Morgunblaðið - 16.10.1997, Page 4

4 FIMMTUDAGUR 16. OKTÓBER 1997
MORGUNBLAÐIÐ
FRÉTTIR
Alþingi krefur Stöð 2 um afsökunarbeiðni fyrir að bregðast trausti og trúnaði
Borgarstjóri
Þóttíst vera nýr varaþing-
maður og leitaði aðstoðar
ALÞINGI hefur farið fram á að Stöð 2 biðjist
afsökunar á vinnubrögðum sem dagskrárgerðar-
menn stöðvarinnar viðhöfðu fyrr í þessum mán-
uði við efnisöflun og birtingu efnis í þættinum
ísland í dag. Að sögn Friðriks Ólafssonar, skrif-
stofustjóra Alþingis, er litið svo á að Stöð 2
hafí gróflega brugðist trausti og trúnaði og brot-
ið þær reglur sem gilda um fréttamennsku í
Alþingishúsinu.
Páll Magnússon, fréttastjóri Stöðvar 2, svar-
aði erindi Alþingis í gær, og í samtali við Morgun-
blaðið sagði hann að ef Alþingi og alþingismenn
teldu sér misboðið með þessu væri sjálfsagt að
biðjast afsökunar á því.
Lágkúruleg og aulaleg uppákoma
Málsatvik eru þau að starfsmaður Stöðvar 2
sem var með falinn hljóðnema innan á sér þótt-
ist vera nýr varaþingmaður og leitaði hann að-
stoðar nokkurra þingmanna. Samskipti hans og
þingmannanna voru fest á fílmu úr fjarlægð af
kvikmyndatökumanni Stöðvar 2 og sýnd í þætt-
inum Island í dag á undan fréttum á Stöð 2.
Friðrik Ólafsson sagði í samtali við Morgun-
blaðið að þetta háttemi ætti ekki að geta átt
sér stað og uppákoma af þessu tagi væri fyrir
neðan allar hellur. Hún væri bæði lágkúruleg
og aulaleg.
„Við treystum því að allir fjölmiðlar fari eftir
þeim reglum sem þeir hafa fengið í hendur, en
þetta er svo sérstaks eðlis að fara í svona leik
og villa á sér heimildir. Maðurinn var með falinn
hljóðnema innan klæða og menn vissu ekki að
hann var að hafa viðtal við þá,“ sagði Friðrik.
„Við teljum að þetta sé svo augljóst brot á
öllum hátternisreglum og þeim reglum sem for-
sætisnefnd Alþingis hefur sett fjölmiðlum um
umgengni og fréttamennsku í húsinu að það
getur ekki augljósara verið. Við gemm því þá
kröfu að þeir biðjist afsökunar á þessu og gangi
tryggilega frá því að slíkt hendi ekki aftur.“
Öllum sagt að til stóð að sýna upptökurnar
Páll Magnússon sagði að í svarbréfi Stöðvar
2 til Alþingis sem sent var í gær væri gerður
greinarmunur á þeim hluta þáttarins 1920 sem
kallast ísland í dag og sjálfum fréttatíma Stöðv-
ar 2 sem hefst kl. 19.30. Á þessu tvennu væri
talsverður munur þar sem dagskrárgerðarfólkið
í fslandi í dag sinnti ekki hefðbundnum þingfrétt-
um frá degi til dags, og af þeirri ástæðu kynni
því að vera ókunnugt um þær hefðir og reglur
sem skapast hefðu um samskipti fréttamanna
og þingmanna. Auk þess væri gjarnan slegið á
léttari nótur í íslandi í dag en í sjálfum fréttatím-
anum.
„Að öðru leyti bendi ég á að menn hafí hugs-
að þetta sem græskulaust gaman, sem skemmti-
efni en ekki til vanvirðu fyrir einn eða neinn.
Dagskrárgerðarfólkið sagði í öllum tilvikum við-
mælendum sínum frá því hvað var á seyði eftir
að viðtölin voru tekin og að ætlunin væri að
sýna þau í þættinum sama kvöld. Fólkið segir
mér að enginn þeirra sem talað var við hafi
hreyft neinum mótmælum við þessu, en ef hins
vegar Alþingi og þeim alþingismönnum sem í
hlut áttu var þrátt fyrir þetta misboðið, þá er
auðvitað sjálfsagt að biðjast afsökunar á því,“
sagði Páll Magnússon.
