Morgunblaðið - 06.05.1999, Qupperneq 2

2 FIMMTUDAGUR 6. MAÍ 1999
MORGUNBLAÐIÐ
FRÉTTIR
Forystumenn félaga ASI utan löggiltra iðngreina funda um skipulagsmál
Breytingar á skipulagi
aðeins gerðar á þingi ASI
Farsímanotendur
um 120 þúsund
Þriðji hver
maður með
GSM-síma
NÆRRI lætur að þriðji hver ís-
lendingur eigi GSM-síma og sam-
tals eru skráðir um 120 þúsund far-
símanotendur í GSM-kerfí Lands-
símans og Tals og NMT-kerfi
Landssímans.
Áskrifendum Tals fjölgaði um 6-
700 í gær samkvæmt upplýsingum
frá fyrirtækinu en í tilefni eins árs
afmælis þess voru um 350 símar
seldir á eina krónu. Askrifendur
Tals voru fyrir um 16 þúsund tals-
ins.
Landssíminn verðlaunaði í gær
hundraðþúsundasta áskrifanda sinn
með fullkomnum Ericsson GSM-
síma og hundrað þúsund króna inn-
eign á símareikningi. Áskrifendur í
GSM-kerfi fyrirtækisins eru nú um
77 þúsund talsins og í NMT-kerfinu
eru rúmlega 26 þúsund símar.
■ Á milli/10
■ Fékk síma/10
MAGNÚS L. Sveinsson, formaður
Verzlunarmannafélags Reykjavík-
ur, segir að það sé alvarlegt mál ef
menn neiti að fara að leikreglum Al-
þýðusambands íslands. Það sé al-
veg skýrt að breytingar á skipulagi
ASÍ verði einungis gerðar á þingum
ASÍ. í gær ræddu forystumenn
stéttarfélaga verkafólks, verslunar-
og skrifstofufólks og iðnverkafólks
um skipulagsmál sambandsins. Á
fundinum voru fulltrúar um 50 þús-
und launþega.
„Tilgangurinn með þessum fundi
var að reyna að koma umræðu um
skipulagsmál ASÍ á eitthvert rök-
rænt plan. Fram að þessu hefur
umræðan verið mjög einhliða. Sann-
leikurinn er sá að umræðan hefur
ekki snúist um breytingar á núver-
andi skipulagi heldur hefur Rafiðn-
aðarsambandið ekki viljað una nú-
verandi skipulagi. Það eiga allir að
vita sem nálægt þessu koma að
skipulagi Alþýðusambandsins verð-
ur ekki breytt nema á þingum þess.
Umræða um skipulagsmál er hins
vegar nauðsynleg, m.a. til þess að
skapa sátt á þingunum.
Það er mjög nauðsynlegt að for-
ysta verkalýðshreyfingarinnar ræði
þessi mál á breiðum grundvelli og
reyni að átta sig á hverjir veikleik-
arnir eru, hverju þarf að breyta og
reyni að ná samstöðu um breyting-
ar,“ sagði Magnús.
Verða að fara
að leikreglunum
„Meginatriðið er að menn geta
aðeins gert breytingar á skipulagi á
þingum ASI og menn verða að fara
að leikreglunum. Ef menn geta ekki
farið að leikreglunum steðjar mikill
voði að verkalýðshreyfingunni. Ég
tel að þessi umræða sem verið hefur
undanfarið sé fallin til þess að skaða
málstað launafólks og það er mjög
alvarlegt mál,“ sagði Magnús.
í ályktun frá fundinum segir að
forystumenn stéttarfélaga verka-
fólks og verslunar- og skrifstofu-
fólks séu tilbúnir að ræða um
skipulag verkalýðshreyfingarinnar.
Bent er m.a. á þá leið að skoða
reglur um lágmarksstærð sam-
banda. Hafnað er hugmyndum um
breytingar á skipulagi sem miðast
við þrönga hagsmuni einstakra
stéttarfélaga.
„Tilfærsla á fólki ein og sér án vel
skilgreindra markmiða og án und-
angenginnar umræðu er ekki líkleg
til árangurs í skipulagsmálum. Því
miður hefur umræðan um skipu-
lagsmál að undanförnu verið ómál-
efnaleg og ómarkviss. Stóryrði og
ásakanir í garð einstakra forystu-
manna eiga ekkert erindi í umræð-
una og dæma sig sjálf. Umræða af
þessu tagi í fjölmiðlum er til þess
fallin að skaða málstað launafólks
og er ekki stuðningur við það starf
sem fram þarf að fara um skipu-
lagsmál. Þá hafa ekki komið fram
haldbær rök sem styðja fullyrðing-
ar að núverandi skipulag sé óhæft
eða skipulagið hafi verið hemill á
baráttu fyrir bættum kjönim fé-
lagsmanna,“ segir í ályktun fundar-
ins.
Skipulagsmál ASÍ voru rædd á
miðstjómarfundi ASÍ eftir hádegið
í gær. Engin niðurstaða varð á
fundinum, en forsetum ASI var falið
að gera tillögu í málinu íyrir næsta
miðstjómarfund sem verður síðar í
þessum mánuði.
Sfldarsmugan
Sfldin finnst
ekki enn
TVÖ íslensk skip voru í gær kom-
in í Síldarsmuguna, Guðrún Þor-
kelsdóttir SU og Jón Kjartansson
SU, en veiðar úr norsk-íslenska
síldarstofninum máttu hefjast í
fyrrinótt.
