Morgunblaðið - 30.12.1999, Page 1

298. TBL. 87. ÁRG.
FIMMTUDAGUR 30. DESEMBER 1999 PRENTSMIÐJA MORGUNBLAÐSINS
A
Ovenju-
leg ára-
móta-
veisla
Chicago. AP.
BORGARSTJÓRI Chicago í
Bandaríkjunum hefur ákveðið
að framkvæma hugmynd sem
honum barst með tölvupósti
frá Italíu um hvernig standa
eigi að hátíðahöldum vegna
árþúsundaskiptanna.
Borgaryfirvöld í Chicago
lýstu nýlega eftir hugmynd-
um um hvernig halda ætti
upp á árþúsundaskiptin og í
síðustu viku barst þeim net-
bréf frá ítölskum bæjarstarfs;
manni í bænum Vigevano. I
netbréfmu er stungið upp á
því að borgaryfirvöld bjóði
tveimur óbreyttum borgurum
frá hverju landi heimsins til
áramótaveislu, ekki þekktum
einstaklingum heldur einung-
is „venjulegu“ fólki.
Borgarstjóri tók þegar í
stað þá ákvörðun að fram-
kvæma skyldi hugmyndina og
í þessari viku koma tveir
gestir frá hverju og einu ná-
lega 200 ríkja og sjálfstjórn-
arsvæða til Chicagoborgar.
Reuters
Olíumengun breiðist enn út
SJÁLFBOÐALIÐAR og sérhæfðir starfsmenn vinna enn baki brotnu við að reyna að hreinsa olíu af vestur-
strönd Frakklands sem hefur skolast þar á land eftir að olíuflutningaskip fórst á Biskay-flóa fyrir hálfum mán-
uði. Olía úr flaki olíuflutningaskipsins Erika, sem var á vegum franska olíufélagsins Totalfina, heldur áfram að
breiðast út suður með strönd landsins. Mengunin þekur nú 400 kílómetra strandlengju frá Bretagne-skaga suð-
ur til Vendeé-héraðs. Síðdegis í gær hafði mengunin náð suður til ferðamannabæjarins Les Sables d’Olonne.
Bardagar í Grosní færast f átt að miðborginni
Uppreisnarmenn veita
kröftuga mótspyrnu
Rússneskir hermenn vopnaðir handsprengjukastara bíða átekta í húsa-
rústum í norðiírhluta Grosní.
Grosní. AP, AFP.
TSJETSJNESKIR uppreisnar-
menn sögðu í gær að þeir hefðu haf-
ið skipulagt undanhald frá úthverf-
um Grosní, héraðshöfuðborgar
Tsjetsjníu, í átt til miðborgarinnar.
Rússar segja að sex menn hafi fallið
úr liði þeirra í átökum í Grosní frá
því á laugardag en Tsjetsjenar segj-
ast hafa fellt hundruð rússneskra
hermanna í borginni síðustu daga.
Uppreisnarmenn segja að síðustu
daga hafi þeir meðal annars yfir-
gefið norðvesturhluta borgarinnar,
hið svonefnda Staropromyslovsky-
hverfi, eftir hörð átök þar við
Rússa.
Rússneskir hermenn sem AFP-
fréttastofan náði tali af í gær sögð-
ust ekki fá nægan stuðning af stór-
skotaliði til að geta sótt lengra inn í
borgina. Rússar beita þeirri aðferð
að senda fáliðaða flokka sérsveitar-
manna á undan meginheraílanum
til að koma í veg fyrir mannfall.
Þegar flokkarnir mæta mótspyrnu
uppreisnarmanna hopa þeir undan
og stórskotalið reynir að stökkva
uppreisnarmönnunum á flótta. Að
sögn sérsveitarmanna hafa leyni-
skyttur uppreisnarmanna reynst
þeim skeinuhættar. „Jafnskjótt og
við uppgötvum leyniskyttur köllum
við til stórskotaliðið en skytturnar
ná yfirleitt að forða sér undan
sprengiregninu," sagði einn sér-
sveitarmanna í samtali við AFP í
gær.
ÖSE hvetur
til vopnahlés
Igor Sergeyev, varnarmálaráð-
herra Rússlands, sagði í gær að
senn liði að lokum orrustunnar um
Grosní. Einn foringi Tsjetsjena í
borginni sagði aftur á móti við
fréttamann AP-fréttastofunnar að á
bilinu 3.000-5.000 uppreisnarmenn
væru í borginni og að Rússum
myndi ekki takast að vinna hana.