Túlkun
verkalýðsfé-
laganna er
óskiljanleg
INGIBJÖRG Sólrún Gísladóttir
borgarstjóri segist ekki skilja þá
túlkun forystumanna verkalýðsfé- :
laganna Framsóknar og Dagsbrúnar j
að samningar Reykjavíkurborgar og ;
Framsóknar séu í uppnámi eftir úr-
skurð Félagsdóms.
„Ein af kröfum þeirra var að kja- |
rasamningurinn frá því í mars sl. j
væri úr gildi fallinn en í dómsniðu- j
stöðunni er þeirri kröfu hafnað,“
sagði borgarstjóri. Borgarstjóri i
sagði að samkomulag hefði verið
milli allra aðila um að leita til Félags-
dóms til að reyna að skera úr þess-
ari deilu og undir það samkomulag
hafi Starfsmannafélag Reykjavíkur- j
borgar og Framsókn skrifað.
Ingibjörg sagðist vonast til að j
engir eftirmálar yrðu. „Það var ljóst !
af okkar hálfu þegar í upphafí og 1
ég hélt að það væri af hálfu allra, j
að við myndum fara þessa leið og j
lúta þeirri niðurstöðu sem þar feng- j
ist,“ sagði hún.
Leiðari í kínversku dagblaði
Hóta að slíta
viðskiptasam-
bandi við Island
í LEIÐARA dagblaðsins China Daily sagði í gær að íslendingar stofni í
hættu viðskiptalegum og pólitískum hagsmunum með því að ganga í
berhögg við stefnu Kína gagnvart Tævan. Lien Chan, varaforseti Tæv-
ans, kom hingað til lands í síðustu viku og tók Davíð Oddsson forsætisráð-
herra á móti honum þrátt fyrir hörð mótmæli Kínveija.
Leiðarinn hefur vakið nokkra at-
hygli og mátti meðal annars lesa
um hann á heimasíðu danska dag-
blaðsins Jyliandsposten í gær.
Leiðarinn í China Daily, sem kem-
ur út á ensku, ber yfirskriftina „ís-
lendingar ganga of langt“. Þar er
Lien Chan nefndur með nafni en
embætti hans aðeins innan gæsa-
lappa.
„íslendingar leyfðu Lien Chan að
heimsækja landið í síðustu viku
þrátt fyrir mótmæli Kína,“ sagði í
leiðaranum. „Þegar Davíð Oddsson
forsætisráðherra íslands, hitti
„varaforseta Tævans" bauðst hann
meira að segja til að auka tengslin
við eyjuna.“
Sagði að það hefði um langan
aldur verið afstaða Kínveija að að-
eins gæti verið um eitt Kína að
ræða og allir vissu að Tævan væri
óijúfanlegur hluti Kína.
Sljórnmálasambandi slitið?
„íslenska ríkisstjórnin ætti að
meta stöðu málsins af alvöru," sagði
í Ieiðaranum. „Með því að ganga í
berhögg við afstöðu Kína stefnir
hún pólitískum og efnahagslegum
hagsmunum eigin lands í hættu.
Ef íslendingar ákveða að koma á
opinberu sambandi við Tævan munu
þeir glata pólitísku trausti Kínveija
og jafnvel stjómmálasambandi við
Kína.“
í leiðaranum sagði einnig að yfír-
völd á Tævan ættu að gera sér grein
fyrir því að tilraunir þeirra til að
öðlast alþjóðlega viðurkenningu séu
dærridar til að mistakast. Tævanar
eigi þá útgönguleið eina að „endur-
sameinast kínverska meginlandinu
með friðsamlegum hætti“.
Leiðarinn var skrifaður undir
nafni og höfundur hans sagður Yu
Guoqiang.
Halldór Ásgrímsson utanríkisráð-
herra kvaðst í gærkvöldi ekki vilja
tjá sig um leiðarann. „Við emm að
vinna í þessum málum hér í utanrík-
isráðuneytinu og það er ekkert að
frétta af þeim eins og stendur,"
sagði hann.
