Morgunblaðið - 04.11.1998, Qupperneq 17

MORGUNBLAÐIÐ
MIÐVIKUDAGUR 4. NÓVEMBER 1998
17
VIÐSKIPTI
✓
Islensk viðskiptasendinefnd 1 Halifax
Mikill áhugi ytra
Halifax. Morgunblaðið.
AUKNAR flugsamgöngur og reglu-
bundnar siglingar á milli íslands og
Kanada ættu að skapa grundvöll
fyrir vaxandi viðskiptatengsl á milli
landanna í framtíðinni. Þetta kom
meðal annars fram í máli Finns
Ingólfssonar, iðnaðar- og við-
skiptaráðherra, á morgunverðar-
fundi með fulltrúum fyrirtækja í
Nova Scotia í gær.
Finnur, sem fer fyrir fjörutíu
manna viðskiptasendinefnd, sem
stödd er í Halifax, benti á að við-
skipti Islendinga við Kanada næmu
einungis 1% af heildar inn- og út-
flutningi íslands, sem væri ótrúlega
lítið ef horft væri til sögulegra
tengsla, landfræðilegrar nálægðar
og þess hversu góðar samgöngur
væru orðnai' á milli íslands og
Kanada. Bæði Eimskip og Samskip
stunda reglubundnar siglingar til
svæðisins auk þess sem Flugleiðir
fljúga þrisvar í viku til Halifax.
A fundinum kynntu ráðherra og
nokkrir samstarfsmenn það um-
hverfi sem ríkir á íslenskum fjár-
magnsmarkaði og hugsanlega sókn-
armöguleika nýskoskra fyrirtækja
hérlendis.
Halldór J. Kristjánsson, banka-
stjóri Landsbanka Islands, fjallaði
einnig stuttlega um aukinn hagvöxt
og stöðugleika í íslensku efna-
hagslífi. Hann sagði Landsbankann
leggja mikla áherslu á stuðning við
útrás íslenskra fyi-irtækja erlendis
og greindi í framhaldinu frá nýjum
lánasamningi bankans við nýskoska
saltfiskverkunaríyrirtækið Sans
Souci Seafoods, sem SÍF festi kaup
á í fyrra. Samningurinn, sem er til
fimm ára, hljóðar upp á 6,5 milljónir
dollara eða 260 milljónir króna.
Sextán kynntu
starfsemi sína
Að loknum morgunverðarfundin-
um opnuðu Finnur Ingólfsson og
Francis MacKenzie, skrifstofustjóri
í efnahags- og ferðamálaráðuneyt-
inu í Nova Scotia, formlega kaup-
stefnu þeirra sextán íslensku fyrir-
tækja og stofnana, sem taka þátt í
ferðinni. Þau kynntu framleiðslu og
starfsemi sína fram eftir degi en að
sýningu lokinni stóð íslenska sendi-
nefndin fyrir móttöku þar sem
mönnum gafst kostur á að ræða
saman á óformlegum nótum við
undirleik Jazztríós Ólafs Stephen-
sen.
I dag og á morgun hafa verið
skipulagðir fundir á milli íslensku
fyrirtækjanna og fulltrúa úr nýs-
kosku atvinnulífi en kaupstefnunni
lýkur á morgun.
Að sögn Þorgeirs Pálssonar, sem
unnið hefur að undirbúningi verk-
efnisins fyrir hönd Útflutningsráðs,
hafa atvinnurekendur ytra sýnt
kaupstefnunni mikinn áhuga og
ljóst að margir hafa fullan hug á _að
kanna möguleg viðskiptatengsl á Is-
landi.
Ráðstefna um rafræna greiðslumiðlun og viðskipti
Morgunblaðið/Árni Sæberg
FJÖLMENNT var á ráðstefnu VISA Islands þar sem fjailað var um rafræna greiðslumiðlun og viðskipti.
Meðal ráðstefnugesta voru Sólon Sigurðsson, bankasljóri Búnaðarbanka íslands og stjórnarformaður VISA
ísland, og Einar S. Einarsson, forstjóri VISA íslands.
Snjallkort í
notkun 1999
GREIÐSLUKORT með örgjörva,
svokallað snjallkort, kemur til með
að leysa hefðbundnu greiðslukortin
með segulrönd af hólmi innan fárra
ára. A næsta ári verða öli debetkort
banka og sparisjóða endurútgefin
með örgjörva sem inniheldur mynt-
kort sem grunneiningu auk þess
sem í örgjörvanum verða aðrar
minniseiningar sem hægt verður að
nota í fjölbreytilegum tilgangi.
