Morgunblaðið - 11.11.1999, Blaðsíða 2

2 FIMMTUDAGUR 11. NÓVEMBER 1999
MORGUNBLAÐIÐ
FRÉTTIR
Foreldrar leikskólabarna krefja borgaryfírvöld um lausn á vanda leikskóla
Hafurinn Kjarni í
Húsdýragarðinum allur
Hækkun leikskólagjalda
var alfarið hafnað
REYKJAVÍKURDEILD Lands-
samtaka foreldrafélaga leikskóla-
bama fundaði í gærkvöldi á Hótel
Loftleiðum. Foreldrar lýstu yfir
óánægju sinni með aðgerðir borg-
aryfirvalda og m.a. kom fram að nýr
dvalarsamningur kunni að vera
ólöglegur. Borgarráð samþykkti í
fyrradag að auka framlög til leik-
skóla og endurskoða hlutdeild for-
eldra í kostnaði.
Kynnt var sú hugmynd á fundin-
um í gærkvöldi að undirskriftum
foreldra yrði safnað á leikskólum og
e.t.v. vinnustöðum borgarinnar til
að mótmæla núverandi ástandi.
A fundinum var samþykkt að
krefja borgaryfirvöld um lausn nú-
verandi vanda og þá hafnaði fund-
urinn alfarið væntanlegri hækkun
leikskólagjalda, sem gert er ráð fyr-
ir að verði um 11%. Auk þess var
krafist afturköllunar nýrra dvalar-
samninga með óeðlilegu uppsagnar-
ákvæði og að aðrir samningar yrðu
gerðir í samvinnu við foreldra.
I máli stjómar Reykjavíkurdeild-
ar kom fram að ekki lægi fyrir
hvemig þeim 70 milljónum sem
Reykjavíkurborg hefur ákveðið að
leggja til leikskólamála yrði varið.
Nokkrir fundargesta létu í ljós þá
skoðun að féð færi líklega í að mæta
aukinni vinnu við námskrá leik-
skólabarna.
Þá kom einnig fram að auk þess
tekjumissis sem margir foreldrar
hefðu orðið fyrir í kjölfar þess að
þurfa að hafa börn sín heima lægi
fyrir að nokkrir foreldrar myndu
missa vinnuna ef svo héldi fram
sem horfði.
Viðhorfskönnun hefur verið gerð
meðal forsvarsmanna foreldrafé-
laga undanfarið og sögðu stjórnar-
menn að ýmsar góðar tillögur að
úrlausn mála væri þar að finna.
Of snemmt væri hins vegar að
kynna tillögurnar að svo stöddu,
en foreldrafélög hefðu áhuga á að
finna lausn þessa vanda í sam-
vinnu við leikskólakennara og
borgaryfirvöld.
Hlutdeild foreldra
endurskoðuð
Borgarráð samþykkti á þriðjudag
með fjórum atkvæðum meirihlutans
tillögu um að auka rekstrarfé leik-
skóla um 70 milljónir á næsta ári til
viðbótar þeim 70 milljónum sem
þegar hafa verið samþykktar. TU-
lagan gerir ráð fyrir að þessum við-
bótarkostnaði verði mætt með end-
urskoðun á hlutdeild foreldra í
rekstrarkostnaði á næsta ári.
I bókun borgarráðsfulltrúa Sjálf-
stæðisflokks kemur fram að úr-
ræðaleysi hafí einkennt vinnubrögð
Reykjavíkurlista í leikskólamálum
og að kosningaloforð hafi ekki stað-
ist. Á fundi borgarstjómar hafí ver-
ið rætt um að halda sérstakan auka-
fund og leggja fram tUlögur meiri-
hluta til að gi-eiða úr vandanum en
af þeim fundi hafí ekki orðið. Eina
úrræði meirihlutans sé að hækka
leikskólagjaldið. Bent er á að leggja
verði áherslu á að þær aukafjárveit-
ingar, sem samþykktar hafa verið,
svo og hækkun leikskólagjalda,
gangi beint tU þess að bæta kjör
starfsmanna.
í bókun borgarstjóra segir að
ljóst sé að sjálfstæðismenn séu efn-
islega sammála tUlögunni þó að þeir
kjósi að fría sig ábyrgð. Fram kem-
ur að þrátt fyrir mikla uppbyggingu
hafi gengið þokkalega að manna
leikskólana þar tU nú, þegar þensl-
an sé í hámarki. Sjálfstæðismenn
viti að engar töfralausnir sé að finna
á vanda leikskólanna og því hafi
þeir engar tUlögur uppi.
Stóra fíkniefnamálið
Gæsluvarðhald
framlengt til vors
Norræn hönnunarsýning
grunnskólabarna
22 verkefni
af 50 eru
íslensk
ÍSLENSK börn og ungmenni eiga
22 verkefni af þeim 50 sem valin hafa
