Morgunblaðið - 10.12.1988, Blaðsíða 70
MORGUNBLAÐIÐ, LAUGARDAGUR 10. DESEMBER 1988
70
n ik í
fréttum
LISTIÐNAÐUR
„Flíkur og- form“ í Stöðlakoti
-i Um þessar mundir stendur yfir sýn-
ing í Stöðlakoti, Bókhlöðustíg 6, á
verkum Kristínar Sehmidhauser
Jónsdóttur. Kristín er handavinnu-
kennari að mennt og starfar við
kennslu en hún hefur einnig starfað
sem hönnuður um árabil. Hún hefur
tekið þátt í fjölda samsýninga hér
heima og erlendis en sýningin
„Flíkur og form“ er hennar fyrsta
einkasýning.
I litlum en smekklegum sýning-
arsal getur að líta fallegar prjóna-
flíkur. Kristín notar eingöngu
íslenska ull en gömlu handbrögðin
sem hún hefur notað í gegnum árin
segir hún að borgi sig ekki lengur.
En hver er þessi gamla aðferð og
hvar lærði hún hana?
„Til að byrja með fæ ég úrvals-
ull hjá góðum bónda. Þá handþvæ
ég hana og fer síðan að aðgreina
í þel og tog. Þelið er silkimjúkt og
glansandi en það er meiri spenna í
toginu. Þá er ullin kembd, spunnin
og loks er hægt að fara að prjóna.
Hér áður fyrr kembdu karlmennirn-
ir oft ng börnin voru jafnvel við
togvinnuna iíka. Svona hef ég
kynnst ullinni, en ég lærði sem
bam að spinna á snældu. Margrét
Jakobsdóttir Líndal leiðbeindi okkur
fyrir norrænt heimilisiðnaðarþing
sem haldið var í Reykjavík árið
1977 og þar lærði ég mörg af þess-
um heillandi vinnubrögðum".
— Nú hannar þú bæði og prjónar
úr ullinni, hvað hefur helst áhrif á
formið?
„Við hönnun vinn ég út frá efn-
inu og fæ tilfrnningu fyrir eiginleik-
um þess. Upp frá því vex formið
en það verður til fyrir áhrif hvað-
anæva úr umhverftnu. Maður vinn-
ur sig alltaf áfram með eitthvað
nýtt.
— Attu önnur áhugamál en
prjón?
„Það er knipl. Ég knipla á sumr-
in þegar birtan er góð. En ég vil
þekkja handbragðið vel áður en ég
fer að knipla frjálst og hanna. Ég
hef áhuga á að knipla úr íslenskum
togþræði sem ég verð þá að hand-
spinna sjálf".
— Kunna íslenskar telpur að
prjóna?
„Reyndar læra þær mun seinna
að prjóna nú en áður og flestar
hafa aldrei haldið á prjónum fyrr
en þær læra það í handavinnu.
Strákar læra líka að prjóna og það
sést enginn munur á handbragði
þeirra og stelpnanna svona í byrj-
un. Þeir kvarta þó frekar yfir því
hvað það sé leiðinlegt. En það vant-
ar band sem hæfir skólum, yngri
nemendur þurfa gróft band en þeir
eldri geta notað fínna band: íslensk-
ir unglingar þekkja varla okkar
band og munu því tæplega velja
það síðar“.
— Hvaða kosti hefur íslensk ull
umfram erlendan lopa?
„íslensk ull er létt og lifandi. Hún
er svolítið gróf en af því hvemig
hún vex geymir hún mikið loft í sér
og er hún miklum mun hlýrri en
erlenda ullin. Við þurfum sjálf að
kunna að meta okkar ull og vinna
úr henni það sem hæfir. Innan-
landsmarkaðnum þarf að þjóna bet-
ur en gert er. Við sem viljum vinna
úr íslensku ullinni verðum að hafa
greiðan aðgang að henni“.