Þetta kom fram í máli Einars S.
Einarssonar, forstjóra VISA Is-
lands, á ráðstefnu um rafræna
greiðslumiðlun og viðskipti sem
VISA Island stóð fytir i gær.
Einar segir að yfir 400 þúsund
greiðslukort séu í notkun á Islandi,
þar af séu 120 þúsund VISA-kredit-
kort og 165 þúsund VISA-debet-
kort. Allt frá því að VISA ísland tók
til starfa fyrir 15 árum hafi notkun
greiðslukorta farið vaxandi og sí-
fellt dragi úr notkun peninga og
ávísana á íslandi. Á síðasta ári nam
heildarvelta með greiðslukort 111
milljörðum króna, þar af námu við-
skipti með kreditkortum 62 millj-
örðum og 49 milljörðum með debet-
kortum.
Mark Lassus, stjórnarformaður
GEMPLUS, sem er stærsti fram-
leiðandi snjallkorta í heiminum,
sagði á ráðstefnunni að íslendingar
stæðu framarlega í notkun greiðslu-
korta og væru fljótir að tileinka sér
nýjungar. Að hans sögn er snjall-
kortið greiðslumiðill framtíðarinn-
ar. Hægt sé að nýta kortið til marg-
víslegra nota, til að mynda sem
símakort, aðgangskort á hina ýmsu
viðburði, til greiðslu á bílastæðis-
gjöldum, vegtollum, til greiðslu á
farmiðum sem annaðhvort væru
keyptir í gegnum tölvu eða síma.
Lassus segir að snjallkortin eigi
eftir að valda straumhvörfum á sviði
rafrænnar greiðslumiðlunar og not-
endum gi'eiðslukorta eigi enn eftir
að fjölga jafnt og þétt. Tók hann
sem dæmi að árið 1989 hafi verið 1
greiðslukort á hverja 100 íbúa í
heiminum. Árið 1996 var eitt kort á
hverja 10 íbúa og spáir Lassus því
að árið 2003 verði eitt kort á hvern
íbúa heimsins.
Segir hann ljóst að tími peninga
sé að líða undir lok enda séu þeir
skítugir, þungir og dýrir í fram-
leiðslu. Þeir væru einfaldlega
fortíðin en rafræn viðskipti væru
framtíðin.
IMECALUX
retta-
rekkar
Góðir rekkar tryggja hámarksnýtingu á
dýrmætu plássi. Bjóðum allskonar
lager- og hillukerfi. Jafnt rúllurekka sem
innkeyrslurekka, jafnvel færanlega rekka.
Mjög gott verð!
Lyftitæki og trillur færðu einnig hjá okkur.
Lagerlausnir eru okkar sérgrein
MECALUX
- gæði fyrir gott verð
UMBOÐS- OG HEILDVERSLUN
tuaumvr shf
SUNDABORG 1 • SÍMI568-3300
Ávöxtun
11%
Skammtíma- Langtíma- Eignaskatt- Hlutabréfa-
sjóðir sjóðir frjálsir sjóðir sjóðir
Búnaðarbankitm Verðbréf
Samkeppnisaðilar *
Séreignalíf-
eyrissjóðir
Ávðxnm m.v 12 minuBi
m.v. t. Ift 1998
Samanburður á ársnafnávöxtun sjóða Búnaðarbankans Verðbréfa og
sambœrilegra sjóða samkeppnisaðila á markaðnum siðustu tvö ár
miðað við 1. nóvember 1998.
\ tveggja ára afmæli okkar. A þessum tveimur árum
höfum við náð hæstu ávöxtun sambærilegra sjóða á íslandi
og er það auðvitað besta afmælisgjöfin sem við getum gefið
viðskiptavinum okkar. Við höldum vitaskuld áfram á sömu
braut og munum einnig kynna nýjar og arðvænlegar
fjárfcstingarleiðir á næstunni. Hafðu samband og tryggðu
þér sneið af afmæliskökunni okkar!

BUNAÐARBANKINN
VERÐBRÉF
byggir á traustí
sími 525 6060 • netfang verdbref@bi.is
Meðalcalsávöxtun hjá Kaupþingi, VÍB, Landsbréfum og Fjárvangi. Upplýsingar um ávöxtun lífeyrissjóða voru ekki fyrir hendi hjá Kaupþingi og Landsbréfum.