Morgunblaðið - 11.11.1999, Qupperneq 6
6 FIMMTUDAGUR 11. NÓVEMBER 1999
FRETTIR
MORGUNBLAÐIÐ
Hreggviður Jónsson forstjóri Islenska útvarpsfélagsins og Helgi Jó-
hannsson forsljóri SL undirrita samninga um hnattferðina.
Með einkaþotu
umhverfis jörðina
f TILEFNI aldamótanna skipu-
leggja Samvinnuferðir-Landsýn
ferð umhverfís jörðina með þotu
flugfélagsins Atlanta. Ferðin
tekur 22 daga. Ferðafólkið fer
með sömu þotunni alla Ieið og
bíður hún eftir því á öllum við-
komustöðum. Ferðin verður seld
í samvinnu við Islenska útvarps-
félagið.
„Við höfum lengi hugleitt það
hvort mögulegt væri að fara
með hóp í einkaþotu hringinn í
kringum hnöttinn. Það hefur
aldrei verið gert frá íslandi. Við
vildum gera eitthvað spennandi
á nýrri öld og ákváðum að láta
þennan gamla draum rætast,“
segir Helgi Jóhannsson, fram-
kvæmdasljóri Samvinnuferða-
Landsýnar, í samtali við Morg-
unblaðið.
Ferðin hefst 19. janúar næst-
komandi og tekur í heild 22
daga. Farið verður alla leið með
Boeing 747 þotu flugfélagsins
Atlanta og bíður hún farþeg-
anna á viðkomustöðunum, sem
eru sex talsins. Arngrímur Jó-
hannsson aðaleigandi flugfélags-
ins verður flugstjóri í ferðinni.
Byijað verður að fljúga til Dub-
ai í Sameinuðu furstadæmunum,
þaðan til Delhi á Indlandi, síðan
Ho Chi Minh (Saigon) í Víetnam,
Sydney í Ástralíu, Fiji-eyja í
Kyrrahafí og síðasti viðkomu-
staðurinn er San Francisco í
Bandaríkjunum.
Helgi segir að vandað verði til
ferðarinnar. Þotan er 476 sæta
en aðeins verða seldir um 300
miðar þannig að rúmt verður
um farþegana. Gist verður á
fímm stjörnu hótelum á öllum
dvalarstöðum. Helgi segir að
það séu mikil þægindi fyrir far-
þegana að hafa einkaþotu til af-
nota; farþegarnir hafí sama sæt-
ið alla leiðina, lágmarkstími fari
í innritun og minni hætta verði á
röskun ferðaáætlunar vegna
seinkunar áætlunarflugs.
Hnattferðin er skipulögð í
samvinnu ferðaskrifstofunnar
og íslenska útvarpsfélagsins og
stendur einungis til boða þeim
áskrifendum sjónvarpsstöðva fé-
lagsins sem eru í svonefndum
M12-klúbbi. Ferðin verður kynnt
næstkomandi föstudag og þá um
leið hvað hún kostar og sala
hefst á laugardag, að sögn
Helga Jóhannssonar.
INGIBJÖRG Sólrún Gísladóttir
borgarstjóri opnaði formlega nýjan
leikskóla í Húsahverfí í Grafarvogi
í gær og gaf honum nafnið Sjónar-
hóll. Leikskólinn er þriggja deilda
með pláss fyrir 62 börn samtímis
en vegna manneklu hefur ekki ver-
ið hægt að taka við um það bil 20
bömum inn á eina deildina.
Samkvæmt upplýsingum frá
skrifstofu Leikskóla Reykjavíkur
vantar fjóra starfsmenn á leikskól-
ann til þess að hann geti talist full-
mannaður. Enn sem komið er eru
því tvær af þremur deildum leik-
skólans starfandi, með um það bil
40 börnum, en að sögn Huldu K.
Valgarðsdóttur leikskólastjóra er
vonast til þess að hægt verði að
taka við fleiri börnum og opna
þriðju deildina um áramót. Allt fer
það þó eftir því hvort tekst að ráða
inn nýtt starfsfólk. Aðspurð segir
Hulda að um 35 börn, flest fædd á
árinu 1997, séu á biðlista eftir
plássi á leikskólanum, ýmist eftir
heilsdags- eða hálfsdagsplássi.
Byggingarkostnaður
65 milljónir
Sjónarhóll tók til starfa um miðj-
an september sl. en hann er eini
nýi leikskólinn sem Reykjavíkur-
borg tekur í notkun á þessu ári
samkvæmt upplýsingum frá Leik-
skólum Reykjavíkur. Hins vegar
bætast tvær nýjar deildir við eldri
leikskóla borgarinnar, önnur við
Hagaborg og hin við Seljakot. Þá
eru í byggingu tveir leikskólar sem
áætlað er að verði teknir í notkun á
næsta ári, annar í Víkurhverfi en
hinn í Seláshverfi. Aætlaður bygg-
Morgunblaðið/Ásdís
Borgarstjóri ásamt börnum og foreldrum í nýja leikskólanum.
ingarkostnaður Sjónarhóls eru
tæplega 65 milljónir króna. Hönn-
uður hússins er Dagný Helgadóttir
arkitekt, en SG-hús á Selfossi sá
um smíði, uppsetningu og fullnað-
arfrágang húseininga. Útivistai’-
svæði skólans hannaði Þórólfur
Jónsson landslagsarkitekt og um
byggingarstjórn sá byggingardeild
borgarverkfræðings.
