Morgunblaðið - 30.08.1988, Síða 61

MORGUNBLAÐIÐ, ÞRIÐJUDAGUR 30. ÁGÚST 1988
61
Nýja flæðilínan í hraðfrystihúsi Tanga hf. á Vopnafirði.
Akranes:
Þorgeir og Ellert hf. framleið-
ir flæðilínur fyrir frystihús
Akranesi.
HJÁ Þorgeiri og Ellert hf. á
Akranesi er unnið að smíði flæð-
ilína fyrir frystihús sem skapar
mikla vinnuhagræðingu og aukin
afköst. Það eru tæp tvö ár síðan
þessi framleiðsla hófst og nú
þegar hefur búnaðurinn verið
settur upp í sex frystihúsum og
nú er unnið að smíði í það sjö-
unda.
Það er Ingólfur Árnason rekstr-
artæknifræðingur hjá Framleiðni
sf. sem hannaði þessa nýjung og
fyrsta línan var sett upp í hrað-
frystihúsi Kaupfélags Austur-
Skaftfellinga á Hornafirði. Sú
flæðilína er fyrir 14 starfsmenn og
allir flutningar til og frá starfs-
mönnunum eru á færiböndum.
Fljótlega kom í ljós að vinnuhag-
ræðing var mikil í frystihúsinu frá
því sem áður var og var því bætt
við einni línu til viðbótar ásamt því
að settur var niður fjöldi af færi-
böndum til að tengja saman
vinnslurásina.
Gunnlaugur Magnússon hjá Þor-
geiri og Ellert hf. segir að eftir að
komin var reynsla af flæðilínunni á
Homafirði hafi menn séð að vinnu-
hagræðing í frystihúsinu var með
ólíkindum mikil og hafi því verið
hafin framleiðsla fyrir alvöru fyrir
u.þ.b. ári. Sjö menn starfa eingöngu
við þessa framleiðslu og nú þegar
hafa verið smíðaðar flæðilínur fyrir
frystihús KEA í Hrísey og Tanga
á Vopnafirði, frystihús Kaupfélags
Héraðsbúa á Reyðarfirði, Sjóla-
stöðina í Hafnarfirði og fyrir frysti-
húsið á Hofsósi. Einnig hefur verið
smíðuð rafmagnsstjómtafla með
hraðastýringum fyrir færibönd í
húsin á Reyðarfirði og Hofsósi. Nú
er unnið að smíði flæðilínu fyrir
frystihús Fiskiðjusamlags Húsvíkur
og er gert ráð fyrir því að hún verði
sett upp í haust. Gunnlaugur sagði
að ýmsar lagfæringar hefðu verið
gerðar frá því fyrsta flæðilínan var
framleidd og hafi stálsmiðir fyrir-
tækisins ásamt tæknimönnum
Framleiðni sf. reynt að auka þæg-
indin sem framast væri unnt í ljósi
þeirrar reynslu sem fengist hefur.
Til að lýsa betur flæðilínunni má
segja að á hverju vinnusvæði séu
pallar sem hægt er að hækka og
lækka að vild og á hverjum palli
er stóll sem einnig er hægt að
hækka og lækka. Laus hnífagrind
er hengd við hvert vinnusvæði og
á ljósaborðum er þvottakrani sem
hægt er að skrúfa frá annað slagið.
Eins og áður segir hefur framleiðni
aukist verulega, samfara auknum
gæðum framleiðslunnar í þeim
frystihúsum sem tekið hafa þennan
búnað í notkun og ríkir almenn
ánæga með það hjá eigendum þess-
ara húsa.
- JG
Morgunblaðið/Kristjana Ágústsdóttir
Frá 55. aðalfundi Sambands breiðfirskra kvenna, sem haldinn var
á Staðarfelli 20. ágúst sl.
Aðalfundur Sambands
breiðfirskra kvenna
Búðardal.