Að sögn Emils Thorarensen,
útgerðarstjóra Hraðfrystihúss
Eskifjarðar hf. sem gerir skipin
út, voru þau við leit nyrst í Síld-
arsmugunni í gær, þar sem lög-
sögur Noregs og Færeyja mæt-
ast, en höfðu enga síld fundið.
Gera má ráð fyrir að fleiri skip
komi á miðin á næstu dögum en
ágætisveiði var í Síldarsmugunni
á þessum tíma í fyrra. Heildar-
kvóti Islendinga úr norsk-ís-
lenska síldarstofninum á þessu
ári er rúm 202 þúsund tonn.
Morgunblaðið/Golli
Klippum beitt
á bifreið
ÖKUMAÐUR fólksbifreiðar var
fluttur á slysadeild eftir árekstur við
sendibifreið á gatnamótum Lista-
brautar og Kringlumýrarbrautar
skömmu fyrir klukkan 15 í gær.
Kalla þurfti út tækjabifreið
Slökkviliðs Reykjavíkur til að
klippa framhurð bifreiðarinnar af
svo unnt væri að ná ökumanninum
út úr flakinu. Meiðsli hans voru ekki
alvarleg, að sögn læknis, en hann
var lagður inn á sjúkrahús til eftir-
lits.
Fólksbiíreiðin skemmdist tölu-
vert en sendibifreiðin minna og gat
ökumaður hennar ekið henni af
slysstað.
Fulltrúaráð sjómannadagsins sendir
Rey kj avíku rb o r g erindi
Vilja lóð SVR
fyrir aldraða
FULLTRÚARÁÐ sjómannadags-
ins hefur sent Reykjavíkurborg er-
indi þar sem falast er eftir lóð SVR
við Kirkjusand til að byggja hjúkr-
unarheimili og íbúðir fyrir aldraða.
Óskað er eftir svai-i svo fljótt sem
kostur er.
Guðmundm- Hallvarðsson, for-
maður ráðsins, kveðst telja um ein-
stakan stað að ræða, auk þess sem
dvalarheimili á þessum stað gæti
verið í mjög nánum tengslum við
dvalarheimili DAS í Laugarási. „Við
getum byggt við það hús 60 ráma
hjúkrunarálmu, en sú stækkun er
takmörkuð og hrekkur skammt
miðað við þörfina,“ segir hann.
Vilja 10 hektara lands
„í nóvember síðastliðnum sendum
við borgarráði bréf þar sem við
óskuðum eftir framtiðarathafna-
svæði fyrir samtökin til að byggja
upp bæði hjúkrunarheimili og
íbúðir fyrir aldraða. Við sóttum um
10 hektara lands og það er ljóst að
svo stórt svæði liggur ekki á lausu í
eða við hjarta borgarinnar. Þegar
umræðan um flutning SVR hófst
ákváðum við að senda borgarstjóra
bréf þar sem við óskum eftir þess-
ari lóð, verði SVR flutt, til að
byggja yfir áðurnefnda starfsemi,“
segir Guðmundur.
Hann kveðst líta svo á að verði af
flutningi höfuðstöðva SVR sé eðli-
legt að ráðstafa lóðinni til handa
þeim sem fyrstur óskar eftir henni,
Fulltráaráði sjómannadagsins í
þessu tilviki, og hann telji að hjúkr-
unarheimili og íbúðir fyrir aldraða
henti mjög vel skipulagi á svæðinu.
Aðspurður hvort ekki megi búast
við að lóð sem þessi yrði afar dýr,
kveðst Guðmundur líta svo á að
Reykjavíkurborg ætti að afhenda
samtökum sjómanna lóðina til
eignar án endurgjalds í þakklætis-
skyni fyrir það starf sem sjó-
mannasamtökin hafa innt af hendi í
þágu aldraðra Reykvíkinga í gegn-
um tíðina.
I bréfi ráðsins til borgarstjóra
segir m.a. að staðsetning lóðarinn-
ar sé miðsvæðis og mjög ákjósan-
leg. Hún geti fallið að stefnumótun
og framtíðarsýn samtakanna í mál-
efnum aldraðra, en þau stefna m.a.
að uppbyggingu íbúðar- og þjón-
ustukjama sem komi til móts við
sem flest þarfa- og þjónustustig
fyrir aldraða.
„Regnhlíf fyrirtækja"
Samtökin stefna að því að fyrir
aldamót verði aukin umsvif og fjöl-
breytni í starfsemi Hrafnistu og í
framtíðinni verði um að ræða
„regnhlíf fyrirtækja sem vinna að
umönnun og þjónustu við aldraða.
Þessi fyrirtæki munu samnýta
þjónustuþætti og rekstrarþætti.
Með þessari framtíðarsýn stefnir
Hrafnista að því að stækka mark-
hóp sinn,“ segir í bréfi samtakanna
til borgarráðs í haust.

Morgunblaðsins
Sérblað um viðskipti/atvinnulíf
H I ramiiiTiimflTOPj
rylgstu
með
nýjustu
fréttum
Með
Morgun-
blaðinu
f dag er
dreift blaði
frá BYKO,
„Sumarblað
BYKO“.
Leiftursmenn sýndu samba
takta í Frostaskjóli / B1, B2
www.mbl.is
Arsenal komið með yfirhöndina
í Englandi / B1, B3