Morgunblaðið - 30.12.1999, Side 16

16 FIMMTUDAGUR 30. DESEMBER 1999
MORGUNBLAÐIÐ
LANDIÐ
Samningur Atvinnuþróunarfélags Eyjafjarðar við
Akureyrarbæ og Fjárfestingarstofuna
Vilja vera vel undirbúnir
verði efnt til frekari stóriðju
HÓLMAR Svansson, framkvæmdastjóri At-
vinnuþróunarfélags Eyjafjarðar, segir að
markmiðið með samningi Atvinnuþróunarfé-
lagsins, Akureyrarbæjar og Fjárfestingarstof-
unnar - orkusviðs um staðarvalsathuganir fyrir
stóriðju sé einkum sá að þar nyrðra vilji menn
einfaldlega vera vel undirbúnir ef og þegar
tækifæri gefast í þessum efnum. Það hafi sýnt
sig í vinnu vegna fyrirhugaðrar Fljótsdalsvirkj-
unar að ótal atriði getið komið upp sem huga
þurfí að, t.d. í sambandi við mat á umhverfis-
áhrifum, og að sjálfsagt sé því að fara vel yfir
hlutina og sannreyna að allt sé í samræmi við
nýjustu reglur í þessum efnum.
Samningur Atvinnuþróunarfélagsins, Akur-
eyrarbæjar og Fjárfestingarstofunnar var und-
irritaður á þriðjudag og segir Hólmar m.a. að
menn hafi viljað ramma samstarf þessara aðila
betur inn og halda þannig áfram á lofti gömlum
hugmyndum um stóriðju í Eyjafirði.
Aðspurður um það hvers vegna þessar hug-
myndir komi aftur upp núna segir Hólmar að í
sjálfu sér hafi staðið til í nokkurn tíma að
skrifa undir samning sem þennan.
„Samningur sem var í gildi áður var á milli
Markaðsskrifstofu iðnaðarráðuneytisins, sem
var forveri Fjárfestingarstofunnar, en er hins
vegar ekki lengur til; útibús Byggðastofnunar
hér á Akureyri, sem sömuleiðis er ekki til leng-
ur, og síðan hefur Héraðsnefnd Eyjafjarðar
vísað þessu yfir til okkar. Þannig að allir þeir
sem stóðu að gamla samningnum, sem átti að
huga að þessu staðarvali, eru í raun ekki í þess-
um bransa lengur,“ segir Hólmar.
Ótal hlutir sem
þarf að huga að
Hann segir markmið svona samstarfs að taka
til skoðunar þær stóriðjuhugmyndir sem koma
upp á borðið, og nefnir hann hugmyndir um
byggingu zinkverksmiðju sem skutu upp kollin-
um í vetur sem leið.
„Það hefur náttúrlega komið í Ijós í þessari
vinnu þarna fyrir austan að það eru einfaldlega
ótal fletir sem þarf að passa og kröfur eru
breytilegar, og þó að það sé búið að vinna ýms-
ar rannsóknir fyrir þetta svæði þá er ljóst að
það er alltaf eitthvað nýtt og eitthvað meira
sem þarf að gera.“
Hólmar segir þó ekki að samningur norðan
heiða nú sé tilkominn vegna deilna í þjóðfélag-
inu um Fljótsdalsvirkjun. I ijósi þess að nú sé
fyrir hendi meiri reynsla af vinnu í sambandi
við umhverfismat hafi menn hins vegar komist
á þá skoðun að það sé einfaldlega sjálfsagt að
fara vel yfir þessi mál og sannreyna að allt sé í
samræmi við nýjustu reglur í þessum efnum.
„Það er mikið framundan í sambandi við t.d.
hafnarmannvirki og annað slíkt og mikilvægt
að það sé allt á tæru áður en menn fara að
bjóða þetta út.“
Horft til Dysness
fyrir stóriðju
Að sögn Hólmars er Dysnes sá staður fyrir
stóriðju sem menn hafa einkum horft til í Eyja-
firðinum, sérstaklega ef verið sé að ræða um
t.d. álver, zinkverksmiðju eða eitthvað annað
sem teldist vera hafnsækin stóriðja. Smærri
iðjuver, sem einnig komi vel til greina, gætu
aftur á móti verið annars staðar.
Tekur Hólmar undir þá túlkun að norðan-
menn vilji einfaldlega vera vel undirbúnir, komi
frekari stóriðjuframkvæmdir til álita. Jafn-
framt vilji þeir sýna að Eyjafjarðarsvæðið sé
góður kostur í þeim efnum.