Sigríður Anna Þórðardóttir
forseti Norðurlandaráðs
Stokkhólmi. Morgunblaðið.
SIGRÍÐUR Anna Þórðardóttir
þingmaður var í gær kjörin forseti
Norðurlandaráðs. Á tímabili
stefndi í að kosið yrði milli þriggja
Islendinga, þeirra Sigríðar Önnu,
Sighvats Björgvinssonar og Stein-
VASAHANDBÖK
Fróðleikur
. .ívasann
HEIMS
ÁTLAS
IVerð aðeins
1.980 kr
hvor bók
M
Heimsatlas
Fánar heimsins
Hentugar vasa-
handbækur fyrir þá
sem vilja kynna sér
fljótt og örugglega
það helsta um lönd
og þjóðir núb'mans.
Bækur fyrir skólann,
vinnuna og
ferðalagið.
-íTrrir -'v' -
Mól og menningi
malogmenning.isl
Laugavegi 18 • Simi 515 2500 • Siðumúla 7 • Simi 510 2500
gríms J. Sigfússonar, en úr því
varð ekki.
Hins vegar gætti óánægju meðal
flokkahópa jafnaðarmanna og mið-
flokkanna yfir að hægrimaður væri
kjörinn, þar sem það væri að þeirra
mati óskrifuð regla að það væri
þingmaður stjómarandstöðu í við-
komandi landi, sem yrði forseti
ráðsins. Búist er við að jafnaðar-
menn og vinstrimenn leggi fram
bókanir í dag til að mótmæla kjör-
inu.
I samtali við Morgunblaðið sagði
Sigríður Anna að það væri fjarri
lagi að slíkt samkomulag væri til.
Forseti ráðsins er kosinn til árs í
senn og fer embættið til skiptis til
landanna fimm og sjálfstjómar-
svæðanna. Nú er komið að íslend-
ingum að fylla sætið. Gun Hellsvik
sem nú lætur af störfum er hægri-
maður, þó jafnaðarmenn séu við
stjóm í Svíþjóð.
Hvert land getur fylgt sinni
venju en óskrifaðar reglur til
Sighvatur sagði í samtali við
Morgunblaðið að búast hefði mátt
við þessari niðurstöðu, en meðal
jafnaðarþingmanna væri mikil óá-
nægja með að Sjálfstæðisflokkurinn
skyldi ekki virða þann sið, sem væri
á hinum löndunum að velja stjómar-
andstöðuþingmann í embættið.
Hann benti á að af þeim átta ís-
lensku forsetum, sem
hefðu setið síðan 1960
hefðu sex verið sjálf-
stæðismenn og tveir
framsóknarmenn. Nú
bættist því sjöundi sjálf-
stæðismaðurinn við.
I kjömefndinni, sem
formlega gerir tillögu
um forseta fékk Sig-
hvatur sex atkvæði og
Sigríður Anna sjö. Sig-
hvatur kvaðst hins veg-
ar hafa ákveðið að
halda framboði sínu
ekki til streitu, en nið-
urstaðan nú gæti leitt
til þess að jafnaðar-
menn á hinum Norður-
löndunum hættu að tilnefna stjóm-
arandstöðuþingmann úr því Sjálf-
stæðisflokkurinn virti ekki þetta
óformlega samkomulag. Sighvatur
lagði áherslu á að þetta væri ekki
mál milli hans og Sigríðar Önnu,
heldur almennt grundvallaratriði í
störfum þingsins.
Steingrímur J. Sigfússon var
frambjóðandi vinstrihópsins í
Norðurlandaráði. Hann sagðist
ánægður með ferli málsins, því
markmið hópsins hefði náðst. Það
hefði verið að sýna fram á að mikið
vantaði upp á að vinstrihópurinn
hefði fengið eðlilega hlutdeild í
embættum ráðsins, forsetaembætt-
Sigríður Anna
Þórðardóttir
inu og nú einnig for-
mennsku þriggja meg-
in nefnda ráðsins.
Sjálfur sóttist Stein-
grímur ekki eftir for-
setaembættinu, heldur
var hann valinn fram-
bjóðandi vinstrihóps-
ins, þar sem hann hef-
ur langa reynslu af
starfi í ráðinu. Hann
tók undir sjónarmið
Sighvats um að Sjálf-
stæðisflokkurinn virti
ekki óskrifaða reglu
um forsetaembættið.
Þetta undirstrikaði að
þjóðþingin á hinum
Norðurlöndunum
hefðu sterkari stöðu en á Islandi,
þingræðið á Islandi væri veikara og
þau skilaboð mættu gjarnan berast
heim.
Sigríður Anna sagði í samtali við
Morgunblaðið að það væri fjarri
lagi að einhver regla gilti á þessu
sviði. Hvert land væri frjálst að því
að ákveða sína frambjóðendur. Búið
væri að flokksgera Norðurlandaráð,
svo ef löndin vildu koma einhverjum
tillögum að á þessu sviði þyrftu þær
að fara í gegnum flokkahópana á
þinginu. íslendingar hefðu aldrei
gert neitt samkomulag um fram-
boðsmálin og ekkert slíkt sam-
komulag væri í gildi.
skólann
Samvinnuferðir-Landsýn
skipuleggja aldamótaferð
Nýr leikskóli í Grafarvogi formlega opnaður í gær
Enn vantar
starfsmenn
til þess að
fullmanna