Morgunblaðið - 27.01.1998, Síða 21

MORGUNBLAÐIÐ
ÞRIÐJUDAGUR 27. JANÚAR 1998 21
ERLENT
Kjörinn á þing undir merkjum baráttu gegn spillingu
Bell býðst til að endur-
greiða lögfræðireikning
London. Daily Telegraph.
MARTIN Bell, óháður þing-
maður á breska þinginu, sagðist
myndu endurskoða stöðu sína ef
það yrði niðurstaða sín, að hann
hafi glatað trausti kjósenda
sinna í kjördæminu Tatton í
Cheshire.
Bell, sem er fyrrverandi
stríðsfréttamaður breska sjón-
varspins, BBC, var kjörinn á
þing undir merkjum baráttu
gegn spillingu en á nú í vök að
verjast fyrir að hafa látið aðra
borga fyrii’ sig lögfræðiaðstoð
og skýra ekki frá því.
Bell kvaðst £ upphafí ekki
hafa haft hugmynd um að lög-
fræðiaðstoð hans hefði verið
borguð af öðrum, en í ljós hefur
komið, að Verkamannaflokkur-
inn og Frjálslyndir demókratar,
sem studdu Bell í þingkosning-
unum, borguðu reikninginn,
sem hljóðaði upp á rúma milljón
króna.
fmynd hvíta
riddarans versnar
Bell hélt því svo fram, að út-
gjöld þessi féllu ekki undir kosn-
ingaútgjöld og neitaði því að
hafa brotið kosningalög. í kjöl-
far mikillai' umfjöllunar og
blaðafregna þess efnis að hann
ætti hugsanlega ákæru yfir höfði
sér efndi Bell til blaðamanna-
fundar á skrifstofu sinni í Knuts-
ford. Taugaóstyrkur og með
skjálfandi röddu kvaðst hann
þurfa að „lægja storm í tebolla".
Hann bauðst til þess að endur-
greiða reikninginn en kvaðst
ekki ætla að verða við áskorun
andstæðings síns úr íhalds-
flokknum, Neils Hamiltons, um
að segja af sér. Jafnframt gaf
Bell í skyn að til greina kæmi að
sækjast eftir endurkjöri í næstu
kosningum ef Hamilton yrði aft-
ur í framboði, en hann hét því í
fyrra að sitja aðeins eitt kjör-
tímabil, bæri hann sigurorð af
íhaldsmanninum, sem hann
sagði tákngerving pólitískrar
spillingar.
Vann Bell kjördæmið auð-
veldlega í kosningunum og hafði
yfir sér áru og ímynd „hvíta
riddarans" á þingi. Uppljóstrun-
in um að pólitískir flokkar hafi
greitt lögfræðireikning hans
hefur hins vegar valdið því að sú
ímynd hefur gránað verulega.
Reuters
23 hindúar myrtir
VOPNAÐAR sveitir grímuklæddra
manna myrtu 23 hindúa í Jammu
og Kashmír á Indlandi á sunnudag
og hér gráta ekkjur menn sína í
þorpinu Ganderbal í Kashmír. Yfir-
völd skelltu skuldinni á ein margra
herskárra samtaka aðskilnaðar-
sinna. Atvikið átti sér stað daginn
fyrir þjóðhátíðardag Indlands og
yfirvöld sögðu tilræðið lið í tilraun-
um þeirra til að valda glundroða
fyrir indversku þingkosningarnar,
sem hefjast 16.
febrúar.
Skipt um
mjaðmarlið í
drottningar-
móður
SKIPT var um mjaðmarlið í
Elísabetu, hinni 97 ára gömlu
drottningarmóður í Bretlandi, á
sunnudagskvöld eftir að hún
hafði dottið fyrr um daginn og
brákast á mjöðm. Talsmaður
sjúkrahússins Játvarður sjöundi
sagði í gær að henni liði eftir at-
vikum vel. Breska konungsfjöl-
skyldan var að skoða hross í
Sandringham er óhappið varð.
Fyrir tveimur árum var skipt
um hægri mjaðmarlið í drottn-
ingarmóðurinni.
Tamiltígrar
gerðir útlægir
SAMTÖK tamíltígra á Sri
Lanka voru formlega gerð útlæg
í gær en sjálfsmorðssveitir
þeirra voru sagðar bera ábyrgð
á tilræði í Musteri tannarinnar,
400 ára helgiskríni búddista í
hinni fornu höfuðborg, Kandy, á
sunnudag. Var stórri bíl-
sprengju ekið í vörubíl gegnum
vegtálma við musterið og biðu 13
manns bana og 23 slösuðust er
hún sprakk við musterisvegginn.
