hans sögn, nálægt 100 milljónum
króna. Þar er innifallið lagning
hlaupabrautar, áhorfendapallar,
gróðursvæði skammt frá íþrótta-
svæðinu og tjaldstæði.
Twisted Sister®
HA USTVORUR
SUBWAY
EXCLUSIVE LEATHER FBOV
J. TAVERNITI
SPINASH
TONSURTON
PAOLA FERRARI
MADt IN rTALV
GIORGIO FERRARI
MAD€ IN ÍTAIY
Kringlan s. 689017
Laugavegi s. 17440