verið á norræna hönnunarsýningu
grunnskólabarna, „Fantasy design.“
Valið var úr 300 tillögum sem
komu frá öllum Norðurlöndunum,
þai- af voru 70 frá íslandi, en flestöll
íslensku verkefnin voru framlög í
síðustu Nýsköpunarkeppni grunn-
skóla.
Sýningin verður opnuð í Kalmar í
Svíþjóð í maí á næsta ári og mun svo
verða farið með hana á milli Norður-
landanna. Hún verður sett upp hér á
landi í september í Gerðubergi.
HÉRAÐSDÓMUR Reykjavíkur
varð í gær við kröfu lögreglunnar
í Reykjavík um að framlengja
gæsluvarðhald fjögurra manna
til 15. mars árið 2000, en þeir
hafa setið inni í tvo mánuði vegna
rannsóknar stóra fíkniefnamáls-
ins.
Mennirnir voru þeir fyrstu sem
handteknir voru vegna málsins
hinn 10. september og úrskurðaðir
í gæsluvarðhald degi síðar, eftir
fíkniefnafund lögreglu og tollgæslu
í gámi flutningaskips, sem kom frá
Danmörku.
Einn maður situr nú í gæslu-
varðhaldi að kröfu efnahagsbrota-
deildar ríkislögreglustjórans og
rennur gæslan út klukkan 16 í dag,
fimmtudag. f dag verður tekin af-
staða hjá deildinni til þess hvort
lögð verði fram krafa um fram-
lengingu á gæsluvarðhaldi hans,
en maðurinn hefur setið inni í alls
sautján daga.
Á morgun, föstudag, rennur út
gæsluvarðhald yfir einum þeirra
tíu manna sem sitja inni að kröfu
lögreglunnar í Reykjavík en ekki
liggur fyrir ákvörðun um fram-
haldið í hans máli, að sögn lög-
reglu.
Eng'inn
kafbátur
nærri
YFIRVÖLD í Bretlandi segja
breska kafbátinn Splendid ekki
hafa verið í nánd við íslenska
flutningaskipið Suðurland þeg-
ar það sökk á aðfangadag 1986.
Kemur það fram í svari við fyr-
irspurn utanríkisráðuneytisins.
í svarinu er bent á að svipuð
umræða hafi komið upp þar í
landi snemma árs 1987. Þá var
rætt um að Splendid hefði verið
nærri þegar vöruflutningaskip-
ið Syneta sökk við strendur Is-
lands á jóladag 1986. Spurst
var fyrir um það atvik í breska
þinginu en niðurstaða rann-
sóknar var sú að fréttaflutning-
ur breskra fjölmiðla hefði ekki
verið á rökum reistur.
Hafurinn Kjarni.
Arftakinn
ekki auð-
fundinn
FJÖLSKYLDU- og húsdýragarð-
urinn þarf nú að svipast um eftir
nýjum geithafri, en hafurinn
Kjarni dó um rniðjan október-
mánuð.
Kjarni, sem ekki var nema
fjögurra ára gamall og því á
besta aldri, var svo óheppinn að
annað horn hans brotnaði. Horn
geita eru öðruvísi tengd höfuð-
kúpunni en horn kinda og hlaut
Kjarni þannig ljótt sár og varð
að aflífa hann.
Sjónarsviptir er að Kjarna sem
er sárt saknað af gestunum og
eins spyija fastagestir Húsdýra-
garðsins iðulega um örlög haf-
ursins.
Húsdýragarðurinn þarf því að
finna nýjan hafur í stað Kjarna,
en sú leit er nokkrum vandkvæð-
um bundin þar sem geitur eru í
útrýmingarhættu á Islandi. Ein-
ungis um 400 geitur eru til á
landinu og þarf því að huga að
skyldleikaræktun. Synir Kjarna
síðan í vor, þeir Hrollur og Birt-
ingur, eru enn í Húsdýragarðin-
um og er útlit fyrir að Hrollur
verði þar eitthvað áfram.
---------------
Víkingalottóið
Dani vann
183 milljónir
DREGIÐ var í Víkingalottóinu í
gærkvöldi og kom 1. vinningur á eina
röð. Var hún seld í Danmörku og
hlaut hinn heppni rúmar 183 milljón-
ir að launum.
Mikil þátttaka var í Víkingalottó-
inu að þessu sinni enda lá fyrir að
verðlaunapotturinn yrði mjög stór.
I hlut Islendinga komu alls 4,5
milljónir króna og þar af hlutu sex
einstaklingar 114 þúsund krónur
hver.

Sérbiöð í dag

• Jón Árnar Magnússon fallinn
af heimslistanum / C4
Guðmundur Benediktsson
skoraði sigurmark Geel / C1
Fylgstu
með
nýjustu
fréttum
www.mbl.is