í Fljótsdalsvirkjunarumræðunni bar nokkuð
á þeirri röksemd að stillur væru slíkar í Reyð-
arfirði að ekki væri heppilegt að byggja þar ál-
ver. Hólmar viðurkennir að sömu veðurskilyrði
séu að mörgu leyti fyrir hendi hvað þetta varð-
ar í Eyjafirðinum en segir að um leið og komið
sé út með firðinum séu aðstæður aðrar, þá
trekki t.d. beint niður úr Hörgárdalnum og auk
þess skipti máli hvers konar verksmiðjur verið
sé að tala um.
„Það er hins vegar alveg ljóst að menn fara
ekkert hér í hvað sem er,“ segir Hólmar og
bætir við: „Við gerum náttúrlega miklar kröfur
á svona svæði til þess iðnaðar sem þarna er.“ Á
þetta leggur hann áherslu og segir að menn séu
einkum og sér í lagi að horfa til þess að auka
fjölbreytni starfa á svæðinu, og styrkja þetta
atvinnusvæði.
„Það er mjög hagkvæmt fyrir landskerfið,"
segir Hólmar, „að það sé meiri notkun á orku
hér á þessu svæði, á milli Kröflu og Blöndu.
Menn eru að flytja mjög mikið af þessari orku
suður með viðeigandi orkutapi á leiðinni. Og því
væri mjög eðlilegt og sjálfsagt að hér væri vel
samkeppnishæfur staður. Svo hafa menn nátt-
úrulega bara kosti hér í sambandi við t.d.
vinnuafl og annað sem gefur svæðinu aukið
vægi.“
Níu ára
börn fá
öryggis-
gler-
augu
UM áramótin líkt og fem síð-
ustu áramót ætlar björgunar-
sveitin Súlur á Akureyri að
gefa öllum níu ára börnum í
bænum öryggisgleraugu.
Sparisjóður Norðlendinga og
slysavarnakonur á Akureyri
styðja þetta framtak Súlna, en
markmiðið er að öll börn sem
og flestir fullorðnir noti örygg-
isgleraugu þegar flugeldar og
blys eru notuð.
Oryggisgleraugu era seld á
öllum sölustöðum Súlna á Ak-
ureyri á kostnaðarverði. Sölu-
staðir verða opnir í dag,
fimmtudaginn 30. desember,
frá kl. 10 til 22 og á morgun,
gamlársdag, frá kl. 10 til 16.
Björgunarsveitin Súlur var
stofnuð 30. október síðastliðinn
með sameiningu Hjálparsveit-
ar skáta, Flugbjörgunarsveit-
arinnar og Sjóbjörgunarsveit-
arinnar Súlna. Hjálparsveit
skáta hefur síðustu 28 ár selt
flugelda á Akureyri og stendur
ílugeldasalan þannig á traust-
um grunni. Björgunarsveitar-
félagar vilja minna á að flugeld-
ar geta verið hættulegir, sem
og blys, ef ekki er gætt fyllstu
varúðar, en alvarlegustu slysin
verða þegar neistar eða eldur
fer í auga, sem valdið getur
óbætanlegum skaða. Til að
spoma við slíku verða níu ára
börnum á Akureyri gefin ör-
yggisgleraugu sem fyrr segir.
Léku listir
ÍSILÖGÐ Leirutjöm á Akureyri
var vettvangur þessara félaga sem
sjá má á myndinni, en þeir brugðu
sér á bak vélhjólum sínum, þeystu
um og léku listir af ýmsu tagi.
Vegfarendur urðu vitni að góðum
tilþrifum og ekki er að efa að
drengirnir hafi haft gaman af.
" .......
Eyfirskir mjólkurframleiðendur á fundi með forsvarsmönnum Mjólkursamsölunnar
Breytingar framundan hjá ey-
fírskum mjólkurframleiðendum
HÓPUR eyfirskra mjólkurfram-
leiðenda hélt í gær fund með for-
svarsmönnum Mjólkursamsölunn-
ar, þeim Magnúsi H. Sigurðssyni
stjórnarformanni og Guðmundi
Þorsteinssyni stjómarmanni frá
Skálpastöðum.
Tilgangur fundarins var að fræð-
ast um rekstur og starfshætti
Mjólkursamsölunnar og þiggja góð
ráð í sambandi við þær breytingar
sem nú standa fyrir dyrum hjá ey-
firskum mjólkurframleiðendum.
Skoðun þeirra félaga var sú að
æskilegast væri að mjólkursamlög
væru alfarið í eigu mjólkurfram-
leiðenda.
Nú standa yfir viðræður milli for-
svarsmanna Kaupfélags Eyfirðinga
og Búnaðarsambands Eyjafjarðar
um eignarhlut bænda í Mjólkur-
samlagi KEA. Skiptar skoðanir
voru á fundinum um hvernig eign-
araðild væri best háttað, en flestir
voru á þeirri skoðun að meirihluti
samlagsins væri í eigu framleiðend-
anna sjálfra.