Morgunblaðið - 15.12.1998, Qupperneq 29

MORGUNBLAÐIÐ
ERLENT
Blindflugslendingarbúnaður ekki í
sambandi á Surat Thani-flugvelli
Ástæðna flug-
slyssins leitað
Surat Thani í Taílandi. Reuters.
TAILENZK flugmálayfirvöld full-
yrtu í gær að þótt nýjasta gerð
blindflugslendingarbúnaðar hefði
ekki verið í sambandi á Surat
Thani-flugvelli, um 530 km sunnan
Bangkok, hefði það ekki valdið því
að Airbus A310-200-farþegaflugvél
Thai-flugfélagsins fórst þar á föstu-
dag. 101 fórst en 45 manns komust
lífs af úr slysinu.
„Þau kerfi sem við notumst við
eru vel fær um að beina flugvélum
rétta leið með svipuðum hætti,“
sagði Sawat Sittiwong, fram-
kvæmdastjóri taílenzku flugmála-
stjórnarinnar. Bæði flugmálayfir-
völd og flugmaður vélarinnar hafa
verið sökuð um að bera ábyrgð á því
hvernig fór, þegar þotan steyptist
til jarðar á gúmmíplantekru á kafi í
vatni á föstudag. Steypiregn og rok
var þegar slysið varð. Björgunar-
sveitarmenn fundu síðasta fómar-
lamb slyssins á sunnudag.
Flugriti og hljóðriti fundnir
Fulltrúar taílenzkra yfirvalda og
frá evrópsku Airbus-flugvélaverk-
smiðjunum rannsaka orsakir slyss-
ins. Báðir „svörtu kassarnir“, þ.e.
flugi-iti og hljóðriti þotunnar, hafa
fundizt og verða að sögn Sawats
sendir tafarlaust annaðhvort til
Hollands eða Kanada til ítarlegrar
skoðunar hjá sérfræðingum.
Allnokkrir hinna 45 farþega, sem
komust lífs af úr slysinu, og vitna á
jörðu niðri segja að flugstjórinn,
sem lézt sjálfur úr sárum sínum,
hefði aldrei átt að reyna þriðju lend-
ingartilraunina eftir tvær mis-
heppnaðar tilraunir.
„A lokaaugnablikum þriðju að-
flugstilraunarinnar virtist hann
[flugstjórinn] reyna að ná vélinni
aftur á loft. Flugvélin hristist og
missti skyndilega jafnvægið. Fólkið
um borð öskraði af skelfíngu. Það
eina sem ég hugsaði um var amma
mín,“ hafði dagblaðið Nation eftir
taílenzka dægurlagasöngvaranum
Ruangsak Loychusak, en hann var
meðal farþeganna og liggur nú á
sjúkrahúsi. Hann sagði lendingartil-
raunirnar þrjár hafa tekið samtals
um tuttugu mínútur.
Flugmálayfirvöld hafa einnig ver-
ið sökuð um að bera að hluta til
ábyrgð á hvernig fór, eftir að þau
viðurkenndu að blindflugslending-
arkerfið ILS hefði verið aftengt fyr-
ir mörgum mánuðum vegna við-
halds- og breytingavinnu á flug-
brautum vallarins. Aftenging ILS-
búnaðarins þýðir að flugmaðurinn
hefur orðið að koma sjálfur auga á
flugbrautina til að geta lent, sem
getur verið erfitt í slæmu skyggni.
Eini tæknilegi stuðningurinn voru
hefðbundin flugleiðsögutæki, sem
ekki eru eins nákvæm og ILS-bún-
aðurinn.
Chamnong Sanarksorn, yfirum-
sjónarmaður flugleiðsögubúnaðar
Surat Thani-flugvallar, sagði að öll-
um flugfélögum hefði verið tilkynnt
um aftengingu ILS-kerfisins fyrir
mörgum mánuðum. En hann neitaði
að svara spurningum um sögusagnir
þess efnis, að flugleiðsögumanni,
sem hefði verið á vakt þegar slysið
varð, hefði verið vikið frá starfi með-
an á rannsókninni stendur.
Enduilekið aðflug aðeins ráð-
legt við breytileg veðurskilyrði
Chamnong sagði að það væri í
verkahring flugstjórans að ákveða
hvenær reynt skuli að lenda eða að
víkja frekar til varaflugvallar, þar
sem lendingaraðstæður væru betri.
Reyndur flugstjóri hjá Flugleið-
um, sem Morgunblaðið innti álits,
sagði að reglan hjá flugmönnum
Flugleiða væri að aðflug væri ekki
reynt oftar en einu sinni „nema eitt-
hvað bendi til þess að þá sjáist frek-
ar í lágmarksfiughæðinni en í fyrra
aðfluginu". Slíkar aðstæður væru til
dæmis þar sem flugturn hefði til-
kynnt að veðurskilyrði færu batn-
andi eða að svokallaður þokuruðn-
ingur ætti sér stað, til dæmis. En í
stöðugum veðurskilyrðum, þegar er
lágskýjað og ekki liggja fyrir neinar
upplýsingar um að veðurskilyrðin
fari batnandi, þá sé reglan sú hjá
flugmönnum Flugleiða að farið sé í
biðflug. Ef aðstæður batna ekki
fljótlega er farið á varaflugvöll.
„Síendurtekið aðflug er ekki rétt-
lætanlegt nema veðurskilyrði séu
breytileg, það má segja að það sé
okkar stefna,“ segir þessi talsmaður
flugmanna Flugleiða.
Erlendum flugmönnum
skipt út fyrir taflenzka
Vitnisburður vitna og farþega
um að flugmaðurinn hefði tekið
óþarfa áhættu virðist ganga gegn
stefnu Thai-flugfélagsins, sem er
þekkt sem stórt og traust flugfélag.
I júní sl. tilkynnti stjórn fyrirtækis-
ins að hún hygðist skipta erlendum
flugmönnum út fyrir taílenzka.
Þegar þetta var tilkynnt sagði
Chamlong Poompuang, varaaðstoð-
arforstjóri flugrekstrarsviðs Thai,
að fyrirtækið hefði gefíð öllum flug-
mönnum sínum fyrirmæli um að
vera enn varkárari en venjulega.
„Flugmönnunum hefur verið sagt
að víkja á varaflugvelli ef þeir eru í
minnsta vafa um að lendingarskil-
yrði séu örugg, á hvaða flugvelli
sem er, innanlands sem utan. Þetta
þýðir engar lendingar í storrni,"
sagði Chamlong.
En Suthep Thangsuban, sam-
göngu- og samskiptamálaráðherra
Taílands, varaði við því í dagblaðinu
Nation að sakfella flugstjórann áður
en rannsókninni á tildrögum slyss-
ins er lokið.
STOPP!
Láttu ekki innbrotsþjófa
valsa um eigur þinar.
ELFA - GRIPO
innbrots-, öryggis- og
brunakerfin eru ódýr trygging!
JÓLATILBOÐ
á standandi kerfum.
Þráðkerfi frá kr. 13.410 stgr.
Þráðlaus kerfi frá kr. 19.890 stgr.
ÚRVAL AUKAHLUTA:
Sírenur, reykskynjarar,
hreyfiskynjarar, fjarstýringar,
hringibúnaður og fl.
Veitum tækniráðgjöf og önnumst
uppsetningu ef óskað er.
Ljósgjafinn, Akureyri
Póllinn, ísafirði
III'
Borgartúni 28, sími 582 2001 og 562 2900