Morgunblaðið/Þorkell
ÞRÍR þingmenn frá Kúveit, sem nú eru staddir hér á landi ásamt fylgdarliði, gengu síðdegis í gær
á fund Ólafs Ragnars Grímssonar, forseta íslands. Þeir eru meðal 25 nýrra þingmanna, sem ko'sn-
ir voru í þingkosningunum i október á síðasta ári, en alls sitja 50 manns á þinginu. Abdusalam
al-Osaimi, Muhammad al-Olaim, formaður sendinefndarinnar, Ólafur Ragnar og Hussain al-Dous-
arí sjást hér á Bessastöðum.
Kúveiskir þingmenn ræða við íslenska ráðamenn
Vilja stuðning við
málstað stríðsfanga
SENDINEFND frá þjóðþingi
Kúveits, Majlis al-Umma, er
stödd hér á landi í þeim erindum
að styrkja sljórnmálasamband,
sem tekið var upp milli íslands
og Kúveits í apríl, og meðal ann-
ars að leita stuðnings í barátt-
unni fyrir því að stríðsfangar,
sem hafa verið í haldi í írak frá «.
því að Persaflóastríðinu lauk í
febrúar 1991, verði látnir lausir.
Kúveisku þingmennirnir og
fylgdarmenn þeirra hafa rætt við
Halldór Ásgrí msson utanríkis-
ráðherra, Olaf G. Einarsson, for-
seta Alþingis, og utanríkismála-
nefnd Alþingis og fóru í gær á
fund Ólafs Ragnars Grímssonar
forseta.
Heilsa ekki konum
Vandræðaleg uppákoma varð
er þingmennirnir þrír lýstu yfír
því á leiðinni á fundinn með utan-
ríkismálanefnd að þeir myndu
ekki taka í hönd kvenna í nefnd-
inni af þeirri ástæðu að þeir
snertu ekki annarra manna kon-
ur. Var ákveðið að bregðast við
þessu með því að nefndarmenn
sátu er þingmennirnir gengu á
fund þeirra utan hvað Geir H.
Haarde, formaður utanríkis-
málanefndar, stóð, bauð þá vel-
komna og heilsaði með handa-
bandi.
Um 600 kúveiskir stríðsfangar
eru í írak. Hussain al-Dousari
þingmaður sagði að vonast værí
eftir stuðningi íslenskra yfir-
valda og fjölmiðla. Islenska þing-
ið væri í góðri aðstöðu til að
hjálpa og í utanríkisráðuneytinu
hefði afstaðan verið skýr.
„Okkur fannst við eiga góða
vini þar,“ sagði hann. „Nú eru
rúmlega 600 stríðsfangar í írak
og það er greinilegt brot á mann-
réttindum. Það ætti ekki að vera
staður fyrir einræðisherra af
þessu tagi þegar 21. öldin blasir
við. Nú leitum við hjálpar ís-
lenskra yfirvalda við að hjálpa
þessum stríðsföngum.“
Muhammad al-Olaim, þing-
maður og formaður sendinefnd-
arinnar, kvaðst telja að skammt
væri til endaloka valdaferíls
Husseins. Það væri á valdi íraka
að steypa honum af stóli, en einn-
ig ætti að fylgja refsiaðgerðum
eftir af hörku. Saddam Hussein
mætti ekki komast upp með að
hunsa refsiaðgerðirnar.
Konur án atkvæðisréttar
Lýðræði í Kúveit er að mörgu
leyti ábótavant. í landinu búa um 1
1,5 milljónir manna og þar af
teljast um 670 þúsund hafa kúv-
eiskt ríkisfang. Á kjörskrá eru
rúmlega 100 þúsund manns. Með-
al skilyrða fyrir því að fá atkvæð-
isrétt er að viðkomandi sé læs
og karlkyns. Konur efndu til
mótmælaaðgerða bæði fyrir
kosningarnar 1992 og í október
í fyrra og kröfðust þess að fá
atkvæðisrétt. Muhammad al-Ola-
im, þingmaður og formaður
sendinefndarinnar, sagði að
vænta mætti ýmissa bóta í lýð-
ræðisátt og kosningaréttur
kvenna væri til umræðu. Hann
vildi þó ekki segja til um það
hvort líklegt væri að konur
fengju kosningarétt á næstunni.