Morgunblaðið - 24.04.1999, Qupperneq 13

MORGUNBLAÐIÐ
kærðu afgreiðslu Brekkugerðis-
málsins til umboðsmanns Alþingis,
sem taldi að brotið hefði verið gegn
þeim bæði af hreppsnefndinni og
landbúnaðarráðuneytinu, sem stað-
fest hafði ákvörðun hreppsnefndar í
því máli.
Bætur vegna
eldra brots
Samkvæmt heimildum Morgun-
blaðsins hefur verið grunnt á því
góða með þeim hjónum og meiri-
hluta hreppsnefndar frá því að
Brekkugerðismálið kom upp. Fram
er komið að það var vegna þessa of-
angreinda álits umboðsmanns að
landbúnaðarráðuneytið ákvað í
september sl. að bæta fyrir Brekku-
gerðismálið með því að leigja hjón-
unum Skriðuklaustur.
Hreppsnefnd Fljótsdalshrepps,
sem er umsagnaraðili um leigu rík-
isjarðarinnar ásamt jarðanefnd
sýslunnar, vildi hins vegar ekki fall-
ast á að hjónin fengju þessa jörðina
til ábúðar, frekar en hina fyrri.
Hreppsnefndin sagði m.a. að fá-
menn sveit ætti í vök að verjast með
að halda uppi fjallskilum og þyrfti
nýtt fólk á jörðina. Spurt var hvort
samþykkt hefði verið að þau hjón
hefðu lögheimili sitt utan Skriðu-
klausturs, þ.e. hvort í lagi væri að
þau byggju áfram á Brekku?
Landbúnaðarráðherra vék við
meðferð þessa kærumáls og forsæt-
isráðherra fól félagsmálaráðherra
meðferð þess. Hann hnekkti mót-
mælum hreppsnefndarinnar á þeirri
forsendu að umsögn hennar hefði
ekki borist innan þess 30 daga
frests sem er tilskilinn samkvæmt
jarðalögum.
Hreppsnefndin telur að með úr-
skurðinum og meðferð málsins hafí
verið brotið gegn stjómsýslulögum
og að ráðuneytið hafi týnt bréfi,
sem sent hafi verið í almennum
pósti tæka tíð. Hefur hreppsnefndin
ráðið lögmann til að gæta hags-
muna sinna, var haft eftir oddvitan-
um í fjölmiðlum nýlega.
Eftirmál Brekku-
gerðisdeilna
Það er að heyra á viðmælendum
Morgunblaðsins að eftirmál
Brekkugerðismálsins séu talin ráða
mestu um deilurnar í sveitinni að
þessu sinni. Grunnt sé á því góða og
þessar áralöngu deilur hafi hleypt
illu blóði í sveitunga og nágranna.
Málið snúist orðið um persónur og
eiginleg tilefni deilna séu horfin í
skuggann; önnur en þau sem leiðir
af því að hagsmunir eru bundnir því
að fá, við óbreytt ástand, áfram að
beita og nytja slægju í landi
Skriðuklausturs.
HUGBUNAÐUR
FYRIRWINDOWS
Yfir 1.400 notendur
KERFISÞROUN HF.
Fákafeni 11 • Sími 568 8055
www.islandia.is/kerfisthroun

LAUGARDAGUR 24. APRÍL 1999 13
I
I
Linsan hefur opnaö nýja og spennandi gleraugnaverslun á Laugavegi 8.
Skemmtileg gleraugu, ný gleraugu, litrík, lifandi og líka venjuleg.
LINSAN
Aðalstræti 9 Laugavegi 8
551 5055 551 4800