BENAZIR BHUTTO
Móðirin valdi
henni eiginmann
BENAZIR Bhutto
er ein af fáum
kvenforsætisráð-
herrum heims og
fyrsta konan sem
verður leiðtogi
múslíma. Hún er
aðeins þrjátíu og
fimm ára gömui,
er í hjónabandi og
á lítinn son. Hún
er að mörgu leyti
alin upp sem Vest-
urlandabúi, og að-
eins sextán ára hóf
hún nám í Eng-
landi, var glæsi-
lega klædd og
hrókur alls fagnaðar.
Þrátt fyrir það vald sem henni
hefur verið falið nú fékk hún sjálf
litlu um ráðið hver yrði eiginmaður
hennar. Hún hafði þó oftlega mót-
mælt ábendingum móður hennar um
væntanlegan eiginmann, í sex tilfell-
um þótti henni enginn þeirra álitleg-
ur. Það var móðir hennar sem valdi
fýrir haria eiginmanninn, Asif Ali
Zardari.
Asif er sterkríkur kaupsýslumað-
ur, á sama aldri og Benazir. Reynd-
ar er talað um hann sem milljóna-
mæring, og helsta áhugamál hans
er póló. í fyrstu hittust þau aðeins
formlega til þess að „skoða" hvort
annað. „Mér leist ekki á hann strax,"
segir Benazir en nokkru síðar, í des-
ember á síðasta ári, gengu þau í
hjónaband. Asif hafði lengi vitað af
Benazir og dáðst að henni úr fjar-
lægð. „Ég hafði lesið um hana í blöð-
unum og séð hana í sjónvarpi. Ég
dái hana og hef sterka samkennd
með þessari konu. Það er tilgangs-
laust að lýsa ást í orðum en ég hafði
alltaf sterkar til-
finningar til henn-
ar. I okkar landi
er það ekki óvana-
legt að maður verði
ástfanginn af konu
sem hann hefur
aldrei hitt, “ segir
eiginmaðurinn.
Smám saman
segist Benazir hafa
fengið áhuga á
Asif, segir hann
hafa frábært skop-
skyn og hún hafi
komist að því að
hann virti hana
sem sjálfstæða
manneskju. Aður en hjónavígslan fór
fram kallaði hún saman blaða-
mannafund og sagði þar meðal ann-
ars: „Ég hef mátt læra það í þessu
landi að ástin kemur eftir brúðkaup-
ið. Við tvö höfum enn ekki verið
einsömul saman og þekkjum hvort
annað mjög lítið. En með því að gift-
ast erum við að lofa hvort öðru því
að standa saman að eilífu.“ Benazir
eignaðist son tveimur mánuðum fyr-
ir áætlaðan fæðingardag en þá var
kosningabaráttan þegar hafin.
í dag kiæðir hún sig að hætti
pakistanskra kvenna, gallabuxur og
Chaneldragtir frá Oxford-árunum
geymir hún inni í skáp. Henni er
lýst sem framagjamri konu sem
hafi lofað föður sínum að taka við
stjóm landsins hvað sem hún þyrfti
að leggja á sig til þess að svo yrði.
Menn segja hana hafa mikla mögu-
leika á að vinna virðingu mótheija
sinna í landi þar sem búa 100 millj-
ónir íbúa og 97% þeirra eru múslím-
ar.
—Hafðu hugann heldur við kjúklingalærið á diskinum
þínum.
I
St!
Félagsmála-
námskeið
á Flateyri
Morgunblaðið/Magnea Guðmundsdóttir
Félagsmálanámskeið var haldið á
Flateyri í nóvember fyrir nemendur
gmnnskólans, fólk frá æskulýðsráði
og íþróttafélaginu Gretti. Um 40
manns sóttu námskeiðið sem stóð
yfir í fjóra daga. Námskeiðsstjóri
var Jóhanna Leopoldsdóttir frá
Ungmennafélagi íslands. í lokin var
brugðið á leik þar sem Flateyrar-
hreppur hélt „alþjóðjegt boð“ og var
mikið um dýrðir. Á myndinni má
sjá gervi margra þekktra manna,
svo sem Gorbatsjovs og Raisu, Ara-
fats, Bjargvættarins á Flateyri og
margra annarra.