Morgunblaðið - 04.03.1999, Qupperneq 21

MORGUNBLAÐIÐ
ERLENT
FIMMTUDAGUR 4. MARZ 1999 21
Kínverskt efnahagslíf vex um 7% á þessu ári
Há ríkisútgjöld knýja
hagvöxtinn áfram
Peking. Reuters.
I KINA stefnir í að fjárlagahallinn
slái öll met á þessu ári, ekki síst
vegna mikilla ríkisútgjalda. Áætl-
aður hagvöxtur er 7% og þykir at-
hyglisverður í ljósi hinnar miklu
efnahagskreppu er gengið hefur
yfir Asíu á liðnum misserum. Zhu
Rongji, forsætisráðherra Kína,
heldur ræðu um stöðu efnahags-
mála í kínverska þinginu á morgun,
föstudag. Samkvæmt heimildum
Reuters mun hann leggja til að
gætt verði aðhalds í ríkisfjáiTnálum
og jafnframt ítreka að ekki komi til
greina að fella gengi kínverska
júansins tO þess að auka útflutn-
ing.
Gert er ráð fyrir að hallinn á rík-
issjóði verði jafnvirði 1.320 millj-
arða íslenskra króna, eða um 2% af
landsframleiðslu, sem þykir ekki
mikið á alþjóðlegan mælikvarða.
Hann hefur hins vegar vaxið um
56% á milli ára. í fyrra óx hagkerfi
Kína um 7,8%, aðallega vegna mik-
illar fjárfestingar innanlands.
Útgjöld kín-
verska ríkisins til
fjarskiptamála,
samgangna og
vatnsveitna,
munu ráða mestu
um vöxtinn í efna-
hagslífinu á þessu
ári, að því er kem-
ur fram í ræðu
forsætisráðherrans. Lítil von er
hins vegar talin til þess að einka-
neysla, viðskipti og erlendar fjár-
festingar vaxi og auki þar með hag-
vöxtinn. „Það verður ekki auðvelt
að ná markinu um 7% hagvöxt" en
með átaki er það þó hægt,“ segir
Zhu Rongji forsætisráðherra. „En
hinir gífurlegu efnahagserfiðleikar
sem steðja að allt í kringum okkur
hafa mikil áhrif og litlar líkur til
þess að einkaneysla aukist.“ Kín-
verskir ráðamenn heita því einnig
að ekki verði gengið á gjaldeyris-
forða þjóðarinnar þrátt fyrir erfið-
leika í efnahagslífinu.
Útflutningur og einkaneysla
aukast ekki
Sérfræðingar telja nokkrar lík-
ur til þess að markmið um 7%
hagvöxt náist og segja hallann á
kínverska ríkissjóðnum ekki mikið
áhyggjuefni. Þeir benda þó á að
máli skipti hvaða geiri efnahags-
og atvinnulífs stuðli að mestum
vexti. „Útflutningur eykst ekki og
einkaneysla ekki heldur, þannig
að vöxturinn er allur í umsvifum
og auknum útgjöldum ríkisins,"
segir Alexandra Conroy, sérfræð-
ingur hjá ING Barings í Shanghai.
Þá hafa vestrænir stjórnarerind-
rekar í Peking lýst áhyggjum sín-
um af því að eyðsla ríkisins muni
koma Kínverjum í koll og ekki
stuðla að nauðsynlegum umbótum
á bankakerfinu.
Hingað til hefur kínverska ríkið
vegið upp á móti hallanum á fjár-
lögum með útgáfu ríkisskulda-
bréfa.
Zhu Rongji
„Eins og óhrein
sprautunál"
„Vindlingurinn er eins og
óhrein sprautunál, sem notuð
er við nikótínneysluna, en nú
vitum við, að tóbaksfyrirtækin
hefðu getað gert hana þrifa-
legri,“ sagði dr. Martin Jarvis,
einn skýrsluhöfundanna. „Nú-
verandi framleiðsia veldur
ótímabærum dauða helmings
þeirra, sem reykja í langan
tíma, og því hefði jafnvel smá-
vægileg endurbót getað bjarg-
að lífí þúsunda manna.“
I vindlingareyknum eni
meira en 4.000 efni en sem
dæmi um einkaleyfin má nefna
aðferð til að draga úr magni
kolsýrings og nituroxíðs. Með
efnasíum má fjarlægja mikið af
blásýruvetni, brennisteinsvetni
og asetaldehýði og það hefði
getað dregið úr sjúkdómum í
öndunarvegi.
Minnisblað frá 1986
í skýrslunni er birt minnisblað
frá 1986 en þar segir Patrick
Sheehy, fyrrverandi aðalfram-
Tóbaksiðnaðurinn getur framleitt hættuminni vindlinga
Aðgerðaleysið hefur
valdið dauða þúsunda
London. Reuters.
TÓBAKSFYRIRTÆKIN hefðu
getað framleitt vindlinga, sem
hefðu ekki verið jafn óhollir
heilsu manna og þeir, sem nú
eru á boðstólunum, og komið
með því í veg fyrir dauða þús-
unda manna. Kemur þetta fram
í skýrslu frá breska krabba-
meinsrannsóknasjóðnum og
samtökum, sem berjast gegn
reykingum.
I skýrslunni segir, að tó-
baksiðnaðurinn hafi fengið 57
bandarisk einkaleyfi samþykkt
á síðustu áratugum en þau
snúast um aðferðir til að
draga úr magni ýmissa efna,
sem valda krabbameini,
hjartasjúkdómum og lungna-
þembu. Fyrirtækin gerðu þó
ekkert í málinu vegna þess, að
þá hefði framleiðslan orðið
dýrari og um leið hefðu þau
verið að viðurkenna, að vind-
lingarnir væri óhollir.
kvæmdasljóri British American
Tobacco:
„Ef við reynum að framleiða
„hættulausan“ vindling er hætt
við, að það verði túlkað þannig,
að núverandi framleiðsla sé
„hættuleg" og við ættum ekki að
koma okkur í þá stöðu.“
Var þetta minnsiblað lagt
fram í nýlegum réttarhöldum
gegn tóbaksfyrirtækjunum í
Bandaríkjunum.
Gullsmári 8 — Kópavogi
Opið hús í dag fimmtudag milli kl. 17 og 19 (íbúð 302)
Mf *
Um er að ræða stórglæsilega 4ra her-
bergja íbúð á 3. hæð í þessu fallega
lyftuhúsi. Allar innréttingar eru
sérsmíðaðar úr kirsuberjaviði, gegn-
heilt Merbau-parket á öllum gólfum.
Suðursvalir. Sérlega vönduð og
glæsileg íbúð á frábærum stað.
Gjörið svo vel að líta inn! íbúð 302.
Sjón er sögu ríkari.
Verð 11,3 millj. Áhv. húsbréf 6,0 millj.
Skeifan fasteignamiðlun,
Suðurlandsbraut 46, sími 568 5556.