Leiðsögumaður
undir grun
FRANSKUR leiðsögumaður var
úrskurðaður í gæsluvarðhald í
gær vegna slyssins í Alpafjöllun-
um sl. föstudag er mu unglingar
og tveii' fullorðnir fórust í snjó-
flóði. Liggur hann undir grun
um að vera valdur að manndrápi
af gáleysi og verður að sæta
rannsókn vegna þess.
Suzuki látinn
SHINICHI Suzuki, upphafs-
maður svonefndrar Suzuki-leið-
ar við tónlistarkennslu, lést á
heimili sínu í Matsumoto í gær
af völdum hjartabilunar. Suzuki
var á hundraðasta aldursári er
hann lést.
Brestir komu í
Kínamúrinn
BRESTIR komu í Kínamúrinn á
nokkrum stöðum í jarðskjálftun-
um sem skóku Zhangjiakou-
svæðið í Hebei-héraði fyrir
tveimur vikum, að sögn kín-
verskra stjórnvalda. Þumlungs-
breiðai' sprungur mynduðust
víða í múrinn sem er um tvöþús-
und ára gamall. I skjálftanum,
sem mældist 6,2 stig á
Richterskvarða, biðu 50 manns
bana, 10.000 slösuðust og tug-
þúsundir heimila jöfnuðust við
jörðu.
ESB fordæmir
ofbeldi í Alsír
EVRÓPUSAMBANDIÐ (ESB)
fordæmdi í gær ofbeldisaðgerðir
í Alsír og hvatti alsírsk yfirvöld
til þess að sýna meiri hreinskilni
vegna morðöldunnar, sem talin
er hafa kostað tugþúsundir
manns lífið. Hvatti ESB stjóm-
völd í Alsír til þess að opna íand-
ið fyrir erlendum stofnunum,
þ. á m. Sameinuðu þjóðunum,
sem boðið hafa aðstoð við að
reyna binda endi á blóðbaðið.
Kemst ekki í geimbúninginn
Moskvu. Reuters.
HUGSANLEGA kann svo að fara
að bandaríski geimfarinn Andy
Thomas verði að snúa aftur til
jarðar með geimferjunni Ende-
avour í stað þess að leysa landa
sinn, David Wolf, af hólmi í rúss-
nesku geimstöðinni Mír.
Skömmu eftir að geimfeijan
lagðist að Mír á Iaugardag kom í
ljós, að búningurinn sem hann
þarf á að halda til þess að geta
farið yfir í Mír og forðað sér það-
an í neyðartilvikum passaði ekki.
Ætlunin er að Thomas dveljist
í Mír næstu fjóra mánuðina en að
sögn bandarísku geimferðastofn-
unarinnar (NASA) getur hann
ekki smeygt búningnum yfir axl-
irnar svo vel sé. Þá hafi hann
reynt búning Wolfs en hann sé of
stór.
Fulltrúum rússnesku geim-
ferðastofnunarinnar er ekki
skemmt. Þeir segja Thomas hafa
mátað búninginn áður en hann
yfirgaf æfingastöðina fyrir utan
Moskvu í desember sl. og þá hafi
hann passað. Umkvartanir hans
beri þess vott að Thomas sé
dyntóttur og ekki fari vel á því
að menn með skapsmuni af því
tagi dveljist langdvölum á braut
um jörðu í lítilli og þröngri
geimstöð.
paS afe'fUrrettun>.
Anna Vilhjalms Berttia Biering BertiMöller Garðar Guðmundsson
Runar Guðionsson
Siggi Johnme
Sigurdor Sigurdorsson
Skatti Olafsson
stelan Jonsson
Þorsteinn Eggertsson
Hljómsveitarstjóri: Gunnar Þórðarson.
Sviðssetning og leíkstjórn: Egill Eðvarðsson.
Kynnir:Ragnar Bjarnason.
Fjoldi frabærra
rolclcdansara:
/Q Danssmiðja Hermanns Ragnars
V5/ Dansskóli Auðar Haralds
rl ^
Fjöldt Kjöt'. þess OrvalJ
Syningin hefst
stundvíslega kl. 21:45
Hljomsveit Geirmundar leikur
gullaldarlög rokktímabilsins
fyrir dansi fram eftir nóttu.
HÓTEL ÍSLAN DI
Miða- og borðapantanir í síma 533 1100 fax 533 1110.
Verð 4.900, matur og sýning. 1.950, sýning. 950, dansleikur.