AÐALFUNDUR Sambands
breiðfirskra kvenna var haldinn
á Staðarfelli 20. ágúst. Það voru
kvenfélagskonur í kvenfélaginu
Hvöt á Fellsströnd sem buðu til
55. aðalfundar Sambandsins en
kvenfélögin á svæðinu halda að-
alfundinn til skiptis.
Fyrsti fundur Sambandsins var
haldinn á Hellissandi 19. júní 1933.
Fjögur kvenfélög sendu fulltrúa á
þann fund en fleiri félög óskuðu
eftir að vera með i Sambandinu
þótt þau gætu ekki sent fulltrúa á
stofnfundinn. Upphafskonur að
stofnuninni voru Halldóra Bjama-
dóttir og Ingveldur A. Sigmunds-
dóttir og var fyrsta stjóm SBK
skipuð Ingveldi A. Sigmundsdóttur,
formanni, Guðrúnu Eiríksdóttur,
gjaldkera, og Jóhönnu Vigdúsdótt-
ur, ritara.
Aðalfundurinn nú var með hefð-
bundnum hætti, margar tillögur
voru samþykktar sem allar voru í
samræmi við stefnuskrá SBK.
Kvenfélög Sambandsins vinna að
menningar- og velferðarmálum og
láta sér ekkert óviðkomandi. Félög-
in hafa einnig átt fmmkvæði að
ýmsum heilbrigðismálum aldraðra.
Atvinnumál hafa verið mikið rædd
þótt lítið af þeim málum hafí kom-
ist í framkvæmd. Fyrirlesarar voru
fengnir til fræðslu og skemmtunar
um ýmiss mál.
Sigurbjörg Ásgeirsdóttir á
Vígholtsstöðum á Fellsströnd flutti
ferðasögu frá Nordisk Forum og
þótti ýmislegt athyglisvert koma
þar fram. Atvinnumálafulltrúi
Dalasýslu, Svavar Garðarsson, kom
á fundinn og skýrði frá ýmsum
hugmyndum sem eru í gangi varð-
andi atvinnumál, sem gætu styrkt
búsetu hér í dreifbýlinu.
Þessi aðalfundur SBK sýndi sam-
stöðu og bjartsýni kvenna hér um
slóðir því konur geta áorkað ýmsu
þó ekki saki að fá stuðning karl-
mannanna. Fundurinn var
skemmtilegur og á honum kom
margt áhugavert fram sem konum-
ar vona að eigi eftir að fá hljóm-
grunn hjá ráðamönnum þjóðarinn-
ar. Viðtökur Fellsstrandarkvenna
og veðrið þennan dag var eins og
best verður á kosið.
- Kristjana
Allt
í röð og reglu
- án þess að vaska upp!
Bíldshöfða 14 s: 67 2511
FAIMIMIR HF
Komdu kaffistofunni á hreint.
Duni kaffibarinn sparar þér bæði
tíma og fyrirhöfn.
Getur staðið á
borði eða hangið / ■■^uurnoStk.)
uppá vegg. / ^fíimá1(2000
En það besta er:
Ekkert uppvask.
688,-
..... kr' 105,-
25%s/H/,Stk'kr' 2-560..
NAMSMENN
ATHUGIÐ!
Ný hraðvirk, létt og
handhæg TA
Triumph-Adler skríf-
stofuritvél á verði
skólarítvélar.
• Prenthraði 13slög/sek
• ”Lift off” leiðréttingar-
búnaður fyrir hvern staf eða
orð.
• 120 stafa leiðréttingarminni
• Sjálfvirk: miðjustilling
undirstrikun
feitletrun
• Handfang og lok.
auk ýmissa annarra kosta sem
prýða eiga ritvél morgun-
dagsins.
Komdu við hjá okkur eða
hringdu og fáðu frekari
upplýsingar.
Einar J. Skúlason hf.
Grensásvegi 10, sími 686933
: