Morgunblaðið - 25.01.2000, Blaðsíða 25

MORGUNBLAÐIÐ
ÞRIÐJUDAGUR 25. JANÚAR 2000 25
ERLENT
Greiddi Mitterrand í
kosningasjóð Kohls?
Jerlín, París. AP, AFP, Reuters.
AP
Francois Mitterrand, fyrrverandi Frakklandsforseti, og Helmut
Kohl, fyrrverandi kanzlari Þýzkalands, um það leyti sem Kohl barð-
ist fyrir umboði kjósenda til að sitja Qórða kjörtímabilið.
ÁSAKANIR komu fram um helgi-
na þess efnis, að Ki-istilegir demó-
kratar í Þýzkalandi (CDU) hefðu
fyrir þingkosningar árið 1994, þeg-
ar Helmut Kohl barðist fyrir því að
verða endurkjörinn til að stjórna
Þýzkalandi fjórða kjörtímabilið í
röð, fengið sem svarar rúmlega
milljarði króna í leynilegan fjár-
styrk úr franska ríkiskassanum.
Ríkissjónvarpsstöðvarnar ARD í
Þýzkalandi og France2 í Frakk-
landi greindu frá því á laugardag,
að í tengslum við samninga um
kaup franska olíufyrirtækisins Elf-
Aquitaine, sem þá var í ríkiseigu, á
olíuhreinsunarstöð í Leuna í Aust-
ur-Þýzkalandi og tilheyrandi neti
benzínstöðva árið 1992, hefði þessi
milljarður streymt eftir krókaleið-
um inn á leynireikninga CDU, og er
Francois Mitterrand, þáverandi
Frakklandsforseti og stórvinur
Kohls, sagður hafa hvatt til þess að
fé franskra skattborgara yrði varið
á þennan veg.
Segir í frétt sjónvarpsstöðvanna
að samtals hefðu 3,2 milljarðar
króna verið greiddir til að „liðka
fyrir“ samningunum um kaupin og
þriðjungur þessarar upphæðar
hefði runnið til CDU. Er háttsettur
samstarfsmaður Mitterrands frá
þessum tíma sagður hafa staðfest
þetta og á sá að hafa fullyrt að
markmiðin með greiðslunum hefðu
verið hin heiðarlegustu. „Þetta
voru ekki mútur eða spilling. Þetta
var fé til stuðnings kosningabarátt-
unni. Þetta var gert í þágu æðri
hagsmuna - í þágu Evrópu,“ var
haft eftir hinum ónafngreinda
heimildarmanni.
„Tilraun til mannorðsmorðs“
Talsmaður Kohls vísaði þessum
fréttum á bug og sagði þær vera til-
raun til mannorðsmorðs. Kohl hef-
ur áður lýst því yfir að peningar
hefðu aldrei skipt neinu máli í sam-
skiptum sínum og Mitterrands um
Elf/Leuna-samninginn frá 1992.
Talsmaður Elf í höfuðstöðvum fyr-
irtækisins í París vildi ekki tjá sig
um málið. Kanzlarinn fyrrverandi
hefur hins vegar viðurkennt að hafa
á fimm síðustu valdaárum sínum,
1993-1998, tekið við um 75 millj-
ónum króna í nafnlausar greiðslur
inn á leynilega reikninga CDU.
Oskar Lafontaine, sem hafði
mikil afskipti af kosningabaráttu
þýzkra jafnaðarmanna fyrir kosn-
ingarnar 1994 og er í mjög góðum
tengslum við forystusveit franska
Sósíalistaflokksins (sem Mitter-
rand fór fyrir á sínum tíma), sagði í
París í gær að sér þætti harla ólík-
legt að þessar ásakanir stæðust.
Gerhard Schröder, kanzlari
Þýzkalands og núverandi flokks-
leiðtogi þýzkra jafnaðarmanna,
sagðist myndu skipa óháðan sak-
sóknara til að rannsaka þetta frek-
ar, en á vegum Schröder-stjórnar-
innar hefur ákaft verið leitað að
gögnum úr stjórnartíð Kohls sem
varða samningana um yfirtöku Elf
á Leuna-stöðinni, en fjöldi þeirra
gagna virðist með öllu horfinn.
„Við munum komast til botns í
þessu,“ sagði Schröder í viðtali á
nýju fréttasjónvarpsstöðinni N24.
„Eg tel að um leið og aðstæður
leyfa verðum við að skipa óháðan
rannsóknaraðila. Við verðum að
reyna að finna út úr því hvaða gögn
hurfu. Þetta er augsýnilega allt
mjög undarlegt," sagði kanzlarinn.
Talsmaður þeirrar deildar fram-
kvæmdastjórnar Evrópusam-
bandsins, sem hefur eftirlit með því
að samkeppnisreglum þess sé fylgt,
sagði í gær að hún fylgdist náið með
framvindu þessara mála. Fram-
kvæmdastjórnin er að kanna hvort
þýzk stjórnvöld hafi brotið reglur
ESB um niðurgreiðslur með samn-
ingunum við Elf-Aquitaine.
Slæmt fyrir ímynd
Evrópusamrunans
Stjómmálaskýrendur telja að
reynist eitthvað hæft í því að Mitt-
errand-stjórnin hafi látið þetta fé af
hendi rakna í því skyni að reyna að
tryggja að Kohl héldi völdum fjög-
ur ár til viðbótar, muni það grafa
enn frekar undan trausti almenn-
ings á samrunaþróuninni í Evrópu.
Þeir Mitterrand og Kohl voru eins
og kunnugt er helztu hvatamenn
Maastricht-sáttmálans og þess að
staðið yrði við áformin um Efna-
hags- og myntbandalag Evrópu
(EMU). Áður hefur komið fram
orðrómur um að Mitterrand hafi
ekki viljað veita Kohl samþykki sitt
við sameiningu Þýzkalands nema
gegn því að Kohl héti því að Þjóð-
verjar fórnuðu „hinu harða þýzka
marki“ fyrir óvissumyntina evruna.
Þeir atburðir sem raktir voru í
frétt ARD og France2 gerðust um
svipað leyti og verið var að ganga
frá Maastricht-sáttmálanum, en
með undirritun hans skuldbundu
Þjóðverjar sig líka til að taka upp
evruna.
Ásakanirnar í fréttinni ganga að-
allega út á það, að Kohl og Mitter-
rand, nánir vinir og helztu drif-
fjaðrir Evrópusamrunans á þessum
tíma, hafi óttast almenningsálitið í
Þýzkalandi og samþykkt greiðsl-
urnar í gegn um Elf til að reyna að
tryggja endurkjör Kohls og að
þýzkir kjósendur sættu sig við að
markið gengi inn í sameiginlegu
Evrópumyntina.
Gagnrýnendur segja að hin há-
leitu markmið leiðtoganna tveggja
breyttu því ekki að hér væri spill-
ing á ferðinni.
„Þetta er einfaldlega staðfesting
á þeim ólýðræðislega anda sem ríkt
hefur við þróun Evrópusamrun-
ans,“ hefur AFP eftir John Laugh-
land, vel þekktum gagnrýnanda
Evrópusambandsins.
Fylgjendur Evrópusamrunans
harma að svo virðist sem þetta
renni stoðum undir þá skoðun að
þróun hans sé fjarlæg almenningi.
„Það sem þetta sýnir er að Kohl og
Mitterrand trúðu á uppbyggingu
Evrópu ofan frá, og á Evrópu þar
sem gegnsæi væri óþarft,“ segir
Anne-Marie Le Gloannec, sem
stýrir Marc Bloch-stofnuninni í
Berlín, sem hefur orð á sér fyrir að
sinna ESB-vinsamlegum rann-
sóknum.
Sukarnoputri
til Kryddeyja
Jakarta. AP, AFP.
VARAFORSETI Indónesíu, Mega-
wati Sukarnoputri, hélt í gær í
þriggja daga heimsókn til Krydd-
eyja, þar sem átök milli múslíma og
kristinna hafa kostað a.m.k. 2.000
manns lífið á einu ári. Markmiðið
með för hennar er að leita leiða til að
binda enda á óöldina sem ríkt hefur á
eyjunum.
Á morgun er ráðgert að Sukar-
noputri muni hitta leiðtoga kristinna
og múslíma í höfuðstað eyjanna, Am-
bon. Þar var allt með kyrrum kjörum
í gær eftir að hermenn hófu skipu-
lega leit að vopnum í borginni um
helgina. I för með varaforsetanum
eru sjö ráðherrar úr ríkisstjórn Ind-
ónesíu, þeirra á meðal Wiranto, ráð-
herra öryggismála. I fylgdarliði Suk-
arnoputris er einnig Adisucipto,
aðmíráll og yfirmaður hersins.
Abdurrahman Wahid, forseti Ind-
ónesíu, fól á síðasta ári Sukarnoputri
að kveða niður innanlands ófrið sem
geisað hefur vlða um Indónesíu und-
anfarið. Pólitískir andstæðingar
hennar og trúarleiðtogar múslíma
hafa gagnrýnt hana fyrir að hafa
ekki tekist að binda enda á átökin á
Kryddeyjum og hafa mótmælendur
kraflst afsagnar hennar.
Á sunnudag brutust út átök milli
fylkinga kristinna og múslíma á eyj-
unni Haruku, sem liggur skammt
austan við Ambon. Að minnsta kosti
28 létust. Yfirmaður hersins á staðn-
um sagði að átökin hefðu hafist eftir
að hópur múslíma lagði eld að kirkju
á eyjunni á sunnudagsmorgun.
Engir hermenn í Jakarta
í fyrsta skipti í áraraðir eru nú
engir hermenn á götum Jakarta, höf-
uðborgar Indónesíu. Samt sem áður
er' enn á kreiki orðrómur um að
valdarán hersins sé yfirvofandi, að
því er AP-fréttastofan hermir.
Síðustu vikur hafa verið uppi
vangaveltur um að herinn hygðist
velta Wahid úr sessi. Hæstráðendur
Megawati Sukarnoputri, vara-
forseti Inddnesiu, er í þriggja
daga heimsókn á Kryddeyjum.
innan Indónesíuhers hafa þvertekið
fyrir að þeir hafi slíkt á prjónunum,
jafnvel þótt vitað sé að herforingjar
eru margir ævareiðir út 1 Wahid fyr-
ir að ætla að kanna ásakanir á hend-
ur þeim vegna meintra mannrétt-
indabrota á Austur-Tímor. Richard
Holbrooke, sendiherra Bandaríkj-
anna hjá Sameinuðu þjóðunum, hef-
ur varað herforingja við afleiðingum
valdaráns en sérfræðingar í málefn-
um Indónesíu telja litlar líkur á að til
þess komi þar sem herinn njóti ekki
stuðnings almennings í landinu.
PAR

Viö greinum göngu- og
hlaupalag með tölvutækni sem
gerir okkur kleift að finna
álagspunkta með vísindalegum
hætti. Fagfólk veitir
persónulega ráðgjöf.
Geymið auglýsinguna.
Innlegg
Skór
Fótavörur
Tímapantanir
í síma 515 1335
ÖSSUR hf. Grjóthálsi 5
110 Reykjavík
Sími 515 1335
Fax 515 1366
www.ossur.is
netfang mottaka@ossur.is
ra
ÖSSUR
Við hjálpum fólki að njóta sín til fulls