Morgunblaðið - 16.10.1997, Qupperneq 27

MORGUNBLAÐIÐ
LISTIR
FIMMTUDAGUR 16. OKTÓBER 1997 27
Booker-verðlaunin til Roy
London. Reuters.
INDVERSKI rithöfundurinn Arundhati Roy
hlaut á þriðjudag hin virtu bresku Booker-
bókmenntaverðlaun, fyrir frumraun sína
„The God of Small Thing“ (Guð hinna smáu
hluta). Verðlaunaféð nemur 20.000 pundum,
um 2,3 milljónum ísl. kr. en Roy hafði áður
fengið um eina milljón punda, um 115
milljónir, fyrir handritið og útgáfuréttinn
um heim allan.
Arundhati Roy er 37 ára og starfaði áður
sem arkitekt og sviðshönnuður. Móðir henn-
ar er kristin en faðir hennar hindúatrúar.
Saga Roys fjallar um tvíbura sem reyna að
losna úr viðjum erfðastéttarinnar á Ind-
landi. Verðlaunanefndin segir um bók Roy
að hún búi yfir „óvenjumikilli málfarslegri
hugmyndaauðgi" og að henni takist að segja
sögu Suður-Indlands, séða með augum sjö
ára tvíbura. Sagan fjalli um ást og dauða,
um lygar og lög.
Veitt furðulegum
rithöfundum?
Booker-verðlaunin tryggja handhafa sín-
um í langflestum tilvikum alþjóðlega frægð
og trygga lífsafkomu. Roy þurfti þó ekki
að kvarta áður en hún hlaut þau því bókin
hefur nú þegar verið þýdd yfir á 27 tungu-
mál. Á meðal þeirra sem hlotið hafa verð-
launin má nefna Salman Rushdie, Kingsley
Amis og Iris Murdoch. Því fer fjarri að verð-
launin og veiting þeirra sé óumdeild, gengið
hefur verið fram hjá rithöfundum á borð við
Graham Greene og þeir sem gagnrýnt hafa
verðlaunin hafa m.a. sagt þau allt of oft
vera veitt furðulegum rithöfundum fyrir
annars flokks skáldsögur.
Alls voru 106 bækur tilnefndar til verð-
launanna og höfðu flestir spáð því að írinn
Bernard MacLaverty hlyti þau fyrir bókina
„Grace Notes“, sem fjallar um ungt tón-
skáld sem snýr aftur til heimahaganna til
að vera viðstatt útför föður síns. Aðrir til-
nefndir voru m.a. Tim Parks fyrir „Europa“
og Madeleine St. John frá Ástralíu en henni
létti mjög þegar úrslitin voru ljós, sagðist
ekki hefðu getað tekist á við þá miklu at-
hygli sem að henni hefði beinst.
Reuters
ARUNDHATI Roy, nýr Booker-verð-
launahafi.
Gjaldmiðlar
og gamlir
munir
MYNTSAFNARAFÉLAG íslands
stendur fyrir sýningu á íslenskum
og erlendum gjaldmiðlum ásamt
ýmsum munum sem tengjast
myntsöfnun eða eru áhugaverðir
t.d. vegna tengsla sinna við þekkta
atburði, félög eða fyrirtæki.
Sýningin vérður í aðalsal
Hafnarborgar í Hafnarfirði og
stendur yfir dagana 18.-27. októ-
ber og er opin alla daga kl. 12-18
nema þriðjudaginn 21. október, en
þá er hún lokuð.
Það helsta sem á sýninguni verð-
ur eru íslenskir gjaldmiðlar sem
gefnir hafa verið út til notkunar
hér á landi í 220 ár, bæði opinber-
ir seðlar og mynt og ýmsir gjald-
miðlar sem gefnir hafa verið út
af einkaaðilum svo sem brauð- og
vörupeningar, vöruseðlar, kaupfé-
lagsávísanir og gjaldmiðlar og
munir sem gefnir hafa verið út á
vegum erlendra herja sem dvalið
hafa hér á landi í lengri eða
skemmri tíma. Þá eru sýnd ýmis
greiðslukort, heiðursmerki, barm-
merki, víxlar, ýmiskonar gamalt
smáprent og miðar, skömmtunar-
seðlar, _ hlutabréf og ýmis gjöld
tengd íslandsbanka hinum eldri.
Þá má einnig nefna seðla sem
notaðir voru í erlendum stríðs-
fangabúðum í báðum heimsstyrj-
öldunum, tunnumerki sem notuð
voru á síldarplönum víða um land
fram á síðustu ár og ýmsa gripi
sem tengjast konungskomunni
1907, Alþingishátíðinni 1930 og
Lýðveldishátíðinni 1944.
Á vegum Myntsafnarafélags ís-
lands verða gefnir út í tilefni sýn-
ingarinnar 50 númeraðir minnis-
peningar og barmmerki í litlu upp-
lagi.
-----» ♦ ♦----
Viðurkenning í
ljóðasamkeppni
EGGERT E. Laxdal fékk nýlega
viðurkenningu fyrir ljóð sem hann
sendi í ljóðasamkeppni á Ítalíu.
Viðurkenningin er kennd við Jean
Monnet, sem var ötull baráttumað-
ur fyrir sameiningu Evrópu.
Eggert E. Laxdal hefur sent frá
sér nokkrar ljóðabækur. Hann var
fimmti í röðinni í ljóðakeppninni.