Öryggis- og samvinnustofnun
Evrópu (ÖSE) hvatti í gær Rússa til
að lýsa yflr vopnahléi og að tugum
þúsunda óbreyttra borgara, sem
hafast við í kjöllurum Grosní, yrði
leyft að yfirgefa hana. I yfirlýsingu
sem Knut Vollebæk, framkvæmda-
stjóri ÖSE, sendi frá sér í gær segir
að óbreyttir borgarar í Grosní séu
enn fórnarlömb hernaðaraðgerða
Rússa.
Stjórnvöld í Moskvu neituðu í
gær ásökunum mannréttindasam-
takanna Human Rights Watch, sem
segja að Rússar hyggist nota erlend
lán til að standa straum af stríðs-
rekstrinum í Tsjetsjníu. Samtökin
fullyrða að 100 milljóna dollara lán,
sem Alþjóðabankinn samþykkti ný-
lega að veita Rússum til hagræðing-
ar í kolaiðnaði landsins, verði notað
til að fjármagna hernaðinn. Fyrsti
aðstoðarforsætisráðherra Rúss-
lands, Nikolai Aksyonenko, sagði í
gær að fénu yrði varið eins og um
var samið við bankann.
Slaka á
kröfum
Kandahar. AP, AFP, Reuters.
FLUGRÆNINGJAR, sem
haldalðð manns í gíslingu um borð
í indverskri farþegaþotu á flugvelli
í Afganistan, hafa fallið frá tveimur
skilyrðum sem þeir höfðu sett fyrir
því að fólkið yrði látið laust. Ræn-
ingjarnir hafa fellt niður kröfu sína
um að fá 200 milljóna dollara
lausnargjald, jafnvirði um 14 millj-
arða ísl. króna, fyrir gíslana. Þeir
krefjast þess heldur ekki lengur að
fá afhentar líkamsleifar eins for-
ingja síns sem lést í átökum við
indverska hermenn í Kasmír-hér-
aði fyrr á þessu ári. Flugræningj-
arnir, sem tilheyra samtökum sem
berjast gegn yfirráðum Indverja í
Kasmír, krefjast þess enn að 36 fé-
lagar þeirra, sem sitja í indversk-
um fangelsum, verði látnir lausir.
Tilslakanir ílugræningjanna eru
meðal annars þakkaðar utanríkis-
ráðherra Afganistans, Wakil
Ahmed Muttawakil, sem hefur haft
milligöngu í samningaviðræðum
ræningjanna við indversk stjórn-
völd. Utanrikisráðherrann er sagð-
ur hafa minnt flugræningjana á að
kröfur um lausnargjald og upp-
gi’öft líks væru andstæðar boðorð-
um íslam.
Hóta að þvinga
ræningjana úr landi
Stjórnvöld í Afganistan sögðu í
gær að ef ekki tækist að finna frið-
samlega lausn á málinu innan
skamms yrðu flugræningjarnir
neyddir til að yfirgefa landið. Hót-
uðu stjórnvöld því að ef ekki tækist
að semja við flugræningjana yrðu
þeir beðnir um að hafa sig brott og
þvingaðir til þess ef með þyrfti.
---
Ekki sekur
um landráð
St. Pótursborg. AP, Reuters.
RÚSSNESKUR dómstóll sýknaði í
gær fyrrverandi sjóliðsforingja sem
ákærður hafði verið fyiir landráð
eftir að hann upplýsti um hættuleg-
an kjarnorkuúrgang í flotahöfn á
Kólaskaga.
Sjóliðsforinginn, Alexander Nik-
itin, ritaði árið 1996 grein í tímarit
norski-a umhverfisverndarsamtaka,
Bellona, þar sem fram kom að hætta
væri á að geislavirk efni lækju í haf-
ið frá 52 kjarnorkukafbátum sem
sjóherinn hafði hætt notkun á.
Vegna greinarinnar var Nikitin
ákærður fyrir að hafa ljóstrað upp
ríkisleyndarmálum. Saksóknarar
fóru fram á að Nikitin yrði dæmdur
til 12 ára vistar í vinnubúðum og að
eignir hans yrðu gerðar upptækar.
Dómai’i við sambandsdómstól í St.
Pétursborg komst hins vegar að
þeirri niðurstöðu í gær að ákærurn-
ar færu í bága við stjórnarskrá
landsins þar sem Nikitin hefði verið
sakaður um að brjóta leynilegar
reglur varnarmálaráðuneytisins
sem hefðu ekki öðlast gildi fyrr en
eftir handtöku hans.
MORGUNBLAÐK) 30. DESEMBER 1999